Dutheronomi 9:28 - Siswati 1996 Bible

²⁸ Nakungenjalo, lesive lowasikhipha kuso sitawutsi: “Kungobe Simakadze wehluleka kubangenisa kulelive labebatsembise lona, kantsi futsi kungobe abebatondza, ngako wabakhiphela kutawubabulalela ehlane.”

Dutheronomi 9:28 Referencias Cruzadas

Eksodusi 32:12

Pho, kudzingeke ngani kutsi emaGibhithe abe asatsi: ‘Wabakhipha ngebucili eGibhithe wabe sewubabulala ngekubacitsa ebusweni bemhlaba baphelela etintsabeni bonkhe’? Mane uluyekele lulaka lwakho loluvutsako, ucole, ungasehliseli imbhubhiso lesive sakho.

Hezekeli 20:9

Kodvwa ngenca yeLibito lami, ngenta loko lokwakungaligcina lingakonakali emehlweni etive labebahlala emkhatsini wato, nalengatembula embikwato kuma-Israyeli ngekubakhipha eveni laseGibhithe.

Numeri 14:16

‘Simakadze wehlulekile kungenisa lesive sakhe eveni labefunge kutsi utasingenisa kulo; wababulalela ehlane bonkhe.’

Dutheronomi 1:27

Nakhonona emathendeni enu, natsi: ‘Simakadze uyasenyanya; kungako nje asikhipha eveni laseGibhithe, abentela kutasinikela etandleni tema-Amori kutsi atesibhubhisa.

Dutheronomi 32:27

Kodvwa ngakwesaba kucolosha kwesitsa, funa sitsa singacondzisisi kahle, bese sitsi: “Sandla sami sincobile akukentiwa nguSimakadze konkhe loku.” ’

Dutheronomi 9:27

Khumbula tinceku takho bo-Abrahama, na-Isaka, naJakobe. Ungabunaki buhlongandlebe balesive, nebubi baso, nesono saso.

Joshuwa 7:9

EmaKhenani kanye naletinye tive takuletive titakuva ngaloku, bese tiyasivimbetela tilitsanyele liphele nya libito letfu emhlabeni. Utakwenta njani-ke ngeLibito lakho lelikhulu kangaka?”