Dutheronomi 9:26 - Siswati 1996 Bible

²⁶ Ngathandaza kuSimakadze ngatsi: ‘Hawu, Somandla, Simakadze, ungasibhubhisi sive sakho lesilifa lakho lowalihlenga ngemandla akho lamakhulu, wasikhipha eGibhithe ngesandla lesinemandla.

Dutheronomi 9:26 Referencias Cruzadas

2 Samuweli 7:23

Kona ngubani nje lonjengesive sakho, ema-Israyeli, sive lekukuphela kwaso emhlabeni Nkulunkulu lowaphuma wayakusikhulula kutsi sibe sive sakhe, atakhele libito lelikhulu, watakwenta timangaliso letinkhulu naletishacisako ngekudvungulula tive ngetive kanye nabonkulunkulu bato embikwesive sakho lowasikhulula eGibhithe?

1 Emakhosi 8:51

Ngobe bona basive sakho nelifa lakho lowalikhipha eGibhithe, emlilweni loncibilikisa ngisho tinsimbi.

1 Emakhosi 8:53

Ngobe wena wabakhetsa emkhatsini wato tonkhe tive temhlaba kutsi babe lifa lakho, njengobe washo ngenceku yakho Mosi, mzukwana wena, Somandla Simakadze, ukhipha bobabemkhulu eveni laseGibhithe.”

Nehemiya 1:10

“Batinceku takho nesive sakho lowasikhulula ngemandla akho lamakhulu nangesandla sakho lesinemandla.

Tihlabelelo 106:23

Ngako-ke watsi utababhubhisa, kepha Mosi, lokhetsiwe wakhe, wema emkhatsini, wabalamlela ngekubashweletela kuNkulunkulu, kutsi lulaka lwakhe lungababhubhisi.

Tihlabelelo 107:2

Labahlengwe nguSimakadze abasho njalo, bona labo labahlengwe emandleni ebacindzeteli babo.

Tihlabelelo 28:9

Sindzisa sive sakho, ubusise labo labalifa lakho. Beluse ubetfwale, kuze kube phakadze naphakadze.

Tihlabelelo 57:1

Ngihawukele, Nkulunkulu, ngihawukele, ngobe wena usiphephelo semphefumulo wami, ngiyawukhosela emtfuntini wemaphiko akho, kuze kwendlule tivunguvungu temashwa.

Tihlabelelo 77:15

Wasihlenga ngengalo yakho sive sakho lesasibatukulu baJakobe naJosefa. Cabanga.

Tihlabelelo 78:35

Bakhumbula kutsi Nkulunkulu ulidvwala labo, Nkulunkulu Losetikwako Konkhe ungumhlengi wabo.

Tihlabelelo 99:6

BoMosi kanye na-Aroni baba ngulabanye bebaphristi bakhe. Samuweli abengulomunye walabo bebabita libito lakhe. Bakhala kuSimakadze, wabaphendvula.

Eksodusi 15:13

“Sive sakho losisindzisile uyawusihola ngemusa; yebo, uyawusicondzisa ngemandla akho, usimikise endzaweni yakho lengcwele.

Eksodusi 33:13

Ngako-ke, nangabe ngizuze umusa emehlweni akho, ngiyakucela kutsi ungikhombise tindlela takho, kuze wena ngikwati kahle, ngichubeke kuzuza umusa emehlweni akho. Ukhumbule futsi kutsi labantfu basive sakho.”

Eksodusi 34:9

Wakhuluma watsi: “Simakadze, nangabe ngizuze umusa emehlweni akho, ngicela kutsi uhambe natsi, nome sisive lesinenhloko lelukhuni. Tsetselela kona netono tetfu, usente sibe lifa lakho.”

Isaya 44:23

Hlabelani ngekujabula, nine mazulu, ngobe loku kwentiwe nguSimakadze; memetani kakhulu, nine tindzawo temhlaba letijulile. Hlokomani ngengoma, nine tintsaba, nine mahlatsi, nato tonkhe tihlahla tenu. ngobe Simakadze sewuhlenge Jakobe, ubonakalisa bukhosi bakhe ka-Israyeli.

Isaya 63:19

Tsine sibakho kusukela kadzenidzeni; kodvwa shangatsi wena awukabusi etikwetfu, asikaze sabitwa ngeLibito lakho.

Jeremiya 14:21

Ngenca yeLibito lakho ungasibukeli phansi, ungasenteli phansi sihlalo sakho sebukhosi bakho lobukhulu. Khumbula sivumelwane sakho lowasenta natsi, ungasephuli.

Jeremiya 15:1

Simakadze wakhuluma kimi, watsi: “Ngisho nome boMosi naSamuweli bebangema embikwami, inhlitiyo yami beyingeke iye kulesive. Bacoshe! Abesuke lapha embikwami!

Sililo 2:20

“Buka, Simakadze, unakisise. Ngubani nje lowake wamphatsa ngalendlela? Kufanele yini bafati badle batukulu babo, bantfwana lababongile babakhulisa? Baphrofethi nebaphristi kufanele yini babulawe bafele endlini lengcwele yaSimakadze?

Mikha 6:4

Nganikhipha eGibhithe; nganikhipha ebugcilini, ngatfumela boMosi na-Aroni, naMiriyamu kutsi banihole.

Dutheronomi 13:5

Kodvwa lowo mphrofethi nome lowo mphuphi wemaphupho uyawubulawa, ngobe unifundzise kutsi nihlubuke Simakadze Nkulunkulu wenu lowanikhipha eGibhithe, wanihlenga eveni lebugcili; yebo, abetama kuniphambukisa endleleni Simakadze Nkulunkulu wenu laniyala kutsi nihambe ngayo. Niyakukukhipha kanjalo-ke lokubi lokumila emkhatsini wenu.

Dutheronomi 15:15

Khumbula kutsi nawe wake waba sigcili eGibhithe, Simakadze Nkulunkulu wakho wakuhlenga. Nguko nje ngikunika lomyalo lamuhla.

Dutheronomi 21:8

Yemukela lenhlawulo yekubuyisana yesive sakho saka-Israyeli lowasihlenga wena, Simakadze, ungasibeki licala lengati sive sakho ngalomuntfu longenacala.’ Lelo cala lengati liyawube selentiwe inhlawulo yekubuyisana.

Dutheronomi 32:9

Ngobe sabelo saSimakadze sive sakhe, Jakobe losabelo lesilifa lakhe.

Dutheronomi 7:8

Kodvwa kwaya ngekutsi Simakadze wanitsandza wasigcina sifungo sakhe lasenta kubokhokho benu kutsi anikhiphe ngesandla lesinemandla, wanihlenga eveni lebugcili, nasemandleni aFaro, inkhosi yaseGibhithe.

Dutheronomi 9:12

“Simakadze wangitjela watsi: ‘Yewuka ngekushesha, ngobe labantfu bakho lowabakhipha eGibhithe sebonakele. Sebahlubuke ngekushesha kuloko lengabayala ngako, futsi sebatibumbele sithico.’

Dutheronomi 9:27

Khumbula tinceku takho bo-Abrahama, na-Isaka, naJakobe. Ungabunaki buhlongandlebe balesive, nebubi baso, nesono saso.

Dutheronomi 9:29

Empeleni basive sakho lesilifa lakho, lowalikhipha ngemandla akho lamakhulu nangengalo yakho leyelulekile.’ ”

kuThithusi 2:14

Yena watinikela ngenca yetfu, kuze atesihlenga ebubini bonkhe atingcwelisele sive lesisakhe, lesinenshisekelo kutsi sente imisebenti lemihle.

KumaHebheru 9:12

Wangena kanye kwenela endzaweni lengcwelengcwele, angakaphatsi ingati yetimbuti neyematfole, kodvwa aphetse ingati yakhe lucobo, kungako nje asizuzela kuhlengwa kwaphakadze.

Sembulo 5:9

Kwahlatjelwa ingoma lensha, letsi: “Ufanele wena kuyitsatsa lencwadzi legocotiwe, ufanele futsi kuticatulula netimphawu tayo, yebo, ngobe wena wahlatjwa, ngengati yakho wahlawulela bantfu kuNkulunkulu. Labantfu bachamuka emindenini yonkhe, nasetilimini tonkhe, nasetiveni tonkhe, nasemaveni onkhe.

1 Samuweli 7:9

Samuweli watsatsa lizinyane lelimunyako wanikela ngalo, laba ngumhlatjelo wekushiswa samuku kuSimakadze. Wakhala kuSimakadze, akhalela ema-Israyeli, Simakadze wamphendvula.