Dutheronomi 9:2 - Siswati 1996 Bible

² Labantfu banemandla, kantsi futsi badze, bangema-Anaki. Niyabati labo bantfu futsi nise neva ngabo kutsiwa: ‘Ngubani longamelana nema-Anaki?’

Dutheronomi 9:2 Referencias Cruzadas

Jobe 11:10

“Nangefika lapha akuhhodlele ejele, akubitele ekugwetjweni, ngubani longamelana naye?

Eksodusi 9:11

Labalumbi behluleka kuma embikwaMosi, ngobe kwakutse minci ematfumba emitimbeni yabo nakuwo onkhe emaGibhithe.

Danyela 11:16

Umhlaseli uyawujangaza alihlamahlame ngekutsandza kwakhe, kute loyawukhona kumelana naye. Uyawukwakha atinte eveni lelihle, abe nemandla ekulibhubhisa.

Danyela 8:4

Ngasibuka lesihhanca sisahlasela sibheke ngasenshonalanga, nangasenyakatfo, nangaseningizimu. Kute ngisho nasinye silwane lesasingemelana naso, kute nalokwakungalanyulelwa emandleni aso, sasijangaza nje senta lesikutsandzako, saze saba sikhulu kakhulu.

Amose 2:9

“Kepha mine ngawabhubhisa ema-Amori embikwenu, nome abemadze njengemisedari acine njengema-okhi. Ngabhubhisa netitselo tawo ngetulu netimphandze tawo ngaphansi.

Nahume 1:6

Ngubani nje longamelana nentfukutselo yakhe? Ngubani longabhekana nelulaka lwakhe lolwesabeka kangaka? Nakacitsa intfukutselo yakhe lenjengemlilo, emadvwala agayeka phansi abe tincetu embikwakhe.

Numeri 13:22

Benyuka badzabula iNegevu, lekuyiningizimu yelive laseKhenani, baze befika eHebroni, lapho kwakuhlala khona bo-Ahimani, naSheshayi, naThalmayi, titukulwane ta-Anaki. IHebroni yayakhiwe iminyaka lesikhombisa ngaphambi kweSowani yaseGibhithe.

Numeri 13:28

Kodvwa bantfu labahlala kulelive banemandla, nemadolobha akhona atinqaba kantsi futsi makhulu kakhulu. Sabona ngisho netitukulwane ta-Anaki khona lapho.

Numeri 13:33

Size sabona ngisho nemaNifilu, emadvodzana a-Anaki layintalelwane yemaNifilu. Sitibone singangetintsetse kubo, nabo futsi basibona singangato.”

Dutheronomi 1:28

Siyaphi nje? Labanaketfu sebasesabisile, batsi: “Bantfu bakhona bacinile, kantsi futsi badze kunatsi; emadolobha abo makhulu, futsi atinqaba, netibondza tawo tiphakeme taze tatsintsa sibhakabhaka. Sabona ngisho nemadvodzana a-Anaki khona lapho.” ’

Dutheronomi 2:21

Bekusive lesasinemandla, kantsi futsi sasisinyenti, futsi sisidze njengema-Anaki, kodvwa Simakadze wawabhubhisa. Kwefika ema-Amoni acosha lamaRefa, kwase kwakha wona kulelo live.

Dutheronomi 7:24

Emakhosi ato utawanikela esandleni senu, nine niwabhubhise, emabito awo aphele emhlabeni. Kute loyakuba nemandla ekumelana nani; niyakuwabhubhisa.

Joshuwa 11:21

Ngaleso sikhatsi Joshuwa wahamba wayawubhubhisa ema-Anaki eveni letintsaba: kusukela eHebroni, naseDebiri, nase-Anabu, nakulo lonkhe live letintsaba lakaJuda, nakulo lonkhe live letintsaba ka-Israyeli. Joshuwa wawabhubhisa onkhe kanye nemadolobha awo.

Joshuwa 11:22

Kute ema-Anaki lasala akhona eveni laka-Israyeli; insali yawo yabaseGaza, naseGathi, nase-Ashdodi.

Joshuwa 15:14

Kusukela eHebroni Khalebi wesuka wacosha lama-Anaki lamatsatfu: boSheshayi, na-Ahimani, naThalmayi, titukulwane ta-Anaki.