Dutheronomi 9:18 - Siswati 1996 Bible

¹⁸ “Ngaphindza ngatitfoba ngakhotsama kuSimakadze futsi emalanga langema-40 nebusuku lobungema-40; ngangingadli kudla nginganatsi nemanti, ngenca yato tonkhe tono lenase nitentile, ngekwenta lokubi kuSimakadze, ngaloko namcunula, wase uyatfukutsela.

Dutheronomi 9:18 Referencias Cruzadas

2 Samuweli 12:16

Davide wancengela lomntfwanakhe kuNkulunkulu. Wazila, wangena endlini yakhe, walala phansi emhlabatsini busuku ngebusuku.

1 Emakhosi 19:8

Ngako wavuka, wadla, wanatsa; loko kwamnika emandla ekuhamba emalanga langema-40 nebusuku lobungema-40, waze wefika eNtsabeni yaNkulunkulu, eSinayi.

Ezra 10:6

Ezra wesuka embikwendlu yaNkulunkulu, wahamba waya endlini yaJehohanani, umsa wa-Eliyashibi. Ngesikhatsi aselapho akazange adle kudla, akazange anatse ngisho nemanti, ngobe abechubeka nekulilela kungetsembeki kwalabatfunjwa.

Tihlabelelo 106:23

Ngako-ke watsi utababhubhisa, kepha Mosi, lokhetsiwe wakhe, wema emkhatsini, wabalamlela ngekubashweletela kuNkulunkulu, kutsi lulaka lwakhe lungababhubhisi.

Eksodusi 34:28

Mosi wahlala naSimakadze emalanga langema-40 nebusuku bawo; abengadli anganatsi. Wawabhala kuletibhelekeca tematje emavi alesivumelwane, laba ngimiyalo lelishumi.

Eksodusi 34:9

Wakhuluma watsi: “Simakadze, nangabe ngizuze umusa emehlweni akho, ngicela kutsi uhambe natsi, nome sisive lesinenhloko lelukhuni. Tsetselela kona netono tetfu, usente sibe lifa lakho.”

Dutheronomi 10:10

“Ngahlala entsabeni emalanga langema-40 nebusuku bawo, njengobe ngangente njalo kwekucala; Simakadze waphindza wangilalela futsi nangaleso sikhatsi. Bekungesiyo intsandvo yakhe kutsi anibhubhise.

Dutheronomi 9:17

Ngako ngatsatsa letibhelekeca letimbili tematje ngatilahla phansi, tabhidlika, taba ticucu embikwenu nibuka.

Dutheronomi 9:25

“Ngawa phansi ngakhotsamisa buso bami embikwaSimakadze kuwo onkhe lamalanga langema-40 nebusuku lobungema-40, ngobe Simakadze abetsite utanibhubhisa.

Dutheronomi 9:9

Ngesikhatsi ngenyukela etulu entsabeni kuyawukwemukela tibhelekeca tematje lekwakutibhelekeca tesivumelwane Simakadze lasenta nani, ngahlala entsabeni emalanga langema-40 nebusuku lobungema-40; ngangingadli kudla, nginganatsi manti.