Dutheronomi 9:1 - Siswati 1996 Bible

¹ “Lalelani-ke, ma-Israyeli! Manje senitakwewela iJordane ningene niyewucosha letive letinyenti naletinemandla kunani, letinemadolobha lamakhulu lanetibondza letindze letifikela esibhakabhakeni.

Dutheronomi 9:1 Referencias Cruzadas

Genesisi 11:4

Batsi: “Wotani, sitakhele lidolobha, nembhoshongo lotawufikela ezulwini, sitentele ligama, sitekwatiwa, khona singetiwulahlekelana sisakateke nemhlaba wonkhe.”

Eksodusi 32:1

Batsi kube bantfu babone kutsi Mosi sewutsetse sikhatsi lesidze angasehli entsabeni, babutsana ndzawonye beta ku-Aroni bakhuluma kuye batsi: “Kota, usentele nkulunkulu lotawuhamba embikwetfu, ngobe phela asati kutsi sekwente njani kulendvodza lenguMosi leyasikhipha eveni laseGibhithe.”

Danyela 4:11

Lesihlahla sakhula saba sikhulu, sacina futsi, sihloko saso saze satsintsa sibhakabhaka, sasibonakala emhlabeni wonkhe jikelele.

Amose 2:9

“Kepha mine ngawabhubhisa ema-Amori embikwenu, nome abemadze njengemisedari acine njengema-okhi. Ngabhubhisa netitselo tawo ngetulu netimphandze tawo ngaphansi.

Numeri 13:22

Benyuka badzabula iNegevu, lekuyiningizimu yelive laseKhenani, baze befika eHebroni, lapho kwakuhlala khona bo-Ahimani, naSheshayi, naThalmayi, titukulwane ta-Anaki. IHebroni yayakhiwe iminyaka lesikhombisa ngaphambi kweSowani yaseGibhithe.

Numeri 33:51

“Khuluma kuma-Israyeli utsi: ‘Nanewela iJordane ningena eKhenani,

Dutheronomi 1:28

Siyaphi nje? Labanaketfu sebasesabisile, batsi: “Bantfu bakhona bacinile, kantsi futsi badze kunatsi; emadolobha abo makhulu, futsi atinqaba, netibondza tawo tiphakeme taze tatsintsa sibhakabhaka. Sabona ngisho nemadvodzana a-Anaki khona lapho.” ’

Dutheronomi 11:23

Simakadze utatikhipha aticoshe tonkhe letive letisembikwenu, nilidle nalelo live lelinetive letinkhulu naletinemandla kunani.

Dutheronomi 11:31

Senitayewela iJordane nitewudla lelive Simakadze Nkulunkulu wenu lanipha lona. Niyawutsi ningalidla nasenihleti kulo,

Dutheronomi 27:2

Mhlazana newela umfula iJordane ningena eveni Simakadze Nkulunkulu wenu lanipha lona, niyawumisa ematje lamakhulu, bese niwahuca ngemcakaco lomhlophe.

Dutheronomi 3:18

“Ngaso leso sikhatsi ngabe sengiyaniyala, ngatsi: ‘Simakadze Nkulunkulu wenu uniphe lelive kutsi nilidle. Nonkhe nine mabutfo emphi lenihlomele kulwa, hambani embikwetive tema-Israyeli, newelele ngesheya kwemfula.

Dutheronomi 4:1

“Lalelani sive sema-Israyeli imiyalo nemitsetfo lesengitanifundzisa yona. Hambani ngayo, khona nitewuphila ningene eveni nilidle, live Simakadze, Nkulunkulu wabokhokho benu, lanipha lona.

Dutheronomi 4:38

wacosha tive letinkhulu naletinemandla kunani, nisengakefiki, kuze aniletse kulelo live lato; walipha nine, laba lifa lenu, njengobe lingilo nje lamuhla.

Dutheronomi 6:10

“Simakadze Nkulunkulu wenu utawutsi anganingenisa eveni lafunga ngalo kuboyihlo, Abrahama, na-Isaka, naJakobe kutsi utanipha lona, lelo live linemadolobha lamakhulu lanotsile leningazange niwakhe,

Dutheronomi 7:1

“Simakadze Nkulunkulu wenu utaningenisa eveni lenitawuhlala kulo libe lenu. Utawucosha embikwenu letive letinyenti letikulo: emaHethi, nemaGirigashi, nema-Amori, nemaKhenani, nemaPheresi, nemaHivi, nemaJebhusi, tive letisikhombisa letinkhulu naletinemandla kunani.

Joshuwa 1:11

“Hambani nidzabule ekhatsi nalenkambu, nimemetele esiveni sonkhe, nitsi: ‘Tilungiseleleni kudla kwenu. Emvakwemalanga lamatsatfu kusukela lamuhla nitakwewelela ngesheya kweJordane ningene eveni, live Simakadze Nkulunkulu wenu lanipha lona kutsi libe lenu.’ ”

Joshuwa 1:15

adzimate Simakadze abaphe kuphumula nabo, njengobe aniphile nani, baze balidle lelive Simakadze Nkulunkulu wenu labapha lona. Emvakwaloko-ke nine seningancandzeka nibuyele eveni lelisabelo senu, ngesheya kweJordane, kubheka ngasemphumalanga, live lenalinikwa nguMosi, inceku yaSimakadze.”

Joshuwa 14:12

Manje nginike nali live letintsaba, Simakadze langetsembisa lona ngalelo langa. Nawe cobo lwakho wativela ngaleso sikhatsi kutsi ema-Anaki abekhona lapho nekutsi emadolobha awo abemakhulu futsi atinqaba, kodvwa, ngekusitwa nguSimakadze, ngitawadvungulula ngiwacoshe njengobe Simakadze asho.”

Joshuwa 3:14

Kwatsi sive nasitfutsa emathende aso kutsi sitekwewela iJordane, baphristi lababetfwele libhokisi lesivumelwane bahamba embikwaso.

Joshuwa 3:16

emanti labechamuka ngenhla kwabo ema tindvonga angabe asageleta. Ema aba tindvonga letindze letaze tefika edolobheni lekwakutsiwa yi-Adamu ngaseSarethani, kwatsi lawa labegeleta abheke entansi elwandle lwase-Arabha, Lwandle Lweluswayi, ancamuka. Ngako sive sonkhe sewela malungana neJerikho.

Joshuwa 3:6

Joshuwa wakhuluma kubaphristi, watsi: “Tsatsani libhokisi lesivumelwane, newele kucala embikwebantfu.” Ngako balitsatsa lelibhokisi lesivumelwane, bahamba embikwebantfu.

Joshuwa 4:19

Ngelilanga lelishumi enyangeni yekucala, sive sakhuphuka emfuleni iJordane sayawumisa eGilgali ngasemnyeleni waseJerikho longasemphumalanga.

Joshuwa 4:5

Joshuwa wakhuluma kuwo, watsi: “Hambani embikwelibhokisi lesivumelwane saSimakadze Nkulunkulu wenu, ningene ekhatsi nemfula iJordane, ngulowo nalowo wenu atsatse litje aletjatse ehlombe, kuye ngelinani letive tonkhe tema-Israyeli,