Dutheronomi 8:9 - Siswati 1996 Bible

⁹ live lapho singeke sesweleke khona sinkhwa, ningeke neswele lutfo; live lapho emadvwala akhona ayinsimbi, lapho ningemba khona litfusi etintsabeni talo.

Dutheronomi 8:9 Referencias Cruzadas

1 Tikhronike 22:14

“Kungibite imijuluko leshisako kutsi ngente emalungiselelo ekwakhiwa kwelithempeli laSimakadze, ngicokelele igolide lengemathani langetulu kweti-3 400, nesiliva lengemathani langetulu kweti-34 000. Ngetulu kwaloko kunetincumbi telitfusi kanye netensimbi letingeke tikaleke. Futsi-ke nginetingodvo nematje lasalungiswe kahle, kodvwa-ke kufuneka ukwengete.

1 Tikhronike 22:3

Waletsa insimbi lenyenti yekutsi kwakhiwe ngayo tipikili tetivalo temasango netako konkhe lokudzinga kubetselwa, waletsa nencumbi yelitfusi lelalingeke likaleke ngebunyenti balo.

Jobe 28:2

Insimbi imbiwa emhlabatsini, nelitfusi lincibilikiswa likhishwe etjeni lalo.

Dutheronomi 33:25

Imicabo yemasango akho iyawuba ngeyensimbi neyelitfusi, nemandla akho alingane nemalanga akho.

Dutheronomi 8:10

Nase nidlile nesutsa, dvumisani Simakadze Nkulunkulu wenu ngalelive lelihle laniphe lona.”

Dutheronomi 8:8

live lelinakolo, nebhali, nemivini, nemakhiwa, nemahananandza, nemafutsa emncumo, neluju lwetinyosi;

Joshuwa 22:8

watsi: “Ncandzekani nibuyele emakhaya enu nayo yonkhe lengcebo yenu lenyenti: imihlambi yetifuyo, nesiliva, negolide, nelitfusi, nensimbi kanye netimphahla letinyenti kakhulu. Nibofike nehlukaniselane nabomnakenu leyo mphango leniyitfole etitseni tenu.”

Tikhulu 18:10

Nanifika lapho, nitawukhandza kutsi bantfu bakhona abasoli lutfo, ngisho naloluncane. Lelo-ke live lelikhulu leninako konkhe lokungahle kudzingwe ngumuntfu, Nkulunkulu ulinike nine.”