Dutheronomi 8:8 - Siswati 1996 Bible

⁸ live lelinakolo, nebhali, nemivini, nemakhiwa, nemahananandza, nemafutsa emncumo, neluju lwetinyosi;

Dutheronomi 8:8 Referencias Cruzadas

Genesisi 49:11

Uyawuba nenala, bantfu bayawubopha timbongolo tabo emivinini, nematfole etimbongolokati tabo emivinini lemihle. Bayawugeza tingubo tabo ewayinini, netembatfo tabo ewayinini lelibovu sangati.

2 Samuweli 4:6

Bangena ngekhatsi endlini, kwaba shangatsi bayawufuna kolo, bafike bamgwaza esiswini, wafa. BoRekhabi naBhana, umnakabo, besuka lapho babaleka.

1 Emakhosi 5:11

naSolomoni wanika Hiramu kudla lokwakungukolo labengemathani labengaba ti-2 000 kwebantfu bakhe, kanye nemalitha labengaba ti-400 000 emafutsa lahlutiwe emncumo. Solomoni wachubeka kukwenta loko kuHiramu umnyaka ngemnyaka.

2 Emakhosi 18:32

ngize ngifike nginitsatse nginimikise eveni lelifanana nelenu, live lelinalokutinhlavu, nalelineliwayini lelisha, live lesinkhwa neletivini, live letihlahla temincumo neluju lwetinyosi: Khetsani kuphila kunekufa.’ “Ningamlaleli Hezekiya, ngobe uyanedukisa nakatsi: ‘Simakadze utasikhulula.’

Tihlabelelo 147:14

ente iminyele yakho ibe nekuthula, anesutsise ngakolweni lomnandzi.

Tihlabelelo 81:16

Bengiyawunipha kolo lomnandzi kakhulu, yebo, bengiyawunesutsisa ngeluju lwetinyosi temadvwala.”

Isaya 7:23

Ngalelo langa kuto tonkhe tindzawo lapho kwakunenkhulungwane yemivini leyayingabita tinhlavu letiyinkhulungwane tesiliva, sekuyakwena kube netitfwetfwe nemanyeva.

Jeremiya 2:7

Nganiletsa eveni lelivundzile kutsi nitewudla titselo talo kanye nesivuno salo lesinonile, kodvwa nefika nalingcolisa live lami, nenta lifa lami laba ngulelinengekako.

Jeremiya 5:17

Bayawushwabudzela sivuno senu nekudla kwenu, bashwabudzele emadvodzana nemadvodzakati enu, bashwabudzele imihlambi yenu yetimvu neyetinkhomo, bashwabudzele emavini enu nemikhiwa yenu. Lamadolobha enu labiyelwe lenetsembele kuwo batawabhubhisa ngenkemba.”

Hezekeli 27:17

“ ‘Bahwebi bakaJuda nebaka-Israyeli babetsengiselana nawe; babekutsengisela timphahla takho ngakolo labephuma eMinithi, nangabojece, nangeluju lwetinyosi, nangemafutsa, nangebhalisamu.

Hoseya 2:22

nemhlaba uyawuphendvula ngalokutinhlavu, nangeliwayini lelisha, nangemafutsa, nako kuyawuphendvula iJezreyeli.

Hoseya 2:8

Usengakatsandzi kuvuma kutsi kwakungimi lona lowamnika kudla lokutinhlavu, neliwayini lelisha, nemafutsa, lowatfululela kuye isiliva negolide, lababekusebentisa kuBhali.

Mikha 4:4

Bonkhe bantfu bayawuhlala ngekuthula ngulowo nalowo esivinini sakhe nasemikhiweni yakhe, kubete lobesabisako. Loku kwetsenjiswe nguSimakadze, longuSomandla.

Habakhuki 3:17

Nome sihlahla semkhiwa singahlumi, nemagelebisi kute esihlahleni semvini, nome umncumo ungatseli, nemasimi angasatitseli tivuno, nome sekute timvu esibayeni, netinkhomo sekute esibayeni,

Numeri 13:23

Batsi nabefika eSihosheni sase-Eshikholi, bajuba ligala lelalinesikhehle semagelebisi. Lababili babo baletfwala ngekuletjatsa ngelubhoko emkhatsini wabo, bengeta ngemahananandza nangemakhiwa.

Johane 6:13

Batibutsa, bagcwalisa emabhasikidi la-12 ngetimvutfuluka tetinkhwa tebhali letatisihlanu letatisele kulababedla.

Johane 6:9

“Kukhona umfana lapha lonetinkhwa tebhali letisihlanu netinhlanti letimbili. Kepha kungentani loko, bantfu babanyenti kangaka nje?”

Dutheronomi 32:13

“Wamgibelisa eticongweni etindze temhlaba, wamondla ngetitselo tesiganga. Wamkhuluphalisa ngeluju lwemadvwala nangemafutsa asemifantfwini, ematjeni emlilo.

Dutheronomi 32:14

Wamkhuluphalisa ngemasi nangelubisi lwemhlambi yetinkhomo netimbuti, nangemazinyane lakhuluphalisiwe etimvu netimbuti, nangetihhanca telikhetselo taseBhashani, nangetinhlavu letikhetsekile takolo. Wanatsa liwayini lelimnandzi kakhulu lelibovu.

Dutheronomi 6:3

Lalelani, ma-Israyeli, nicaphelisise kutsi niyalalela, khona kutanihambela kahle nekutsi nandze kakhulu kulelo live leligcwele lubisi neluju lwetinyosi, njengobe Simakadze Nkulunkulu waboyihlo anetsembisa.

Dutheronomi 8:7

Ngobe Simakadze Nkulunkulu wenu uniyisa eveni lelihle: live lelinemifula netitiba temanti, netiyalu letigeleta etihosheni nasetintsabeni;

Dutheronomi 8:9

live lapho singeke sesweleke khona sinkhwa, ningeke neswele lutfo; live lapho emadvwala akhona ayinsimbi, lapho ningemba khona litfusi etintsabeni talo.