Dutheronomi 8:2 - Siswati 1996 Bible

² Khumbulani kutsi Simakadze Nkulunkulu wenu wanihola njani kuyo yonkhe indlela yenu ehlane kuleminyaka lengema-40, wanitfobisa wanivivinya, khona atewukwati lenanikucondzile enhlitiyweni yenu nekutsi nitayigcina yini imiyalo yakhe, nome cha.

Dutheronomi 8:2 Referencias Cruzadas

Genesisi 22:1

Emvakwaloko Nkulunkulu wavivinya Abrahama, watsi kuye: “Abrahama! Ye, Abrahama!” Waphendvula watsi: “Ngilapha, Nkhosi!”

2 Tikhronike 32:31

Kodvwa kwatsi nakufika emancusa aseBhabhulona atfunywe ngumbusi wakhona kutsi atewubuta ngalesimanga sesibonakaliso lesasehlele eveni lakhe, Nkulunkulu wamshiya yedvwa entela kumvivinya, kuze akwati konkhe lokwakusenhlitiyweni yaHezekiya.

2 Tikhronike 33:12

Manase wafunisisa Simakadze asasekuhluphekeni, wafuna lusito lwaSimakadze Nkulunkulu wakhe, watitfoba kakhulu embikwaNkulunkulu waboyisemkhulu.

2 Tikhronike 33:19

Umthandazo wakhe, nekutsi Nkulunkulu watsintseka kanjani ngekutincengela kwakhe, kanye nato tonkhe tono takhe, nekungetsembeki kwakhe, netindzawo letiphakeme tekukhontela tithico, lapho bekakhe khona titfombe letikhontwako, wagcumeka netinsika ta-Ashera netithico, ngalesikhatsi asengakatitfobi, konkhe loko kubhaliwe etincwadzini tebaboniswa.

Nehemiya 9:19

“Noko ngenca yesihawu sakho lesikhulu awuzange ubashiye bodvwa ehlane. Emini insika yelifu ayizange iyekele kubahola endleleni yabo, kanjalo nasebusuku insika yemlilo ayizange iyekele kubakhanyisela indlela lababefanele bahambe ngayo.

Jobe 33:17

Loko ukwentela kutsi ancandze umuntfu ekwenteni tono nasekutishayeni sifuba,

Tihlabelelo 103:2

Mphefumulo wami, dvumisa Simakadze, ungatikhohlwa tento takhe temusa kimi.

Tihlabelelo 106:7

Ngesikhatsi bokhokho baseseGibhithe abazange bacaphele timangaliso takho, futsi abazange bakhumbule bunyenti betento takho temusa, kodvwa bakuhlubuka ngaseLwandle Lolubovu.

Tihlabelelo 136:16

Nguye lowahola sive sakhe ehlane, ngobe umusa wakhe ume kuze kube phakadze.

Tihlabelelo 77:11

Yebo, Simakadze, ngitase ngikhumbule imisebenti yaNkulunkulu, yebo, ngikhumbule netimangaliso takho tasendvulo.

Tihlabelelo 81:7

Nangibita nisebunzimeni nganephula, nganiphendvula ngingale kwemafu lahlomile, nganivivinya emitfonjeni yaseMeribha. Cabanga.

Eksodusi 15:25

Mosi wakhala kuSimakadze; Simakadze wamkhombisa sigojwana. Mosi wasitsatsa wasijika ekhatsi kulamanti; emanti ajika aba mnandzi. Basekuleyo ndzawo Simakadze wabanika umtsetfo nemsimeto wabo; wabavivinya khona lapho futsi.

Eksodusi 16:35

Ema-Israyeli aphila ngekudla imana iminyaka lengema-40, adzimate efika eveni lelalakhelwe bantfu; adla imana adzimate efika emnyeleni welive laseKhenani.

Eksodusi 16:4

Simakadze wakhuluma kuMosi, watsi: “Lalela la! Ngitanehlisela imvula yesinkhwa lesivela ezulwini. Onkhe emalanga ekuseni bantfu kufanele baphume bayewutibutsela kudla lokwanele lilanga lonkhe. Ngalendlela-ke ngitawube ngiyabavivinya kutsi batawuyilandzela yini imiyalo yami nome cha.

Eksodusi 20:20

Mosi wakhuluma kubantfu watsi: “Ningesabi; Nkulunkulu utele kutewunivivinya, khona nitewuhlala nimesaba, kuze ningoni.”

Taga 17:3

Isiliva negolide kuhlolisiswa ngemlilo, kodvwa Simakadze uvivinya tinhlitiyo tebantfu.

Isaya 2:17

Kutiphakamisa kwebantfu kuyakwehliselwa phansi, nekutigcabha kwebantfu kutfotjiswe; Simakadze yena yedvwa uyawuphakanyiswa ngalelo langa,

Jeremiya 2:6

Abazange babute, batsi: ‘Uphi Simakadze lowasikhipha eGibhithe, wasihola sadzabula lihlane lelingenalutfo, sadzabula live lelinetingagadvu nemigedze, live lesomiso nebumnyama, live lelingahanjwa ngumuntfu nalelingahlalwa ngumunfu?’

Hezekeli 20:19

NginguSimakadze Nkulunkulu wenu, landzelani timiso tami, nicaphele kugcina imitsetfo yami.

Amose 2:10

“Mine futsi nganikhipha eGibhithe, nganihola iminyaka lengema-40 ehlane, ngentela kuninika live lema-Amori.

Numeri 14:33

Bantfwabenu batawuba belusi khona lapha, kuze kuphele iminyaka lengema-40, bahlupheka ngenca yekungetsembeki kwenu, kuze kufe newekugcina wenu.

Lukha 18:14

Jesu watsi: “Nginitjela kutsi lendvodza lengumtselisi yabuyela ekhaya seyemukelwe nguNkulunkulu kutsi ilungile kunalona lomunye, ngobe phela wonkhe umuntfu lotiphakamisako, uyawutfotjiswa, wonkhe lotitfobako, uyawuphakanyiswa.”

Johane 2:25

Futsi-ke sasingekho nesidzingo sekutsi angachazelwa ngulomunye ngebantfu, ngobe yena bekati lingekhatsi lemuntfu.

Dutheronomi 1:3

Ngemnyaka wema-40, ngelilanga lekucala enyangeni yeli-11, kusukela baphuma eGibhithe, Mosi wakhuluma kuma-Israyeli konkhe loko Simakadze labemyale ngako kutsi awatjele kona, lokumacondzana nawo.

Dutheronomi 1:33

labehamba embikwenu, ngemlilo ebusuku nangelifu emini. Loko abekwentela kunifunela tindzawo lapho ningemisa khona, nekutsi anikhombise indlela lekufanele nihambe ngayo.”

Dutheronomi 13:3

ningacali niwalalele emavi alowo mphrofethi nome lowo mphuphi wemaphupho. Simakadze Nkulunkulu wenu uyanivivinya kutsi atfole kahle kutsi niyamtsandza yini Simakadze Nkulunkulu wenu ngayo yonkhe inhlitiyo yenu nangawo wonkhe umphefumulo wenu.

Dutheronomi 2:7

“Simakadze Nkulunkulu wenu unibusisile ngayo yonkhe imisebenti yenu yetandla leniyentako. Uninakekele ngesikhatsi nisahamba nidzabula lelihlane lelikhulukati. Kuyo yonkhe leminyaka lengema-40 Simakadze Nkulunkulu wenu abesolomane anani, anizange seneswele lutfo.

Dutheronomi 29:5

Kuyo yonkhe leminyaka lengema-40 lenganginihola ngayo ehlane, timphahla tenu atizange tiguge, netincabule tenu atizange tiguge etinyaweni tenu.

Dutheronomi 32:7

“Khumbulani tikhatsi tasemandvulo, cabangani ngetitukulwane lese tendlula kadzeni. Buta kuboyihlo, batakunitjela, nakubo labadzala, batawunichazela.

Dutheronomi 7:18

Cha, ningatesabi, khumbulani kahle kutsi Simakadze Nkulunkulu wenu wentani kuFaro naseveni lonkhe laseGibhithe.

Dutheronomi 8:16

Wanipha imana kutsi nitewudla ehlane, intfo boyihlo lababengazange sebayati, entela kunitfobisa anivivinye, khona kutawutsi ekugcineni kunihambele kahle.

YaJakobe 1:3

nati kutsi kuvivinywa kwekukholwa kwenu kuveta kucinisela.

YaJakobe 4:10

Titfobeni embikweNkhosi, yona-ke iyawuniphakamisa.

YaJakobe 4:6

Kodvwa Nkulunkulu wephana ngemusa lomkhulu, ngako umBhalo utsi: “Nkulunkulu umelana nalabatigcabhako, kepha labatfobekile ubapha umusa.”

1 yaPhetro 1:7

Injongo yaletilingo kutsi kukholwa kwenu kuvivinywe, kuze kubonakale bungiko bako. Ngisho negolide lebhubhako ihlolisiswa ngemlilo bungiyo bayo, kanjalo-ke nekukholwa kwenu lokuligugu kunegolide kufanele kutsi kuvivinywe bungiko bako. Khona-ke niyawutfola kubongwa, nebukhosi, neludvumo ekwembulweni kwaJesu Khristu.

Sembulo 2:23

Bantfwabakhe ngiyawubashaya bafe. Onkhe emabandla ayawukwati kutsi nginguye lophenyisisa ingcondvo nenhlitiyo. Ngulowo nalowo emkhatsini wenu ngiyawumnika njengekwemisebenti yakhe.

Tikhulu 2:22

Sengiyawusebentisa tona nangivivinya sive sema-Israyeli, kuze ngibone kahle kutsi siyakuyigcina yini indlela yaSimakadze, sihambe ngayo, njengobe kwakwenta bokhokho baso.”

Tikhulu 3:4

Tatishiyelwe kutsi tivivinye ema-Israyeli, kuze kubonakale kutsi atawuyilalela yini imiyalo yaSimakadze labeyinike bokhokho bawo ngaMosi.