Dutheronomi 8:19 - Siswati 1996 Bible

¹⁹ “Nanike nakhohlwa Simakadze Nkulunkulu wenu nalandzela labanye bonkulunkulu nabakhonta naze nakhotsama kubo, ngiyanecwayisa lamuhla kutsi nakanjani niyawubhujiswa.

Dutheronomi 8:19 Referencias Cruzadas

Jeremiya 25:6

Ningabalandzeli labanye bonkulunkulu kutsi nibasebentele nikhonte bona. Ningacali ningicunule ngize ngitfukutsele ngaloko lenikwente ngetandla tenu. Khona-ke ngingeke nginilimate.”

Jeremiya 7:6

naningabacindzeteli labo bekuhamba, nalabangenaboyise, nebafelokati, ningayicitsi nengati lengenacala kulendzawo, ningabalandzeli labanye bonkulunkulu kutsi nitilimate nine,

Danyela 9:2

ngemnyaka wakhe wekucala abekiwe, mine Danyela ngafundza ngeva kahle emiBhalweni njengekwelivi laSimakadze kuJeremiya, umphrofethi, kutsi kubhidlitwa kweJerusalema kuyawutsatsa iminyaka lengema-70, lapho iyawusala khona ikhala libhungane.

Amose 3:2

“Ngini kuphela lenginikhetsile emkhatsini wato tonkhe tive temhlaba; ngako-ke ngitanijezisa ngenca yato tonkhe tono tenu.”

Zefaniya 1:18

Isiliva yabo negolide yabo kungeke kubasindzise ngelilanga lelulaka lwaSimakadze. Emlilweni wesikhwele sakhe umhlaba wonkhe uyawushiswa, ngobe uyakwenta siphetfo lesisheshisako sabo bonkhe labahlala emhlabeni.

Zefaniya 3:6

“Tive ngiticedzile, tinqaba tato tibhidlitiwe. Titaladi tato ngitishiye tikhala libhungane, kute namunye lowendlula ngato. Emadolobha ato abhujisiwe; kute namunye lotawusala kulo, kute namunye.

Malakhi 4:4

“Khumbulani umtsetfo wenceku yami Mosi, timiso nemitsetfo lengamnika kona eHorebe kuwo onkhe ema-Israyeli.”

Lukha 13:3

Cha! Nginitjela kutsi, nangabe nani ningatishiyi tono tenu, niyawubhubha njengabo.

Lukha 13:5

Cha! Nginitjela kutsi, nangabe nani ningashiyi tono tenu, niyawubhubha njengabo.”

Dutheronomi 11:16

“Caphelani-ke kutsi tinhlitiyo tenu tingayengeki bese niyaphambuka nikhonte labanye bonkulunkulu nikhotsamele bona.

Dutheronomi 31:20

Ngitawutsi ngingabangenisa kulelive leligcwele lubisi neluju lwetinyosi, live lengaletsembisa ngesifungo kubokhokho babo, futsi batsi bangadla besutse, banotse, bayawube sebaphambukela kulabanye bonkulunkulu babakhonte, bangilahle mine, bephule nesivumelwane sami.

Dutheronomi 4:26

Ngibita lizulu nemhlaba kutsi kungifakazele lamuhla kutsi naningangilaleli, niyawunyamalala masinyane emhlabeni. Ningeke nikhonse kulelo live lelingesheya kwemfula iJordane lenewelela kuyawulidla. Niyawubhujiswa niphele.

Joshuwa 23:13

nibovele nati kutsi Simakadze Nkulunkulu wenu angeke asaticosha letive embikwenu. Esikhundleni saloko tiyawuba tingibe nabosochaka kini, netiswebhu emihlane yenu, nemanyeva emehlweni enu, nize nibhubhe niphele kulelive lelihle Simakadze Nkulunkulu wenu laniphe lona.

1 Samuweli 12:25

Kodvwa nanichubeka ekwenteni lokubi, nine kanye nenkhosi yenu, niyawubhubha nonkhe.”