Dutheronomi 7:2 - Siswati 1996 Bible

² Simakadze Nkulunkulu wenu letive utawutsi angatinikela etandleni tenu, nitehlule, niboticedza tiphele nya. Ningenti sivumelwane nato, ningabi namusa kuto.

Dutheronomi 7:2 Referencias Cruzadas

Genesisi 14:20

Akabongwe Nkulunkulu Losetikwako Konkhe lonikete letitsa takho entsendzeni yesandla sakho.” Abrama wanika Melkhisedeki kwelishumi kwako konkhe.

2 Samuweli 21:2

Inkhosi Davide yabita emaGibeyoni kutsi ete kuye. EmaGibeyoni phela abengesiyo incenye yema-Israyeli, kodvwa bekungimitfonselana nje yema-Amori leyayisele. Baka-Israyeli babefungile batsi batawayekela aphile, kodvwa Sawula ngenca yekushisekela kwakhe ngesive saka-Israyeli nesakaJuda, abetama kuwacedza.

1 Emakhosi 20:34

Bheni Hadadi wakhuluma kuye, watsi: “Ngitakuwabuyisa onkhe lamadolobha latfunjwa ngubabe kuyihlo. Nawe ungatentela timakethe edolobheni laseDamaseko, njengobe nababe atenta eSamariya.” Ahabi waphendvula watsi: “Ngitakukhululela etikwalesivumelwane.” Ngako benta leso sivumelwane, wase uyamkhulula.

Ezra 10:3

Manje asente sivumelwane embikwaNkulunkulu wetfu kutsi sitewubancandzekisa bonkhe labafati nalabantfwana, njengobe lomholi wami eluleka kanye nalabo labesaba imiyalo yaNkulunkulu. Loko akwentiwe ngekulandzela umtsetfo.

Tihlabelelo 106:34

Abazange batibhubhise tive, njengobe Simakadze abebayalile;

Eksodusi 22:20

“Lonikela imihlatjelo esithicweni anganikeli kuSimakadze, nimbulale.

Numeri 21:2

Israyeli wenta sifungo kuSimakadze, watsi: “Nawungahle usinikele lesive etandleni tetfu, sitasincoba sibhubhise nemadolobha aso.”

Numeri 31:17

Bulalani bonkhe bafana, nibulale bonkhe labasikati labake balala nemuntfu lomdvuna,

Numeri 33:52

niboticosha nitikhiphe tonkhe letive lenitatikhandza khona. Nibotibhubhisa tonkhe letitfombe tato, netithico tato letibatiwe kanye netindzawo tato letiphakeme tekukhontela.

Dutheronomi 13:8

ungacali umvumele, futsi ungamlaleli. Ungabi naluvelo ngaye. Ungamphephisi, futsi ungamvikeli.

Dutheronomi 13:9

Nome kanjani lowo kufanele nimbulale, afe. Sandla sakho kufanele sibe sekucala ekumbulaleni, bese kulandzela letinye-ke tandla tesive sonkhe.

Dutheronomi 19:13

Lowo muntfu ningamhawukeli. Kufanele kukhishwe kuphele ka-Israyeli kucitsa ingati lengenacala, khona kutawunihambela kahle.”

Dutheronomi 2:33

Simakadze Nkulunkulu wetfu wamnikela kitsi, samncoba yena nemadvodzana akhe kanye nesive sakhe sonkhe.

Dutheronomi 2:34

Ngaleso sikhatsi sawatsatsa onkhe emadolobha akhe, sawabhubhisa onkhe, nemadvodza, nebafati, nebantfwana. Akuzange kusale ngisho namunye.

Dutheronomi 23:14

Ngobe Simakadze Nkulunkulu wenu wehla enyuka emkhatsini wenu enkambu, entela kunivikela nekwetfula titsa tenu etandleni tenu. Inkambu yenu kufanele ibe ngcwele, khona angetiwukhandza lutfo lolubi emkhatsini wenu, aze ancandzeke anifulatsele.”

Dutheronomi 25:12

uyawujuba sandla sakhe, ungabi nasihawu naye.

Dutheronomi 3:3

“Ngako Simakadze Nkulunkulu wetfu, wanikela Ogi, inkhosi yaseBhashani, kanye nabo bonkhe bantfu bakhe etandleni tetfu. Sabagwaza bonkhe, kwangete kwasala ngisho namunye lowasindza.

Dutheronomi 31:5

Simakadze uyawutinikela kini, nine niyawukwenta kuto konkhe lenginiyale ngako kutsi nikwente.

Dutheronomi 33:27

Nkulunkulu waphakadze siphephelo sakho, ngaphansi ngimikhono yaphakadze. Uyawucosha titsa takho embikwakho, akhulume atsi: ‘Tibhubhise!’

Dutheronomi 7:16

Kufanele nibhubhise tonkhe leto tive Simakadze Nkulunkulu wenu lataninika tona. Ningatihawukeli ningabakhonti ngisho nabonkulunkulu bato, ngobe loko kuyawuba lugibe kini.

Dutheronomi 9:3

Kodvwa banini nesiciniseko lamuhla kutsi Simakadze Nkulunkulu wenu nguye lohamba embikwenu njengemlilo locotfulako. Utababhubhisa, abehlule embikwenu nibuka. Nitawubakhipha nibacedze ngekushesha, njengobe Simakadze anetsembisa.

Joshuwa 10:28

Ngalelo langa Joshuwa wahlasela wadla iMakheda. Wahlasela lidolobha layo nenkhosi yakhona; wabagwaza bonkhe, kwabate namunye lowaphunyula. Washiya kute muntfu. Wenta enkhosini yaseMakheda njengobe enta enkhosini yaseJerikho.

Joshuwa 10:30

Simakadze waniketela lelo dolobha kanye nenkhosi yalo etandleni tema-Israyeli. Lidolobha nabo bonkhe labakulo Joshuwa wabagwaza, bafa; kwabate ngisho namunye lowaphunyula. Wenta enkhosini yalo njengaloku enta enkhosini yaseJerikho.

Joshuwa 10:32

Simakadze waniketela iLakhishi kuma-Israyeli, Joshuwa wayidla ngelilanga lesibili. Lidolobha nabo bonkhe labakulo Joshuwa wabagwaza, bafa, njengobe abentile nakulo lidolobha laseLibna.

Joshuwa 10:40

Ngako Joshuwa wasincoba sonkhe leso sifundza, ngisho nelive letintsaba imbala, nelaseNegevu, lekuyiningizimu yelive, nematsafa langasenshonalanga, nemacele etintsaba kanye nawo onkhe emakhosi akhona. Kwabate ngisho namunye lowasindza. Wabhubhisa bonkhe bantfu bakuleto tindzawo, njengobe Simakadze Nkulunkulu wema-Israyeli abeshito.

Joshuwa 10:42

Onkhe lawo makhosi kanye nemave awo Joshuwa wawancoba ngemkhankhaso munye, ngobe Simakadze Nkulunkulu wema-Israyeli abewalwela ema-Israyeli.

Joshuwa 11:8

Simakadze wabaniketela esandleni sema-Israyeli. Ema-Israyeli abehlula abacosha, aze abashonisa eSidoni Lenkhulu, naseMisrefothi Mayimu, naseSihosheni saseMispa ngasemphumalanga, kwaze kwabate nome munye lowaphunyula.

Joshuwa 2:14

Letinhloli tamnika siciniseko, tatsi: “Imphilo yenu siyibambisa ngemphilo yetfu. Nangabe nine ningeke nitjele muntfu ngalomsebenti lesite ngawo, siyakuniphatsa kahle nangekwetsembeka ngesikhatsi Simakadze asinika lelive.”

Joshuwa 21:44

Simakadze wawapha kuphumula kulelo live, kwaya njengobe abefungile kubokhokho bawo. Kute nome sinye sitsa sawo lesakhona kumelana nawo, ngobe Simakadze tonkhe leto titsa tawo watinikela etandleni tawo.

Joshuwa 8:24

Baka-Israyeli batsi kube bacedze kubulala onkhe lamadvodza ase-Ayi labesesigangeni ehlane, lapho babewacoshe bawabeka khona, batsi kube bawagwaze bawacedze onkhe, ema-Israyeli ancandzeka abuyela e-Ayi, afike abulala labo lababesele kuyo.

Joshuwa 9:24

Aphendvula Joshuwa atsi: “Tinceku takho tatjelwa kahle kamhlophe kutsi Simakadze Nkulunkulu wenu wamyala kanjani Mosi, inceku yakhe, kutsi aninike lonkhe lelive nekutsi acitse tonkhe tive letikulo embikwenu. Ngako sesabela timphilo tetfu ngenca yenu, ngiko nje sente lesento.

Joshuwa 9:7

Emadvodza aka-Israyeli akhuluma kulamaHivi, atsi: “Kodvwa mhlawumbe nakhelene nje natsi. Singasenta kanjani sivumelwane nani?”

Tikhulu 1:24

letinhloli tabona indvodza iphuma kulelidolobha, tase tikhuluma kuyo titsi: “Silayele kutsi singangena kanjani kulelidolobha, tsine siyawukunakekela sikuphatse kahle.”

Tikhulu 1:4

Kwatsi bakaJuda nabahlasela, Simakadze wanikela etandleni tabo emaKhenani nemaPheresi; babulala emadvodza lati-10 000 eBhezeki.

Tikhulu 2:2

Nani aniyikusenta sivumelwane nebantfu bakulelive, kodvwa niyakuwabhidlita emalati abo.’ Noko nine anikangilaleli. Nikwenteleni loku?