Dutheronomi 7:17 - Siswati 1996 Bible

¹⁷ “Encenye etinhlitiyweni tenu nitsi: ‘Letive tinemandla kakhulu kunatsi; singaticosha kanjani lapha sitikhiphe?’

Dutheronomi 7:17 Referencias Cruzadas

Isaya 14:13

Ukhulume enhlitiyweni yakho watsi: ‘Ngiyakwenyukela etulu ezulwini. Ngiyawuphakamisa sihlalo sami sebukhosi, sibe ngetulu kwetinkhanyeti taNkulunkulu. Ngiyawuhlala esihlalweni sebukhosi etikwentsaba yenhlanganiso yabonkulunkulu, esicongweni sentsaba lengcwele.

Isaya 47:8

“Nyalo-ke, lalela, wena mtsandzi wekukhibika, wena lotibusa ngekuvikeleka kwakho, ucabange utsi: ‘Ngimi ngimi, futsi kute lomunye. Ngingeke ngize ngibe ngumfelokati, nome ngive kufelwa bantfwana.’

Isaya 49:21

Uyawucabanga enhlitiyweni yakho utsi: ‘Ngubani lowangitalela laba, njengobe ngangihluphekile ngiyinyumba, ngangitfunjiwe futsi ngilahliwe? Bakhuliswa ngubani kepha laba? Ngasala ngingedvwa vo, kodvwa laba nyalo, sebaphumaphi?’ ”

Jeremiya 13:22

Nawutibuta utsi: “Loku kwentekeleni kimi?” phela kungenca yetono takho letinyenti, lokutsi tidvwaba takho tidzatjulwe, nemtimba wakho uphatseke kabi.

Numeri 13:32

Ngako basakata umbiko lomubi esiveni sema-Israyeli ngalelive bebayewulihlola. Bakhuluma, batsi: “Lelive lesidzabule kulo silihlola, lilive lelidla bantfu labahlala kulo. Bonkhe labantfu lesibabonile kulo badze kakhulu.

Numeri 21:34

Simakadze wakhuluma kuMosi, watsi: “Ungamesabi, ngobe yena kanye nemabutfo akhe onkhe, nelive lakhe, sengimnikele etandleni takho. Yenta kuye kona loko lowakwenta kuSihoni, inkhosi yema-Amori, labebusa eHeshboni.”

Numeri 33:53

Lelive nibolidla libe lenu nihlale kulo, ngobe nginiphe lona kutsi libe lenu.

Lukha 9:47

Kodvwa Jesu asabonile kutsi bacabangani, wase uletsa umntfwana, wammisa eceleni kwakhe.

Dutheronomi 1:28

Siyaphi nje? Labanaketfu sebasesabisile, batsi: “Bantfu bakhona bacinile, kantsi futsi badze kunatsi; emadolobha abo makhulu, futsi atinqaba, netibondza tawo tiphakeme taze tatsintsa sibhakabhaka. Sabona ngisho nemadvodzana a-Anaki khona lapho.” ’

Dutheronomi 15:9

Nicaphele kutsi ningawufukameli lomcabango lomubi lotsi: ‘Umnyaka wesikhombisa lekungumnyaka wekwesulwa kwetikwelede sewusondzele,’ nize nikhombise inhlitiyo lembi kumnakenu lonesidzingo ngekungamniki lutfo. Ngobe angahle akhale ngani kuSimakadze, bese-ke nine nitfolakala ninelicala lesono.

Dutheronomi 18:21

“Nine-ke ningasho nitsi: ‘Pho, singati kanjani kutsi lelivi alikakhulunywa nguSimakadze?’

Dutheronomi 8:17

Wena ungatitjela utsi: ‘Ngemandla ami netikhwepha temikhono yami letingikhitsitele wonkhe lomcebo.’

Joshuwa 23:3

Nani matfupha nitibonele konkhe Simakadze Nkulunkulu wenu lakwente kuto tonkhe letive ngenca yenu; nguSimakadze Nkulunkulu wenu lowanilwela.