Dutheronomi 7:13 - Siswati 1996 Bible

¹³ Utanitsandza, anibusise, anandzise nibe banyenti. Utasibusisa sitselo sesisu senu, netilimo telive lenu, nakolo wenu, neliwayini lenu lelisha, nemafutsa enu, nemankhonyane etinkhomo tenu, nemazinyane emihlambi yenu kulelive lafunga ngalo kuboyihlomkhulu kutsi utawunipha lona.

Dutheronomi 7:13 Referencias Cruzadas

Nehemiya 9:32

“Ngako-ke manje, Nkulunkulu wetfu, lomkhulu kakhulu, nalonemandla, Nkulunkulu lowesabekako, yebo, wena logcina sivumelwane sakho selutsandvo, ungabenti bulukhuni bube yintfo lencane emehlweni akho, bona lobumatima lobehlele etikwetfu, nasemakhosini etfu, nakubaholi betfu, nasetikwebaphristi, nasetikwebaphrofethi, nasetikwabobabe betfu, nakuso sonkhe sive sakho, kusukela etinsukwini temakhosi ase-Asiriya kuze kube ngulamuhla.

Jobe 1:10

Awukambiyeli ngelutsango yini Jobe kanye nemndeni wakhe nako konkhe lanako? Uwubusisile umsebenti wakhe wetandla, waze wamupha ngisho nemihlambi yetifuyo lesetigcwele kulo lonkhe lelive.

Jobe 42:12

Simakadze imphilo yaJobe yamuva wayibusisa kakhulu kwengca yakucala. Abenetimvu letiti-14 000, nemakamela lati-6 000, netinkhabi letitinkhulungwane letimbili, netimbongolo letiyinkhulungwane.

Tihlabelelo 1:3

Unjengesihlahla lesihlanyelwe elusentseni lwemifula, sona sitsela titselo ngesikhatsi sato emacembe aso akabuni. Konkhe lakwentako kuyaphumelela.

Tihlabelelo 107:38

Wababusisa, bandza kakhulu, netifuyo tabo tandza kakhulu.

Tihlabelelo 11:7

Simakadze ulungile, utsandza tento letinhle, labalungile bayawububona buso bakhe.

Tihlabelelo 127:3

Bantfwana balifa leliphuma kuSimakadze, basibusiso lesivela kuye.

Tihlabelelo 146:8

Simakadze uvula emehlo etimphumphutse, Simakadze uyabaphakamisa labatfotjisiwe, Simakadze uyabatsandza labalungile.

Eksodusi 23:25

Nanikhonta mine Simakadze longuNkulunkulu wenu, ngitawunibusisa ngekudla nangemanti, ngikususe konkhe kugula kwenu.

Taga 10:22

Sibusiso saSimakadze lesenta umuntfu acebe, akengeti kuhlupheka kuso.

Taga 15:9

Simakadze uyayitondza indlela yekutiphatsa kwalomubi; kodvwa uyamtsandza lowo lohlose kwenta lokulungile.

Levithikusi 26:9

Ngiyawunibusisa, nginiphe bantfwana labanyenti, nandze; sivumelwane lengisenta nani ngiyawusigcina ngisifeze.

Matewu 6:33

Kodvwa funani kucala umbuso waNkulunkulu kanye nekulunga kwakhe, khona tonkhe letintfo titakwengetelwa kini.

Johane 14:21

“Lowo lonemiyalo yami futsi ayigcine, nguye-ke longitsandzako. Lowo lotsandza mine uyawutsandvwa nguBabe, nami ngiyawumtsandza ngitibonakalise kuye.”

Johane 15:10

Nanigcina imiyalo yami, niyawuhlala elutsandvweni lwami, njengobe nami ngigcina imiyalo yaBabe, ngihlala elutsandvweni lwakhe.

Johane 16:27

Ngobe phela Babe ngekwakhe uyanitsandza, unitsandza ngobe niyangitsandza; futsi senikholiwe nekutsi ngiphuma kuNkulunkulu.

Dutheronomi 1:8

Libukeni-ke lonkhe lelo live lenginiphe lona. Ngenani kulo nilidle lelive Simakadze lafunga ngalo kutsi utalipha bokhokho benu bo-Abrahama, na-Isaka, naJakobe, kanye netitukulwane tabo letiyawuvela emvakwabo.’ ”

Dutheronomi 13:17

Kute nome yinye yaleto tintfo letilahliwe lekufanele titfolakale etandleni tenu, kuze Simakadze atewugucuka ekutfukutseleni kwakhe lokwesabekako. Uyakunentela umusa abe nesihawu kini, anandzise, njengobe afunga kuboyihlomkhulu,

Dutheronomi 28:1

“Nanimlalela ngalokuphelele Simakadze Nkulunkulu wenu, nigcine yonkhe imiyalo yakhe lengininika yona lamuhla, Simakadze Nkulunkulu wenu uyakuniphakamisa ngetulu kwato tonkhe tive temhlaba.

Dutheronomi 28:11

Simakadze uyawunipha inala yemnotfo lomkhulu nibe nebantfwana, andzise nemihlambi yetifuyo tenu kanye netitselo temhlaba wenu kulelo live lafunga ngalo kubokhokho benu kutsi utanipha lona.

Dutheronomi 30:5

Simakadze Nkulunkulu wenu uyawunibuyisela eveni labokhokho benu, niyawulidla libe lenu. Uyawuniphumelelisa nibe sive lesikhulu nalesinotse kakhulu kunabokhokho benu.

Dutheronomi 7:7

“Simakadze akazange anitsandze waze wanikhetsa ngobe nisive lesinyenti kwendlula letinye, ngobe vele nanisive lesincane kunato tonkhe.