Dutheronomi 6:7 - Siswati 1996 Bible

⁷ Niyakuyinamatsisela etingcondvweni tebantfwabenu, nikhulume ngayo nanihleti emakhaya, nome nihamba endleleni, nome nilala nome nivuka.

Dutheronomi 6:7 Referencias Cruzadas

Genesisi 18:19

Cha, ngeke, ngobe Abrahama ngimkhetsile kutsi ayale emadvodzana akhe netitukulwane takhe emvakwakhe, kutsi bagcine intsandvo yaSimakadze ngekwenta lokuhle nalokulungile. Khona-ke Simakadze uyawunika Abrahama loko lametsembisa kona.”

Jobe 8:10

Tingete takufundzisa yini tikutjele? Tingete tawakhipha yini emavi laphuma ekuhlakanipheni kwato?

Tihlabelelo 119:13

Ngimemetela ngemlomo wami tonkhe tehlulelo takho letiphuma emlonyeni wakho.

Tihlabelelo 119:46

Imiyalo yakho, Nkulunkulu, ngiyawuyimemetela nasembikwemakhosi, ngingeke ngibe nemahloni ngayo.

Tihlabelelo 129:8

Nalabendlulako abayiwusho ngisho nekutsi: “Shangatsi Simakadze anganibusisa. Sinibusisa ngelibito laSimakadze.”

Tihlabelelo 37:30

Tindzebe talolungile tikhuluma inhlakanipho, lulwimi lwakhe lukhuluma loko lokufanele.

Tihlabelelo 71:17

Yebo, Nkulunkulu, wangifundzisa kusukela ebusheni bami, kuze kube ngunyalo ngisayimemetela imisebenti yakho lemangalisako.

Taga 10:21

Emavi emuntfu lolungile ondla bantfu labanyenti; kodvwa tilima tifa ngenca yekweswela lwati.

Taga 15:2

Emavi emuntfu lohlakaniphile enta lwati lutsandzeke; kodvwa tilima titfulula bulima ngemlomo wato.

Taga 15:7

Emavi emuntfu lohlakaniphile andzisa lwati; kodvwa tinhlitiyo tetilima atinjalo.

Taga 6:22

Nawuhamba kuyawukucondzisa, nawulala kukugadze, nawuvukako kukweluleke.

Isaya 38:19

Ngulabaphilako, labaphilako bodvwa, labakudvumisako wena, njengaloku ngenta nje nami lamuhla. Bobabe batjela bantfwababo ngekwetsembeka kwakho.

Malakhi 3:16

Nalabo-ke labesaba Nkulunkulu bakhulumisana bodvwana, Simakadze walalela weva. Incwadzi legocotwako yesikhumbuto yabhalwa embikwakhe macondzana nalabo labesaba Simakadze bahloniphe Libito lakhe.

Matewu 12:35

Umuntfu lolungile ukhipha lokulungile engungwini yakhe lelungile; nemuntfu lomubi ukhipha lokubi engungwini yakhe lembi.

Lukha 6:45

Umuntfu lolungile uveta lokulungile lokuphuma engungwini yenhlitiyo yakhe lenhle. Nemuntfu lomubi uveta tintfo letimbi letivela enhlitiyweni yakhe lembi, ngako umlomo wemuntfu ukhuluma loko lokugcwele enhlitiyweni yakhe.”

Kubase-Efesu 4:29

Akungabe kusaphuma nalinye livi lelibolile emlonyeni wenu, kodvwa kube ngulelilungele kwakha njengalokuswelekile, kuze libavetele umusa labevako.

Kubase-Efesu 6:4

Boyise ningabaphatsi kabi bantfwabenu, badzimate babe nenzondo, kodvwa bakhuliseni ngekubayala nangekubacondzisa ngemphilo yebuKhristu.

Dutheronomi 11:19

Niyakuwafundzisa bantfwabenu nikhulume ngawo nanihleti emakhaya, nome nihamba endleleni, nome nilala, nome nivuka.

Dutheronomi 6:2

khona kutewutsi nine, nebantfwabenu, nebantfwababo emvakwabo batekwesaba Simakadze Nkulunkulu wenu, yingci nanisagcina tonkhe timiso nemiyalo lengininika yona, khona nitewuva bumnandzi bekuphila imphilo lendze.

KubaseKholose 4:6

Kukhuluma kwenu akube nemusa ngaso sonkhe sikhatsi, nikunandzise njengeluswayi ekudleni, khona nitekwati lenifanele kubaphendvula ngako bantfu.

1 yaPhetro 3:15

Kepha mngcweliseni Khristu abe yiNkhosi etinhlitiyweni tenu, nimhloniphe, nihlale nilungele kubaphendvula bonkhe labanibuta ngelitsemba lelikini.

Ruthe 2:12

Shangatsi Simakadze angakunika umvuzo ngaloku lose ukwentile. Shangatsi Simakadze, Nkulunkulu wema-Israyeli, angakunika umvuzo lophelele, njengobe naku sewukhosele ngaphansi kwakhe nje.”

Ruthe 2:4

Kwase kufika Bowazi aphuma eBhetlehema, wafike kubavuni watsi: “Simakadze akabe nani!” Bamphendvula batsi. “Simakadze akakubusise!”

Ruthe 4:11

Bonkhe bantfu nelemisumphe leyayisesangweni yatsi: “Vele, sibofakazi. Shangatsi lomakoti lotawungena ekhaya lakho, Simakadze angamenta afanane naboRakheli naLeya, labasungula sive sema-Israyeli bobabili ngekutalela Jakobe bantfwana labanyenti. “Shangatsi ungema kahle kulolusendvo lwaka-Efratha, watiwe eBhetlehema.