Dutheronomi 6:6 - Siswati 1996 Bible

⁶ Lemiyalo lengininika yona lamuhla kufanele ibesetinhlitiyweni tenu.

Dutheronomi 6:6 Referencias Cruzadas

Genesisi 18:19

Cha, ngeke, ngobe Abrahama ngimkhetsile kutsi ayale emadvodzana akhe netitukulwane takhe emvakwakhe, kutsi bagcine intsandvo yaSimakadze ngekwenta lokuhle nalokulungile. Khona-ke Simakadze uyawunika Abrahama loko lametsembisa kona.”

2 Samuweli 22:23

Yonkhe imiyalo yaNkulunkulu isembikwami. Angikagucuki etimisweni takhe.

Tihlabelelo 119:11

Livi lakho ngililondvolote enhlitiyweni yami, kuze ngingoni kuwe.

Tihlabelelo 119:13

Ngimemetela ngemlomo wami tonkhe tehlulelo takho letiphuma emlonyeni wakho.

Tihlabelelo 119:30

Ngitikhetsele indlela yeliciniso. Tehlulelo takho ngitibeke embikwami njalo.

Tihlabelelo 119:98

Imiyalo yakho ingenta ngihlakaniphe kwengca titsa tami, ngobe ihlala kimi njalo.

Tihlabelelo 37:31

Umtsetfo waNkulunkulu uhlala usenhlitiyweni yakhe njalo, nekuhamba kwakhe akuphambuki.

Tihlabelelo 40:8

Yebo, Nkulunkulu wami, kujabula kwami kusekwenteni intsandvo yakho, imiyalo yakho isenhlitiyweni yami.”

Taga 3:5

Tsemba Simakadze ngayo yonkhe inhlitiyo yakho, ungeyami ekwatini kwakho.

Taga 7:3

utembatse njengendandatho eminweni yakho, uticophe engcondvweni yakho.

Isaya 51:7

“Ngilaleleni, nine lenati kutsi kuyini lokulungile, nine bantfu leninemtsetfo wami etinhlitiyweni tenu: Ningakwesabi kusolwa bantfu, ningetfuswa ngisho natinhlamba tabo.

Jeremiya 31:33

Simakadze utsi: “Ngulesi sivumelwane lengiyakusenta nendlu yaka-Israyeli emvakwaleso sikhatsi: Ngiyawufaka umtsetfo wami etingcondvweni tabo, ngiwubhale etinhlitiyweni tabo. Ngiyawuba nguNkulunkulu wabo, bona babe bantfu bami.

Lukha 2:51

Noko Jesu wahamba nabo waya eNazaretha; lapho wafike watitfoba, waba ngephansi kwabo; kodvwa unina watigcina enhlitiyweni yakhe tonkhe leto tintfo.

Lukha 8:15

Kuhlanyelwa kwaleyo leyawela emhlabatsini lovundzile kufanekisa labo labalivako livi laNkulunkulu baligcine ngekutitfoba lokukhulu babeketele, baze batsele titselo letihle.”

2 kubaseKorinthe 3:3

Kuyakhanya kutsi niyincwadzi yaKhristu leletfwe ngitsi, lengakabhalwa ngenki, kepha ngaMoya Longcwele, waNkulunkulu lophilako, hhayi etibhelekeceni tematje kepha etinhlitiyweni tebantfu.

Dutheronomi 11:18

“Lamavi ami niyakuwagcina etinhlitiyweni tenu, niwanamatselise nasetingcondvweni tenu, niyakuwabophela abe luphawu etandleni tenu, abe ngimihlobiso yemabunti enu.

Dutheronomi 11:20

Wabhaleni etinsikeni teminyango yetindlu tenu nasemasangweni enu,

Dutheronomi 32:46

wakhuluma kubo watsi: “Wafakeni etinhlitiyweni tenu onkhe lamavi lenginitjela wona lamuhla, khona niyekuyala ngawo bantfwabenu kutsi bawahloniphe ngekucophelela onkhe emavi alomtsetfo.

KubaseKholose 3:16

Livi laKhristu alihlale ngekhatsi kwenu liphuphume. Fundzisanani niyalane ngekuhlakanipha konkhe, nifundzisane ngemahubo nangetingoma, nangemaculo akaMoya. Nihlabelele Nkulunkulu ngekumbonga etinhlitiyweni tenu.

2 yaJohane 1:2

ngenca yeliciniso lelihlala kitsi naleliyawuba natsi phakadze naphakadze.