Dutheronomi 6:10 - Siswati 1996 Bible

¹⁰ “Simakadze Nkulunkulu wenu utawutsi anganingenisa eveni lafunga ngalo kuboyihlo, Abrahama, na-Isaka, naJakobe kutsi utanipha lona, lelo live linemadolobha lamakhulu lanotsile leningazange niwakhe,

Dutheronomi 6:10 Referencias Cruzadas

Genesisi 15:18

Ngalo lelo langa Simakadze wenta sivumelwane na-Abrama, watsi: “Lelive ngilinika situkulwane sakho, kusukela emfuleni waseGibhithe kuze kufike emfuleni lomkhulu iYufrathe,

Genesisi 26:3

Hlalahlala kulelive, ngitawuba nawe ngikubusise, ngobe onkhe lamave ngitawuwanika wena netitukulwane takho. Ngitasifeza setsembiso sami lengasenta kuyihlo Abrahama.

Genesisi 28:13

Simakadze abeme etikwalo; wakhuluma naye watsi: “NginguSimakadze, Nkulunkulu weyihlo Abrahama, naNkulunkulu wa-Isaka. Lelive lolele kulo ngiyawulinika wena kanye netitukulwane takho.

Nehemiya 9:25

Batfumba emadolobha labetinqaba, nemhlabatsi lovundzile, badla tindlu letatigcwele tonkhe tinhlobo tetintfo letinhle, nemitfombo leyase imbiwe, netivini, netihlahla temincumo kanye netihlahla tetitselo letinyenti. Badla besutsa, bondleka kahle, batitika ngekulunga kwakho lokukhulu.

Tihlabelelo 105:44

Wabapha emave ebetive, badla lifa lelititfukutfuku tebetive,

Tihlabelelo 78:55

Wacosha tive embikwabo, lelive walenta laba lifa labo, lapho imindeni yaka-Israyeli yayingamisa khona emathende ayo.

Dutheronomi 1:8

Libukeni-ke lonkhe lelo live lenginiphe lona. Ngenani kulo nilidle lelive Simakadze lafunga ngalo kutsi utalipha bokhokho benu bo-Abrahama, na-Isaka, naJakobe, kanye netitukulwane tabo letiyawuvela emvakwabo.’ ”

Dutheronomi 19:1

“Utawutsi Simakadze Nkulunkulu wenu angatibhubhisa letive letikulelive Simakadze Nkulunkulu wenu lanipha lona kutsi libe lenu, nitsi ningatidvudvula nitikhiphe, bese nakha kulamadolobha ato nasetindlini tato,

Dutheronomi 31:20

Ngitawutsi ngingabangenisa kulelive leligcwele lubisi neluju lwetinyosi, live lengaletsembisa ngesifungo kubokhokho babo, futsi batsi bangadla besutse, banotse, bayawube sebaphambukela kulabanye bonkulunkulu babakhonte, bangilahle mine, bephule nesivumelwane sami.

Dutheronomi 6:18

Yentani lokulungile nalokuhle ebusweni baSimakadze, khona kutanihambela kahle, nitsi ningangena nilitsatse lelive lelihle Simakadze laletsembisa ngesifungo kubokhokho benu,

Dutheronomi 6:23

Kodvwa wasikhipha lapho wasiletsa lapha, wasipha lelive laletsembisa ngekufunga kwakhe kubokhokho betfu.

Dutheronomi 8:12

Ngaphandle kwaloko niyawutsi nase nidle nesutsa, nakha netindlu letinhle, natinta,

Dutheronomi 9:1

“Lalelani-ke, ma-Israyeli! Manje senitakwewela iJordane ningene niyewucosha letive letinyenti naletinemandla kunani, letinemadolobha lamakhulu lanetibondza letindze letifikela esibhakabhakeni.

Joshuwa 24:13

Ngako nganipha live leningazange nilihluphekele, kanye nemadolobha leningazange seniwakhe; nihlala kuwo, nidle kuleto tivini nemincumo leningazange nikuhlanyele.’