Dutheronomi 5:33 - Siswati 1996 Bible

³³ Hambani endleleni Simakadze Nkulunkulu wenu laniyale kutsi nihambe ngayo, khona nitewuphila nichume, netinsuku tenu tandze eveni lelitawuba lenu.”

Dutheronomi 5:33 Referencias Cruzadas

1 Emakhosi 3:14

Nawutawuhamba etindleleni tami, uhloniphe netimiso tami nemiyalo yami njengeyihlo Davide, ngiyakukunika nemphilo lendze.”

2 Emakhosi 17:37

Nifanele nicaphele njalo kugcina imiyalo netimiso takhe, imitsetfo neteluleko takhe lanibhalela tona. Ningabakhonti labanye bonkulunkulu.

1 Tikhronike 28:8

“Ngako nyalo ngiyaniyala embikwawo onkhe ema-Israyeli nasembikwalo lonkhe libandla laSimakadze, nasebukhoneni baNkulunkulu wetfu, ngitsi: Caphelani kutsi niyayilandzela yonkhe imiyalo yaSimakadze Nkulunkulu wenu, khona litewuba lenu lelive lelihle, nize nilendlulisele nasetitukulwaneni tenu njengelifa lenu laphakadze naphakadze.

Tihlabelelo 119:6

Nangingayigcina yonkhe imiyalo yakho, ngingeke ngihlazeke.

Tihlabelelo 37:11

Kodvwa labamnene bayawulidla lifa lemhlaba, bahlale kahle, batijabulise ngekuthula lokukhulu.

Tihlabelelo 37:22

Lababusiswe nguSimakadze bayawulidla lifa lemhlaba; kodvwa labacalekiswe nguye bayawushabalaliswa.

Tihlabelelo 37:29

Labalungile bayawudla lifa lemhlaba, bahlale kulo kuze kube phakadze.

Tihlabelelo 37:34

Tsemba Simakadze, ugcine indlela yakhe, yena uyawukuphakamisa udle lifa lemhlaba ubone kushabalaliswa kwalababi.

Tihlabelelo 37:9

Benti balokubi batawushabalaliswa; kodvwa labalindzela Simakadze bayakudla lifa lemhlaba.

Eksodusi 20:12

“Hlonipha uyihlo nenyoko, khona tinsuku takho titakwandza kulelive lengikunika lona.

Taga 3:1

Ndvodzana yami, ungayikhohlwa imfundziso yami, kodvwa inhlitiyo yakho ayigcine imiyalo yami,

Jeremiya 42:6

Nome ngabe kuvumelana natsi nome kuyasilahla, sitamlalela Simakadze, Nkulunkulu wetfu, lesikutfuma kuye, kuze kusihambele kahle, ngobe sitamlalela Simakadze longuNkulunkulu wetfu.”

Jeremiya 7:23

kodvwa ngabanika umyalo lotsi: Ngilaleleni, mine-ke ngiyawuba nguNkulunkulu wenu, nine nibe sive sami. Hambani ngato tonkhe tindlela tami lenginiyale ngato, kuze kunihambele kahle.

Hezekeli 20:19

NginguSimakadze Nkulunkulu wenu, landzelani timiso tami, nicaphele kugcina imitsetfo yami.

Lukha 1:6

Bobabili babephila imphilo lengcwele kuNkulunkulu, babeyigcina yonkhe imiyalo nemitsetfo yeNkhosi.

KubaseRoma 2:7

Labanye bantfu bachubeka benta lokuhle, bafuna tibusiso, neludvumo nekuphila lokungabhubhi; labo-ke Nkulunkulu uyawubanika kuphila lokuphakadze.

Kubase-Efesu 6:3

“Kuze kube kuhle kuwe, ube nemphilo lendze emhlabeni.”

Dutheronomi 10:12

“Manje-ke, ma-Israyeli, yini lokufunwa nguSimakadze Nkulunkulu wenu kini ngaphandle kwekutsi nesabe Simakadze Nkulunkulu wenu, nihambe etindleleni takhe tonkhe, nimtsandze nimkhonte Simakadze Nkulunkulu wenu ngenhlitiyo yenu yonkhe, nangemphefumulo wenu wonkhe,

Dutheronomi 11:9

nekutsi nitewuphila imphilo lendze kulelo live leligcwele lubisi neluju lwetinyosi, Simakadze lafunga ngalo kubokhokho benu kutsi utalinika bona kanye netitukulwane tabo.

Dutheronomi 12:25

Aniyikuyidla, khona kuyawunihambela kahle nine kanye nebantfwabenu emvakwenu, ngobe niyakube nenta lokuhle emehlweni aSimakadze.

Dutheronomi 12:28

Caphelani kutsi niyilalele yonkhe lemiyalo lengininika yona, kuze kutenihambela kahle ngaso sonkhe sikhatsi, nine nebantfwabenu emvakwenu, ngobe nitawube nenta lokuhle nalokwemukelekile emehlweni aSimakadze Nkulunkulu wenu.”

Dutheronomi 22:7

Lamazini wona ungawakhokhela, kodvwa lonina umyekele asuke, khona kutakuhambela kahle ube nemphilo lendze.

Dutheronomi 29:8

Sadla live labo salinika sive sakaRubeni nesakaGadi kanye nencenye yesive sakaManase kutsi libe labo.

Dutheronomi 30:16

Ngiyaniyala lamuhla kutsi nitsandze Simakadze Nkulunkulu wenu, nihambe endleleni yakhe, nigcine imiyalo yakhe, netimiso takhe, nemitsetfo yakhe, lapho-ke niyawuphila nandze, bese Simakadze Nkulunkulu wenu uyanibusisa kulelo live leningena kulo kutsi libe lenu.

Dutheronomi 4:1

“Lalelani sive sema-Israyeli imiyalo nemitsetfo lesengitanifundzisa yona. Hambani ngayo, khona nitewuphila ningene eveni nilidle, live Simakadze, Nkulunkulu wabokhokho benu, lanipha lona.

Dutheronomi 4:40

Gcinani timiso takhe nemiyalo yakhe lengininika yona lamuhla, kuze kulungele nine nebantfwabenu, khona nitewuphila siphelane kulelo live Simakadze Nkulunkulu wenu lanipha lona.”

Dutheronomi 5:16

“ ‘Hlonipha uyihlo nenyoko, njengobe Simakadze Nkulunkulu wakho akuyala, khona utewuphila sikhatsi lesidze kuze kukuhambele kahle eveni Simakadze Nkulunkulu wakho lakupha lona.

Dutheronomi 5:29

Yebo, shangatsi tinhlitiyo tabo tingatsambela ekungesabeni, bagcine imiyalo yami ngaso sonkhe sikhatsi, khona kutawubahambela kahle bona nebantfwababo kuze kube phakadze!

Dutheronomi 6:1

“Lena ngimiyalo, netimiso, nemitsetfo Simakadze Nkulunkulu wenu langiyale ngayo kutsi nginifundzise yona kutsi niyigcine eveni lenitakwewela iJordane newelele kulo kutsi libe lenu,

Dutheronomi 6:3

Lalelani, ma-Israyeli, nicaphelisise kutsi niyalalela, khona kutanihambela kahle nekutsi nandze kakhulu kulelo live leligcwele lubisi neluju lwetinyosi, njengobe Simakadze Nkulunkulu waboyihlo anetsembisa.

Dutheronomi 8:1

“Caphelani kutsi nilandzela yonkhe imitsetfo lengininika yona lamuhla, khona nitewuphila, nandze, ningene nilidle lelive Simakadze laletsembisa ngesifungo kubokhokho benu.

1 kuThimothi 4:8

Ngobe kwetayeta umtimba ngekwelula imisipha kunenzuzo kwesikhashana nje, kodvwa kumesaba Nkulunkulu kunenzuzo etintfweni letinyenti, ngobe kucuketse setsembiso semphilo yamanje kanye nesemphilo letako.