Dutheronomi 5:22 - Siswati 1996 Bible

²² “Lena-ke ngimiyalo Simakadze laninika yona akhuluma ngeliphimbo lelikhulu kini nonkhe, yena akhuluma asekhatsi emlilweni, etulu entsabeni efini nasebumnyameni lobulicinsi; kute lokunye lakwengeta. Wayibhala etibhelekeceni letimbili tematje, wase unginika tona.”

Dutheronomi 5:22 Referencias Cruzadas

2 Emakhosi 17:37

Nifanele nicaphele njalo kugcina imiyalo netimiso takhe, imitsetfo neteluleko takhe lanibhalela tona. Ningabakhonti labanye bonkulunkulu.

Eksodusi 20:21

Kodvwa bantfu bajinge bema bucalu ngesikhatsi Mosi asondzela efini lelimnyama, lapho kwakunaNkulunkulu khona.

Eksodusi 24:12

Simakadze wakhuluma kuMosi, watsi: “Yenyuka ukhuphukele kimi entsabeni uhlale khona; ngitakunika tibhelekeca tematje letinemiyalo lengiyibhalele kutsi ibe ngimiyalo yebantfu.”

Eksodusi 31:18

Watsi kube Nkulunkulu acedze kukhuluma naMosi eNtsabeni yaseSinayi, wase umnika letibhelekeca letimbili tematje temiyalo, lapho umuno wakhe Nkulunkulu wawubhale khona imiyalo nemitsetfo.

Dutheronomi 4:33

Sikhona sive lesake saliva liphimbo laNkulunkulu likhuluma emlilweni, njengani, sachubeka saphila?

Dutheronomi 4:36

Wanenta neva livi lakhe asezulwini kutsi atenicondzisa kahle. Emhlabeni wanikhombisa umlilo wakhe, naweva emavi akhe aphuma emlilweni.

Dutheronomi 5:23

“Natsi naniliva lelivi likhuluma ebumnyameni, intsaba isavutsa umlilo, onkhe emadvodza labaholi betive tenu netikhulu tenu teta kimi.

Dutheronomi 5:4

Simakadze wakhuluma nani buso nebuso asemlilweni etikwentsaba.

KumaHebheru 12:18

Aniketi entsabeni longayitsintsa, levutsa umlilo nalenebumnyama lobumnyamakati, nesivunguvungu,