Dutheronomi 5:2 - Siswati 1996 Bible

² Simakadze Nkulunkulu wetfu wasenta natsi sivumelwane eHorebe.

Dutheronomi 5:2 Referencias Cruzadas

2 Emakhosi 17:35

Mzukwana Simakadze enta sivumelwane nema-Israyeli, wabayala watsi: “Ningabakhonti labanye bonkulunkulu, futsi ningabakhotsameli, nibasebentele nome nibahlabele imihlatjelo.

Eksodusi 19:1

Ngelilanga lekucala lenyanga yesitsatfu seloku sive sema-Israyeli saphuma eGibhithe, sefika ehlane laseSinayi.

Eksodusi 24:8

Mosi wase utsatsa lengati leyayisemigezelweni wanyenyeta ngayo labantfu, akhuluma atsi: “Lena yingati yesivumelwane Simakadze lasente nani macondzana nalamavi.”

Eksodusi 34:10

Simakadze wakhuluma kuMosi, watsi: “Ngenta sivumelwane-ke manje. Ngitakwenta imimangaliso embikwaso sonkhe sive sakho, lengazange seyentiwe emhlabeni nome ngukusiphi sive. Tonkhe tive lohlala emkhatsini wato tiyawubona tintfo letinkhulu letitakwentiwa ngimi, mine Simakadze, ngobe ngitanentela tintfo letesabekako emehlweni ato.

Jeremiya 11:4

timiso lengayala ngato bokhokho benu mhlazane ngibakhipha eGibhithe, embawuleni yemlilo loncibilikisa insimbi.’ Ngatsi: ‘Lalelani mine, nente konkhe lenginiyala ngako, khona niyawuba sive sami, nami ngibe nguNkulunkulu wenu.

Jeremiya 31:32

Lesivumelwane singeke sifanane naleso lengasenta naboyisemkhulu ngesikhatsi ngibabamba ngesandla ngibahola ngibakhipha eGibhithe, ngobe basephula sivumelwane sami, nome ngangiyindvodza kubo,” kusho Simakadze.

Jeremiya 34:13

“Naku lokushiwo nguSimakadze Nkulunkulu wema-Israyeli, utsi: Ngenta sivumelwane nabokhokho benu ngesikhatsi ngibakhipha eGibhithe, eveni lebugcili. Ngatsi:

Malakhi 4:4

“Khumbulani umtsetfo wenceku yami Mosi, timiso nemitsetfo lengamnika kona eHorebe kuwo onkhe ema-Israyeli.”

Dutheronomi 1:6

“Simakadze Nkulunkulu wetfu ukhulume kitsi siseseHorebe, watsi: ‘Senihleti kakhulu kulentsaba.

Dutheronomi 29:1

Lawa-ke ngemavi esivumelwane Simakadze layala ngawo Mosi kutsi asente nesive saka-Israyeli eveni lakaMowabi, kwengetela kuleso sivumelwane lasenta nabo baseseNtsabeni iHorebe.

Dutheronomi 4:13

Wetfula kini sivumelwane sakhe semiyalo lelishumi laniyala kutsi nihambe ngayo, wase uyibhala phansi etibhelekeceni letimbili tematje.

Dutheronomi 4:23

Caphelani ningasikhohlwa sivumelwane saSimakadze Nkulunkulu wenu lasenta nani. Ningatenteli sithico nome saluphi luhlobo Simakadze Nkulunkulu lanalele kutsi nisente.

Dutheronomi 5:1

Mosi wabita sonkhe sive sema-Israyeli wakhuluma kuso, watsi: “Lalelani, ma-Israyeli, timiso nemitsetfo lengininika yona lamuhla. Yifundzeni nibe neliciniso kutsi nitayilalela niyilandzele.