Dutheronomi 5:14 - Siswati 1996 Bible

¹⁴ kodvwa lilanga lesikhombisa liSabatha kuSimakadze Nkulunkulu wakho. Awuyikuwenta umsebenti, wena, nendvodzana yakho, nendvodzakati yakho, nenceku yakho, nencekukati yakho, nenkhabi yakho, nembongolo yakho, nome ngusiphi setifuyo takho, newetive lokakho, khona inceku yakho nencekukati yakho batewuphumula, njengawe.

Dutheronomi 5:14 Referencias Cruzadas

Genesisi 2:2

Ngelilanga lesikhombisa Nkulunkulu abesawucedzile wonkhe umsebenti wakhe labewenta; wase uyaphumula.

Nehemiya 13:15

Ngalawo malanga ngabona emadvodza akaJuda agcobagcoba litje lekuhlutela emagelebisi ngelilanga leliSabatha, bangenisa lokutinhlavu bakwetjatsisa timbongolo, batetfwesa neliwayini, nemagelebisi, nemakhiwa, nayo yonkhe nje leminye imitfwalo. Konkhe loko babekumikisa eJerusalema kuliSabatha. Ngako ngabadvonsa ngendlebe kutsi bangabokutsengisa kudla ngelilanga leliSabatha.

Nehemiya 13:16

Emadvodza aseThire labehlala eJerusalema abeletsa tinhlanti nako konkhe lokutsengwa kutsengiswe, atewutsengisela emaJuda, eJerusalema ngeliSabatha.

Nehemiya 13:21

Kodvwa noko ngabayala ngatsi: “Nilalelani busuku bonkhe lapha ngephandle kwelubondza? Naniphindza nikwenta loko, ngitawugcina senginiphetse ngetandla.” Kusukela ngalelo langa abazange baphindze babuye kutewutsengisa ngeliSabatha.

Nehemiya 5:5

Nome sisive sinye nalabomnaketfu emaJuda kantsi futsi nebantfwabetfu kufanana nekutsi babo, kodvwa noko siphocelela lamadvodzana nemadvodzakati etfu kutsi abe tigcili. Lamanye emadvodzakati etfu asavele atsengisiwe aba tigcili, asinamandla, ngobe emasimi etfu netivini tetfu sesemukiwe.”

Eksodusi 23:12

“Uyawusebenta emalanga lasitfupha, kodvwa ngelilanga lesikhombisa ungasebenti, kuze kutsi tifuyo takho, netigcili letitalelwe kakho, kanye nebetive labasebenta kakho batewuphumula.

Levithikusi 23:3

Ninemalanga lasitfupha leningasebenta ngawo nente umsebenti wenu, kodvwa lilanga lesikhombisa liSabatha lekuphumula, lilanga lekukhonta. Akukafaneli nente nome ngumuphi umsebenti lapho nihlala khona. Lelo liSabatha laSimakadze.

Makho 2:27

Jesu wachubeka watsi kubo: “LiSabatha lamiselwa kuphumuta bantfu; bantfu abamiselwanga kugcilatwa liSabatha.

Lukha 23:56

Base babuyela ekhaya bayawulungisa emakha nemafutsa ekugcobisa sidvumbu. Baphumula ngeliSabatha, njengobe kusho umtsetfo.

Dutheronomi 5:13

Uyawusebenta emalanga lasitfupha, wente wonkhe umsebenti wakho,

KumaHebheru 4:4

Ngobe ngiko lokushiwo ngumBhalo ngelilanga lesikhombisa kutsi: “Ngelilanga lesikhombisa Nkulunkulu waphumula kuyo yonkhe imisebenti yakhe.”