Dutheronomi 4:9 - Siswati 1996 Bible

⁹ Caphelani-ke nilindze kahle imiphefumulo yenu, ningaze nikhohlwe nguletintfo lenitibone ngemehlo enu nome nitiyekele tiphunyuke enhlitiyweni yenu yingci nanisaphila. Niyakutifundzisa bantfwabenu nebantfwana bebantfwabenu.

Dutheronomi 4:9 Referencias Cruzadas

Genesisi 18:19

Cha, ngeke, ngobe Abrahama ngimkhetsile kutsi ayale emadvodzana akhe netitukulwane takhe emvakwakhe, kutsi bagcine intsandvo yaSimakadze ngekwenta lokuhle nalokulungile. Khona-ke Simakadze uyawunika Abrahama loko lametsembisa kona.”

Tihlabelelo 119:11

Livi lakho ngililondvolote enhlitiyweni yami, kuze ngingoni kuwe.

Tihlabelelo 71:18

Nanyalo-ke nome sengigugile sengimphunga, ungangishiyi, Nkulunkulu, kuze ngishumayele ingalo yakho kuso situkulwane, nemandla akho kubo bonkhe labefikako.

Eksodusi 10:2

khona nitekwati kutjela bantfwabenu nebatukulu benu kutsi emaGibhithe ngake ngawenta tilima kanjani ngekwenta letibonakaliso tami emkhatsini wawo. Nonkhe niyawungati kutsi nginguSimakadze.”

Eksodusi 23:13

“Kulalele konkhe loku lengikushito kuwe. Ungawadvumisi emabito alabanye bonkulunkulu, ungawaphatsi ngisho nangemlomo wakho.”

Taga 1:8

Ndvodzana yami, lalela umyalo weyihlo, ungayali imfundziso yenyoko,

Taga 23:26

Ndvodzana yami, ngilalele utigcine ngekunakekela tindlela tami.

Taga 3:21

Ndvodzana yami, bambelela ekuhlakanipheni nasekuzitseni; ungakuvumeli kusuke kuwe.

Taga 7:1

Ndvodzana yami, ubokhumbula emavi ami, ugcine imiyalo yami engcondvweni yakho.

Isaya 38:19

Ngulabaphilako, labaphilako bodvwa, labakudvumisako wena, njengaloku ngenta nje nami lamuhla. Bobabe batjela bantfwababo ngekwetsembeka kwakho.

Isaya 42:20

Ubone tintfo letinyenti, kodvwa awukanaki, tindlebe takho tivulekile, kodvwa awuva lutfo.”

Jeremiya 17:21

Naku lokushiwo nguSimakadze, utsi: Caphelani ningawetfwali umtfwalo ngeliSabatha, nome niwungenise emasangweni aseJerusalema.

Lukha 8:18

“Caphelani-ke kutsi niva njani; ngobe lonako uyakwengetelwa, kodvwa longenalutfo uyakwemukwa naloko lokungatsi unako.”

Kubase-Efesu 6:4

Boyise ningabaphatsi kabi bantfwabenu, badzimate babe nenzondo, kodvwa bakhuliseni ngekubayala nangekubacondzisa ngemphilo yebuKhristu.

Dutheronomi 11:19

Niyakuwafundzisa bantfwabenu nikhulume ngawo nanihleti emakhaya, nome nihamba endleleni, nome nilala, nome nivuka.

Dutheronomi 12:1

“Leti-ke timiso nemitsetfo lekufanele niyilalelisise, nase nikulelive Simakadze Nkulunkulu wabokhokho benu laniphe lona kutsi libe lenu, niyakuyigcina yingci nanisaphila kulelo live.

Dutheronomi 16:3

LeliPhasika ningalidli kanye nesinkhwa lesinembiliso. Kuyawuze kuphele emalanga lasikhombisa solomane nidla sinkhwa lesite imbiliso, sinkhwa selusizi, ngobe naphuma ngekuphutfuma lokukhulu eGibhithe. Loko kuyakwenta kutsi nihlale nilikhumbula njalo lilanga lenaphuma ngalo eGibhithe, yonkhe imphilo yenu.

Dutheronomi 17:19

Kufanele ihlale kuyo iyifundze onkhe emalanga ekuphila kwayo, khona itewufundza kwesaba Simakadze Nkulunkulu wayo, ibuye ilandzelisise ngekucophelela onkhe emavi alomtsetfo naletimiso,

Dutheronomi 29:29

“Tintfo letifihlakele taSimakadze Nkulunkulu wetfu, kodvwa tintfo letembuliwe tiphiwe tsine kanye nebantfwana betfu kuze kube phakadze, kuze sitekwenta onkhe emavi labhalwe kulencwadzi yalomtsetfo.”

Dutheronomi 31:19

“Manje tibhalele phansi lengoma uyifundzise sive sema-Israyeli, usihlabelelise yona, khona itewuba bufakazi bami kubo.

Dutheronomi 32:46

wakhuluma kubo watsi: “Wafakeni etinhlitiyweni tenu onkhe lamavi lenginitjela wona lamuhla, khona niyekuyala ngawo bantfwabenu kutsi bawahloniphe ngekucophelela onkhe emavi alomtsetfo.

Dutheronomi 4:10

Khumbulani lilanga lenema ngalo embikwaSimakadze Nkulunkulu wenu ngesikhatsi akhuluma kimi eHorebe atsi: ‘Hlanganisa sonkhe sive sibutsane la embikwami. Ngifuna kutsi sive kahle emavi ami, khona sitewufundza kungihlonipha, yingci nasisaphila kulomhlaba sibuye sifundzise nebantfwabaso.’

Dutheronomi 4:15

“Ngako-ke ticaphelisiseni nine, ngobe anibonanga simo salutfo mhlazana Simakadze akhuluma nani asemlilweni entsabeni yaseHorebe.

Dutheronomi 4:23

Caphelani ningasikhohlwa sivumelwane saSimakadze Nkulunkulu wenu lasenta nani. Ningatenteli sithico nome saluphi luhlobo Simakadze Nkulunkulu lanalele kutsi nisente.

Dutheronomi 6:12

nicaphele kutsi ningamkhohlwa Simakadze lowanikhipha eGibhithe, eveni lebugcili.

Dutheronomi 6:2

khona kutewutsi nine, nebantfwabenu, nebantfwababo emvakwabo batekwesaba Simakadze Nkulunkulu wenu, yingci nanisagcina tonkhe timiso nemiyalo lengininika yona, khona nitewuva bumnandzi bekuphila imphilo lendze.

Dutheronomi 6:20

“Etikhatsini letitako indvodzana yakho iyawutsi nayibuta itsi: ‘Isho kutsini lemiyalo, naletimiso, nalemitsetfo Simakadze Nkulunkulu wetfu lasiyala kutsi siyigcine?’

Dutheronomi 6:7

Niyakuyinamatsisela etingcondvweni tebantfwabenu, nikhulume ngayo nanihleti emakhaya, nome nihamba endleleni, nome nilala nome nivuka.

Dutheronomi 8:11

“Caphelani-ke kutsi ningamkhohlwa Simakadze Nkulunkulu wenu ngekungagcini imiyalo yakhe, nemitsetfo yakhe kanye netimiso takhe lengininika tona lamuhla.

Dutheronomi 8:14

inhlitiyo yenu bese iyakhukhumala, nize nikhohlwe Simakadze Nkulunkulu wenu, lowanikhipha eGibhithe, eveni lebugcili.

KumaHebheru 2:1

Ngako-ke ngabe siyakucaphelisisa sikubambe loko lesikuvile, funa sikhweshe kuko.

KumaHebheru 2:3

Pho, tsine siyawuphunyula njani, nasingakunaki lokusindziswa lokungaka? Kwakhulunywa yiNkhosi kucala, kwaciniswa kitsi ngulabo labayiva.

YaJakobe 2:22

Uyabona-ke kutsi kukholwa kwasebenta kanye nemisebenti yakhe, nekutsi kukholwa kwakhe kwapheleliswa ngimisebenti yakhe.

Joshuwa 1:18

Nome ngabe ngubani loyawumelana nemavi akho, nome umyale kutsi enteni, nangabe uyala kukulalela, uyawubulawa. Kuphela nje, cina ume sibindzi!”

Joshuwa 23:11

Ngako caphelisisani kutsi nitsandze Simakadze Nkulunkulu wenu.

Joshuwa 4:21

Wakhuluma kuma-Israyeli, watsi: “Ngesikhatsi lesitako titukulwane tenu natibuta kuboyise titsi: ‘Lamatje lawa asho kutsini?’

Sembulo 3:3

Khumbula-ke loko lokwemukele wakuva, ukugcine, uphendvuke. Nangabe awuvuki ucaphele, ngitawuta kuwe ngikutume njengelisela, ngeke usati sikhatsi lengiyawukufikela ngaso.

Tikhulu 3:7

Ema-Israyeli enta lokubi embikwaSimakadze; akhohlwa Simakadze Nkulunkulu wawo, akhonta boBhali nabo-Ashera.

Tikhulu 8:34

angete amkhumbula Simakadze Nkulunkulu wawo, labewephule etandleni tato tonkhe titsa tawo kuyo yonkhe indzawo.