Dutheronomi 4:5 - Siswati 1996 Bible

⁵ “Nginifundzise yonkhe imiyalo nemitsetfo, njengobe Simakadze Nkulunkulu wami angitfumile kutsi ngente, kuze nihambe ngayo nakulelo live leniyakungena kulo niyekulidla.

Dutheronomi 4:5 Referencias Cruzadas

Tihlabelelo 71:17

Yebo, Nkulunkulu, wangifundzisa kusukela ebusheni bami, kuze kube ngunyalo ngisayimemetela imisebenti yakho lemangalisako.

Eksodusi 18:20

Bafundzise imiyalo nemitsetfo yaNkulunkulu, ubachazele kutsi kufanele baphile njani batiphatse njani.

Jeremiya 11:6

Simakadze wakhuluma kimi, watsi: “Wamemetele onkhe lamavi emadolobheni akaJuda nasetitaladini taseJerusalema, utsi: ‘Lalelani timiso talesivumelwane, nitilandzele.

Hezekeli 20:11

Ngabanika timiso tami, ngabatisa imitsetfo yami, ngobe umuntfu loyilalelako uyawuphila ngayo.

Levithikusi 19:19

“ ‘Uyawugcina imiyalo yami. Awuyiwuvuma kutsi tinkhomati takho tekhwelwe tinkunzi talolunye luhlobo. Awuyiwuhlanyela ensimini yakho tinhlobo letimbili letehlukene. Ungembatsi lutfo lolwentiwe ngetinhlobo letimbili temtiya.

Levithikusi 26:46

Leti-ke timiso, nemiyalo, nemitsetfo Simakadze layenta entsabeni yaseSinayi emkhatsini wakhe nesive sema-Israyeli ngesandla saMosi.

Levithikusi 27:34

Ngiyo lena-ke imiyalo yesive sema-Israyeli Simakadze layinika Mosi entsabeni yaseSinayi.

Levithikusi 7:38

Simakadze layinika Mosi entsabeni yaseSinayi, mhlazana ayala ema-Israyeli kutsi anikele ngeminikelo yawo kuSimakadze, ehlane laseSinayi.

Matewu 28:20

nibafundzise kugcina konkhe lenginiyale ngako. Nibokwati kutsi mine nginani onkhe emalanga, kuze kube ngusekupheleni kwetikhatsi.”

Imisebenti yebaPhostoli 20:27

Ngobe angizange nginifihlele lutfo lwentsandvo yaNkulunkulu.

1 kubaseKorinthe 11:28

Kodvwa umuntfu akatihlolisise yena, emvakwaloko-ke adle lesinkhwa anatse kulendzebe.

1 kubaseKorinthe 15:3

Ngobe nami nganinika loko lokubalulekile lengakwemukela, kutsi Khristu wafa ngenca yetono tetfu, njengaloko isho imiBhalo,

Dutheronomi 11:32

nicaphele kutsi nitigcina tonkhe timiso nemitsetfo lengiyibeka lapha embikwenu lamuhla.”

Dutheronomi 4:1

“Lalelani sive sema-Israyeli imiyalo nemitsetfo lesengitanifundzisa yona. Hambani ngayo, khona nitewuphila ningene eveni nilidle, live Simakadze, Nkulunkulu wabokhokho benu, lanipha lona.

Dutheronomi 4:2

Ningacali nengete lutfo kulamavi lenginiyala ngawo, futsi ningaphunguli lutfo kuwo, kodvwa gcinani lemiyalo yaSimakadze Nkulunkulu wenu lengininika yona.

Dutheronomi 4:4

kodvwa nonkhe nine lenabambelela kuSimakadze Nkulunkulu wenu nisaphila nalamuhla.

Dutheronomi 4:40

Gcinani timiso takhe nemiyalo yakhe lengininika yona lamuhla, kuze kulungele nine nebantfwabenu, khona nitewuphila siphelane kulelo live Simakadze Nkulunkulu wenu lanipha lona.”

Dutheronomi 5:1

Mosi wabita sonkhe sive sema-Israyeli wakhuluma kuso, watsi: “Lalelani, ma-Israyeli, timiso nemitsetfo lengininika yona lamuhla. Yifundzeni nibe neliciniso kutsi nitayilalela niyilandzele.

Dutheronomi 6:1

“Lena ngimiyalo, netimiso, nemitsetfo Simakadze Nkulunkulu wenu langiyale ngayo kutsi nginifundzise yona kutsi niyigcine eveni lenitakwewela iJordane newelele kulo kutsi libe lenu,

Dutheronomi 7:11

Ngako-ke caphelani nilandzele imiyalo, netimiso, nemitsetfo lengininika yona lamuhla.”

Dutheronomi 8:11

“Caphelani-ke kutsi ningamkhohlwa Simakadze Nkulunkulu wenu ngekungagcini imiyalo yakhe, nemitsetfo yakhe kanye netimiso takhe lengininika tona lamuhla.

KumaHebheru 3:5

Mosi kambe abetsembekile kuko konkhe endlini yaNkulunkulu njengenceku, kuze kube bufakazi baleto tintfo lebekutawukhulunywa ngato kamuva.