Dutheronomi 4:30 - Siswati 1996 Bible

³⁰ Naniselusizini senehlelwe ngito tonkhe letintfo, kuyawutsi emvakwaloko nibuyele kuSimakadze Nkulunkulu wenu, nimlalele.

Dutheronomi 4:30 Referencias Cruzadas

Genesisi 49:1

Jakobe wabita onkhe emadvodzana akhe wakhuluma nawo, watsi: “Buyani la kimi nonkhe, ngitenitjela lokutanehlela ngemuso.

Nehemiya 1:9

kodvwa naniphendvuka nibuyela kimi, nigcine imiyalo yami niyente, nome ngabe labo labatfunjiwe benu bakhashane kangakanani, ngiyawubabutsa khona lapho ngibabuyisele kuyona lendzawo lengayikhetsela kutsi kuhlale khona Libito lami.’

Tihlabelelo 107:13

Base bakhala kuSimakadze basesekulolo lusizi lwabo, wabasindzisa kulo.

Tihlabelelo 107:6

Base bakhala kuSimakadze basesekulolo lusizi lwabo, wabephula kulo.

Tihlabelelo 18:6

Ngakhala kuSimakadze ngisekudzangaleni kwami, ngacela lusito kuNkulunkulu wami. Waliva livi lami asendlini yakhe, kuncusa kwami, nekukhala kwami, nekuthandaza kwami kwangena etindlebeni takhe.

Tihlabelelo 59:16

Kodvwa mine ngiyawuhlabela ngibabate emandla akho, ngetsabele umusa wakho ekuseni, ngobe wena uyinqaba yami, waba siphephelo sami ngesikhatsi sekuhlupheka kwami.

Eksodusi 18:8

Mosi walandzisa uyisetala ngako konkhe Simakadze lakwenta kuFaro nemaGibhithe kuze akhulule sive sema-Israyeli. Wamlandzisa nangebumatima labahlangabetana nabo endleleni, nekutsi Simakadze wabasindzisa kanjani kubo.

Isaya 1:19

Nangabe nivuma futsi nilalela, niyawudla sivuno lesihle kakhulu selive;

Jeremiya 23:20

Intfukutselo yaSimakadze ingeke incandzeke, aze akufeze loko lokujongwe yinhlitiyo yakhe. Kulawo malanga letako niyawukucondzisisa kahle loko.

Jeremiya 4:1

“Awu, Israyeli, nawungamane uphendvuke nje, ubuye kimi,” kusho Simakadze. “Nawungesusa letithico takho letitinengiso, lapha embikwami, ungabe usanhlanhlatseka,

Jeremiya 4:2

nawungafunga futsi kimi ngekweliciniso nangekulunga, utsi: ‘Ngifunga kuphila kwaSimakadze,’ tive-ke tiyawubusiswa ngaye tidvumise kuye futsi.”

Jeremiya 7:23

kodvwa ngabanika umyalo lotsi: Ngilaleleni, mine-ke ngiyawuba nguNkulunkulu wenu, nine nibe sive sami. Hambani ngato tonkhe tindlela tami lenginiyale ngato, kuze kunihambele kahle.

Sililo 3:40

Asihlolisise tindlela tetfu sitivivinye, bese sibuyela kuSimakadze.

Danyela 10:14

Manje-ke sengitele kutakuchazela kutsi kutakwentekani kubantfu bakini ngemalanga letako, ngobe lombono umayelana netikhatsi letiseta.”

Hoseya 3:5

Emvakwaloko ema-Israyeli ayawuphendvuka afune Simakadze, Nkulunkulu wawo, naDavide, inkhosi yawo. Bayawubuyela batitfobe kuSimakadze nakuto tibusiso taSimakadze ngemalanga ekugcina.

Zakhariya 6:15

“Labo labakhashane kakhulu bayakuta batewusita ngekwelekelela ekwakheni lithempeli laSimakadze; ngulapho-ke niyawukwati khona kutsi Simakadze longuSomandla ungitfumele kini. Loku kuyawukwenteka, nanimhlonipha nimlalela Simakadze longuNkulunkulu wenu.”

Numeri 24:20

Bhalamu wabona Amaleki, wase ubeka umlayeto wakhe, watsi: “Amaleki waba wekucala etiveni tonkhe, kodvwa, noko ekugcineni uyawubhubha.”

Imisebenti yebaPhostoli 26:20

kodvwa ngashumayela kusukela khona eDamaseko, naseJerusalema, nakulo lonkhe laseJudiya nakubetive ngimemetela kutsi abaphendvuke babuyele kuNkulunkulu bente imisebenti lekhombisa kuphendvuka.

Imisebenti yebaPhostoli 3:19

Ngako, phendvukani, nibuyele kuNkulunkulu, kuze esule licala letono tenu,

Dutheronomi 30:10

Loko-ke kuyakwenteka nanilalela Simakadze Nkulunkulu wenu, nigcine yonkhe imiyalo yakhe netimiso takhe njengobe tibhalwe kulencwadzi yemtsetfo, niphendvukele kuSimakadze wenu, ngayo yonkhe inhlitiyo yenu, nangawo wonkhe umphefumulo wenu.

Dutheronomi 30:2

nangabe nine nebantfwabenu seniyabuyela kuSimakadze Nkulunkulu wenu nimlalele ngayo yonkhe inhlitiyo yenu, nangawo wonkhe umphefumulo wenu, nente njengako konkhe lenginiyale ngako lamuhla,

Dutheronomi 31:17

Ngalelo langa ngiyawubatfukutselela ngibashiye. Ngiyawubafihlela buso bami, bayawubhubha. Bayawukwehlelwa tigemegeme netinhlupho letinyenti, ngalelo langa bayawutibuta batsi: ‘Letigemegeme atikasehleli ngobe Nkulunkulu angasekho kitsi yini?’

Dutheronomi 31:21

Kuyawutsi tigemegeme letinyenti netinhlupho nakwehlela etikwabo, lengoma iyawubalahla ngebufakazi bayo, ngobe titukulwane tabo tingeke tiyikhohlwe. Ngiyakwati loko labacabanga kukwenta, ngisho nome basengakangeni kulelo live lengabetsembisa lona ngesifungo.”

Dutheronomi 31:29

Ngobe ngiyati kutsi emvakwekufa kwami nakanjani niyawuba babi kakhulu, nize niphambuke nakulendlela lenginiyale kutsi nihambe ngayo. Kulamalanga letako, nitakwehlelwa tigemegeme letimbi, ngobe niyakwenta bubi embikwaSimakadze nimtfukutselise ngaloko tandla tenu letikwentile.”

KumaHebheru 1:2

Kodvwa kulamalanga ekugcina sewukhulume kitsi ngeNdvodzana yakhe ladala ngayo umhlaba nako konkhe lokukhona; wayimisa kutsi ibe yindlalifa yako konkhe.

KumaHebheru 5:9

kwase kutsi ngekupheleliswa kwakhe waba ngumtfombo wensindziso yaphakadze yabo bonkhe labo labamlalelako,