Dutheronomi 4:10 - Siswati 1996 Bible

¹⁰ Khumbulani lilanga lenema ngalo embikwaSimakadze Nkulunkulu wenu ngesikhatsi akhuluma kimi eHorebe atsi: ‘Hlanganisa sonkhe sive sibutsane la embikwami. Ngifuna kutsi sive kahle emavi ami, khona sitewufundza kungihlonipha, yingci nasisaphila kulomhlaba sibuye sifundzise nebantfwabaso.’

Dutheronomi 4:10 Referencias Cruzadas

Genesisi 18:19

Cha, ngeke, ngobe Abrahama ngimkhetsile kutsi ayale emadvodzana akhe netitukulwane takhe emvakwakhe, kutsi bagcine intsandvo yaSimakadze ngekwenta lokuhle nalokulungile. Khona-ke Simakadze uyawunika Abrahama loko lametsembisa kona.”

Tihlabelelo 145:4

Titukulwane ngekwelamana kwato tiyawubikelana ngemisebenti yakho; tiyawumemetela ngemisebenti yakho yemandla.

Eksodusi 19:1

Ngelilanga lekucala lenyanga yesitsatfu seloku sive sema-Israyeli saphuma eGibhithe, sefika ehlane laseSinayi.

Eksodusi 19:11

ngemhlomunye babe sebalungele, ngobe ngalelo langa ngitakwehlela entsabeni iSinayi bonkhe bantfu babuka.

Eksodusi 19:16

Ekuseni ngelilanga lesitsatfu kwaba nekudvuma nemibane, lifu lelimnyama labonakala etikwentsaba, kwase kuvakala licilongo lelakhala kakhulukati. Bonkhe bantfu lapha enkambu betfuka batfutfumela ngenca yekwesaba.

Eksodusi 19:9

Simakadze wakhuluma kuMosi, watsi: “Ngitakwehla ngibesefini lelimnyama, khona bantfu batewungiva nangikhuluma nawe, bese bayakwetsemba njalo.” Mosi wase ukutjela Simakadze konkhe lokwakukhulunywe bantfu.

Eksodusi 20:18

Batsi bantfu nabakuva lokudvuma nekukhala kwelicilongo babona nemibane nentfutfu yembese intsaba, bonkhe bantfu betfuka batfutfumela ngenca yekwesaba, bema bucalu.

Eksodusi 20:20

Mosi wakhuluma kubantfu watsi: “Ningesabi; Nkulunkulu utele kutewunivivinya, khona nitewuhlala nimesaba, kuze ningoni.”

Umshumayeli 12:13

Konkhe sekuvakele. Nasi-ke siphetfo sendzaba: Yesaba Nkulunkulu, ugcine imiyalo yakhe, kute lokunye lokungetulu kwaloko lokudzingekako kumuntfu.

Isaya 38:19

Ngulabaphilako, labaphilako bodvwa, labakudvumisako wena, njengaloku ngenta nje nami lamuhla. Bobabe batjela bantfwababo ngekwetsembeka kwakho.

Lukha 1:50

Ubonakalisa sihawu sakhe kubo bonkhe labamesabako, kusukela esitukulwaneni, kuya esitukulwaneni.

Dutheronomi 11:19

Niyakuwafundzisa bantfwabenu nikhulume ngawo nanihleti emakhaya, nome nihamba endleleni, nome nilala, nome nivuka.

Dutheronomi 12:1

“Leti-ke timiso nemitsetfo lekufanele niyilalelisise, nase nikulelive Simakadze Nkulunkulu wabokhokho benu laniphe lona kutsi libe lenu, niyakuyigcina yingci nanisaphila kulelo live.

Dutheronomi 14:23

Niyawudla kwelishumi kwenu kwalokutinhlavu, nekweliwayini lelisha, nekwemafutsa, nekwematubulo etinkhomo netimvu, netimbuti embikwaSimakadze Nkulunkulu wenu endzaweni layawuyikhetsela kubeka Libito lakhe, kuze nitewufundza kuhlonipha Simakadze Nkulunkulu wenu ngaso sonkhe sikhatsi.

Dutheronomi 17:19

Kufanele ihlale kuyo iyifundze onkhe emalanga ekuphila kwayo, khona itewufundza kwesaba Simakadze Nkulunkulu wayo, ibuye ilandzelisise ngekucophelela onkhe emavi alomtsetfo naletimiso,

Dutheronomi 4:9

Caphelani-ke nilindze kahle imiphefumulo yenu, ningaze nikhohlwe nguletintfo lenitibone ngemehlo enu nome nitiyekele tiphunyuke enhlitiyweni yenu yingci nanisaphila. Niyakutifundzisa bantfwabenu nebantfwana bebantfwabenu.

Dutheronomi 5:2

Simakadze Nkulunkulu wetfu wasenta natsi sivumelwane eHorebe.

Dutheronomi 5:29

Yebo, shangatsi tinhlitiyo tabo tingatsambela ekungesabeni, bagcine imiyalo yami ngaso sonkhe sikhatsi, khona kutawubahambela kahle bona nebantfwababo kuze kube phakadze!

Dutheronomi 6:2

khona kutewutsi nine, nebantfwabenu, nebantfwababo emvakwabo batekwesaba Simakadze Nkulunkulu wenu, yingci nanisagcina tonkhe timiso nemiyalo lengininika yona, khona nitewuva bumnandzi bekuphila imphilo lendze.

Dutheronomi 6:7

Niyakuyinamatsisela etingcondvweni tebantfwabenu, nikhulume ngayo nanihleti emakhaya, nome nihamba endleleni, nome nilala nome nivuka.

KumaHebheru 12:25

Caphelani ningamali lowo lokhulumako: Nangabe bangaphunyulanga labo labamala lowo abebacaphelisa alapha emhlabeni, natsi-ke singeke siphunyule, nasala kutsatsa tecwayiso talowo lokhuluma asezulwini.

Sembulo 19:5

Kwevakala livi liphuma esihlalweni sebukhosi litsi: “Dvumisani Nkulunkulu wetfu, nonkhe nine tinceku takhe, nine labancane nani labakhulu lenimesabako.”

1 Samuweli 12:24

Kodvwa nine cinisekani kutsi nesaba Simakadze, nikhonte yena ngekwetsembeka, ngayo yonkhe inhlitiyo yenu. Nikhumbule kutsi tinkhulu kanganani tintfo lanentela tona.