Dutheronomi 33:29 - Siswati 1996 Bible

²⁹ Ubusisiwe wena, Israyeli! Ngubani lofanana nawe, sive lesisindziswe nguSimakadze? Nguye losihlangu sakho nemsiti wakho, nenkemba yakho yeludvumo. Titsa takho tiyawutiletsa kuwe, wena uyakutigcobagcoba tindzawo tato letiphakeme.”

Dutheronomi 33:29 Referencias Cruzadas

Genesisi 15:1

Emvakwaloko livi laSimakadze lefika ku-Abrama ngembono, latsi: “Abrama, ungesabi. Ngisihlangu sakho, umvuzo wakho utawuba mkhulu.”

2 Samuweli 22:3

Nkulunkulu wami, ulidvwala lami lengiphephela kulo. Usihlangu sami sekungivikela nemandla ensindziso yami. Yena ungumgedze wami wekubhaca. Usiphephelo sami neMsindzisi wami. Etigebengwini, wena uyangisindzisa.

2 Samuweli 22:45

Betive beta kimi bakhasa, batsi bangangiva, bangihloniphe masinyane.

2 Samuweli 7:23

Kona ngubani nje lonjengesive sakho, ema-Israyeli, sive lekukuphela kwaso emhlabeni Nkulunkulu lowaphuma wayakusikhulula kutsi sibe sive sakhe, atakhele libito lelikhulu, watakwenta timangaliso letinkhulu naletishacisako ngekudvungulula tive ngetive kanye nabonkulunkulu bato embikwesive sakho lowasikhulula eGibhithe?

2 Tikhronike 31:8

BoHezekiya netiphatsimandla takhe batsi nabefika bakhandza letindvundvuma, babonga Simakadze, base babusisa nesive sakhe ema-Israyeli.

Tihlabelelo 1:1

Ubusisiwe umuntfu longatitsatsi teluleko tebedukisi longahlanganyeli emikhubeni yetigangi, longahlali nasemkhambatsini walabaphukuta Nkulunkulu.

Tihlabelelo 144:15

Sibusisiwe sive lesinaletibusiso! Sibusisiwe leso sive Nkulunkulu waso lekunguSimakadze!

Tihlabelelo 18:44

Betive batsi bangangiva, bangihlonipha masinyane, beta kimi bakhasa.

Tihlabelelo 18:45

Bonkhe baphelelwa ngemandla, beta bachachatela baphuma emigedzeni yabo.

Tihlabelelo 32:1

Ubusisiwe umuntfu lotsetselelwe tiphambuko takhe, nalotono takhe tisitjekelwe.

Tihlabelelo 32:2

Ubusisiwe umuntfu Nkulunkulu langambaleli tiphambuko takhe, lonenhlitiyo lete inkhohliso.

Tihlabelelo 33:12

Sibusisiwe leso sive lesiNkulunkulu waso kunguSimakadze, sive latikhetsele sona kutsi sibe lifa lakhe.

Tihlabelelo 33:20

Umphefumulo wetfu wetsembele kuSimakadze, yena ungumsiti wetfu nelihawu letfu.

Tihlabelelo 45:3

Hhawu, chawe lemachawe, bophela inkemba yakho elukhalweni lwakho, uhlome ngenkhatimulo yakho nangebukhosi bakho.

Tihlabelelo 66:3

Khulumani kuNkulunkulu nitsi: “Maye, imisebenti yakho mikhulu iyesabeka. Titsa takho titawuta kuwe tikhasa ngemadvolo, ngenca yemandla akho lamakhulu.

Tihlabelelo 68:34

Memetelani emandla aNkulunkulu, bukhosi bakhe bengamele sive saka-Israyeli, nemandla akhe asetulu esibhakabhakeni.

Tihlabelelo 7:12

Nangabe umuntfu angaphendvuki, Nkulunkulu ulola inkemba yakhe, antsalele kunemba ngebutjoki bakhe,

Tihlabelelo 81:15

Labangitondzako bebetawuta embikwami, bete bashosha phansi ngemadvolo, kujeziswa kwabo kuhlale ingunaphakadze.

Tihlabelelo 84:11

Ngobe Simakadze, Nkulunkulu ulilanga letfu nesihlangu sekusivikela. Simakadze usipha umusa asente sihlonipheke. Angeke abagodlele lutfo loluhle labo labahamba ngebucotfo embikwakhe.

Isaya 12:2

Impela, Nkulunkulu uyinsindziso yami; ngiyakumetsemba ngingesabi, Simakadze, Simakadze ungemandla ami nengoma yami; nguye loyinsindziso yami.”

Isaya 27:1

Ngalelo langa Simakadze uyawujezisa ngenkemba yakhe leyesabekako, lenkhulu nalenemandla lamakhulu, uyawujezisa Leviyathani, inyoka lenyelelako, yebo, Leviyathani, inyoka letibutsako; yena uyawubulala silo saselwandle.

Isaya 33:16

Ngulowo-ke umuntfu lotawuhlala ekuphakameni, losiphephelo sakhe kutawuba yinqaba yemadvwala. Uyakunikwa sinkhwa sakhe, angawesweli emanti ekunatsa.

Isaya 45:17

Kodvwa Israyeli uyawusindziswa nguSimakadze ngensindziso yaphakadze; ningeke nidliwe ngemahloni nome nihlazeke phakadze naphakadze.

Isaya 58:14

ngulapho uyawutfola khona-ke kujabula kwakho kuSimakadze, ngiyawukwenta ukhuphukele eticongweni telive, ube nenala udle nelifa leyihlomkhulu Jakobe.” Umlomo waSimakadze sewukhulumile.

Jeremiya 12:12

Etikwawo onkhe emadvundvu latingagadvu babhubhisi bayawunyakatela, ngobe inkemba yaSimakadze iyawubadla bantfu, kusukela ngala kwelive kuye ngale kwalo, kute namunye loyawusindza.

Jeremiya 47:6

“Nikhala nitsi: ‘Awu, nkemba yaSimakadze, uyawudzimate uphumule nini? Buyela emgodleni wakho; sale uma ubindzise.’

Hoseya 13:9

“Awu, Israyeli, ngiyawukubhubhisa ngobe umelene nami, uphambene nemsiti wakho.

Amose 8:7

Simakadze loludvumo lwaka-Israyeli utifunge yena, watsi: “Ngingeke ngikukhohlwe nakunye kwalabakwentile.

Habakhuki 3:19

Simakadze loyiNkhosi ungemandla ami; wenta tinyawo tami tibe njengetenyamatane, ungenta ngihambe ngiphephile etindzaweni letiphakeme. Lemhlabelisi wetemiculo. Elugujini lwami lolunetintsambo.

Numeri 24:5

Maye mahle emathende akho, sive sakaJakobe, emakhaya lapho uhlala khona, Israyeli!

Numeri 33:52

niboticosha nitikhiphe tonkhe letive lenitatikhandza khona. Nibotibhubhisa tonkhe letitfombe tato, netithico tato letibatiwe kanye netindzawo tato letiphakeme tekukhontela.

Dutheronomi 32:13

“Wamgibelisa eticongweni etindze temhlaba, wamondla ngetitselo tesiganga. Wamkhuluphalisa ngeluju lwemadvwala nangemafutsa asemifantfwini, ematjeni emlilo.

Dutheronomi 4:32

“Phenyisisani ngalokwenteka emalangeni akadzeni nisengakatalwa, kusukela ngelilanga Nkulunkulu ladala ngalo umuntfu emhlabeni; phenyisisani kusukela ngale kwemazulu kuye ngale kwawo. Intfo lenkhulu kangaka yake yenteka yini nome intfo lenjengayo yake yevakala yini?

Dutheronomi 4:34

Sikhona yini sithico lesake setama kutikhetsela sive emkhatsini waletinye tive ngetivivinyo, nangetibonakaliso letimangalisako, nangetimangaliso, nangemphi, nangesandla lesinemandla, nangengalo leyelulekile nome ngetento letinkhulu naletimangalisako, njengato tonkhe letintfo Simakadze Nkulunkulu wenu latenta kini eGibhithe emehlweni enu nibuka?

1 kuThimothi 4:10

Kuze kube manje siyasebenta sishikaneke, ngobe sibeke litsemba letfu kuNkulunkulu lophilako, longuMsindzisi wabo bonkhe bantfu, ikakhulu walabo labakholwako.

Sembulo 1:16

Esandleni sakhe sangesekudla abephetse tinkhanyeti letisikhombisa, emlonyeni wakhe kuphuma inkemba leyayikhalipha tinhlangotsi totimbili, buso bakhe bumengetela njengelilanga emini.

Sembulo 19:21

Laba labanye babulawa ngenkemba lephuma emlonyeni walowo logibele lihhashi. Tonkhe tinyoni tesutsa inyama yetidvumbu tabo.

Tikhulu 7:20

Onkhe-ke lamabutfo lamatsatfu ashaya emacilongo awo afohlota nalamajeke awo, abambe letidlwane ngesancele, ngesekudla aphetse lamacilongo labewashaya, amemeta atsi: “Inkemba yaSimakadze naGideyoni!”