Dutheronomi 33:20 - Siswati 1996 Bible

²⁰ NgaGadi wakhuluma watsi: “Ubusisiwe lowo lowandzisa umbuso waGadi! Gadi uhlala lapho njengelibhubesi, udzabula umkhono, yebo, nelukhakhayi.

Dutheronomi 33:20 Referencias Cruzadas

Genesisi 49:19

“Gadi uyawuhlaselwa libutfo letigebengu, kodvwa yena uyawuticosha.

Genesisi 49:9

Juda ufanana neliwundlu lelibhubesi, ndvodzana yami, usukile enyamataneni loyibulele wabuyela esikhundleni sakho, waguca, walala njengelibhubesi nanjengelibhubesikati, ngubani nje longahle akucale?

1 Tikhronike 4:10

Jabesi wakhala kuNkulunkulu wema-Israyeli, watsi: “Ngicela ungibusise ungandzisele live lami! Shangatsi sandla sakho singaba nami, ungiphephise engotini, khona ngitewukhululeka ebuhlungwini.” Nkulunkulu wamupha loko labekucelile.

Tihlabelelo 18:19

Wangikhiphela endzaweni lebanti; wangephula, ngobe abejabula ngami.

Tihlabelelo 18:36

Wentele tinyatselo tami indzawo lebanti kuze emacakala ami angabhinyiliki.

Jeremiya 2:16

Kanjalo futsi nebantfu baseMemfisi nebaseThaphanesi bahhumbule lukhakhayi lwenhloko yakho.

Mikha 5:8

Insali yema-Israyeli iyakubasemkhatsini wetive letinyenti, ifanane nelibhubesi lelitingela ehlatsini noma edlelweni: Lisuka lingene emkhatsini wetimvu, litisukele litidzabudzabule ticucwana, litsemba lato lekusindza lingabikho.

Joshuwa 13:10

nawo onkhe emadolobha aSihoni, inkhosi yema-Amori, labebusa eHeshboni, kuze kuyewufika emnyeleni wema-Amoni.

Joshuwa 13:8

Incenye yesive sakaManase, nesive sakaRubeni, nesakaGadi tona tase tisemukele sabelo lesilifa lato kuMosi, watinika live lelingasemphumalanga neJordane njengobe yena, labeyinceku yaSimakadze, abesatabele.