Dutheronomi 33:19 - Siswati 1996 Bible

¹⁹ Bayakubitela tive entsabeni yabo banikele khona lapho imihlatjelo yekulunga; batitapele enaleni yetilwandle nasemnotfweni lofihlwe esihlabatsini.”

Dutheronomi 33:19 Referencias Cruzadas

Genesisi 49:13

“Zebuloni uyakwakha elusentseni lwelwandle; lusentse lwakakhe luyawuba sikhumulo semikhumbi, umnyele wakakhe ubeseSidoni.

Tihlabelelo 107:22

Abanikele ngemihlatjelo yekubonga, bamemetele imisebenti yakhe ngenjabulo.

Tihlabelelo 2:6

“Ngimi loyibekile inkhosi eSiyoni, inkhosi lengiyikhetsile ngiyibeke eSiyoni, intsaba yami lengcwele.”

Tihlabelelo 4:5

Nikelani ngemihlatjelo leyemukeleka kuNkulunkulu, bese nibeka litsemba lenu kuSimakadze.

Tihlabelelo 4:6

Labanyenti batsi: “Ngubani longasentela tintfo letinhle?” Simakadze, sikhanyisele ngebukhona bakho.

Tihlabelelo 51:19

Khona-ke uyawujabula ngemihlatjelo lengiyo, ngeminikelo leshiswa yonkhe, khona-ke bayawunikela ngetinkunzi elatini lakho.

Eksodusi 15:17

Uyawubangenisa ubahlanyele entsabeni yakho, indzawo leyakhetfwa nguwe, Simakadze, kutsi ibe likhaya lakho, indzawo lengcwele, Simakadze, lowayakha ngetandla takho.

Isaya 2:3

Bantfu labanyenti bayawufika batsi: “Wotani, senyukele entsabeni yaSimakadze, endlini yaNkulunkulu waJakobe. Utasifundzisa tindlela takhe, khona sitewuhamba emikhondvweni yakhe.” Ngobe umtsetfo uyawuphuma eSiyoni, livi laSimakadze liphume eJerusalema.

Isaya 60:16

Uyawunatsa lubisi lwetive, umunyiswe emabeleni ebukhosi. Uyawube sewuyati-ke kutsi mine, Simakadze, nginguMsindzisi wakho, nekutsi Somandla wakaJakobe unguMhlengi wakho.

Isaya 60:5

Utawube sewuyabuka umoyitele, inhlitiyo yakho iyawugcumagcuma, inetsetele ngenca yekujabula. Imicebo leselwandle iyawuletfwa kuwe, bunjinga betive buyawuta kuwe.

Mikha 4:2

Tive letinyenti tiyawufika titsi: “Wotani, senyukele entsabeni yaSimakadze, endlini yaNkulunkulu waJakobe. Utasifundzisa tindlela takhe, khona sitewuhamba emikhondvweni yakhe. Ngobe umtsetfo uyawuphuma eSiyoni, livi laSimakadze liphume eJerusalema.”

Dutheronomi 32:13

“Wamgibelisa eticongweni etindze temhlaba, wamondla ngetitselo tesiganga. Wamkhuluphalisa ngeluju lwemadvwala nangemafutsa asemifantfwini, ematjeni emlilo.

1 yaPhetro 2:5

Nani-ke wotani kuyo, nibe ngematje laphilile, nakhiwe nibe yindlu yaMoya, khona-ke niyawuba baphristi labangcwele bekunikela imihlatjelo yaMoya, leyemukelekako kuNkulunkulu ngaJesu Khristu.