Dutheronomi 33:17 - Siswati 1996 Bible

¹⁷ Litubulo lakhe lenkunzi linebukhosi, timphondvo takhe tenyatsi. Ngaletimphondvo uyawudvungulula tonkhe tive kanyekanye, kuze kufike emaphetselweni emhlaba. Banjalo baka-Efrayimu, batinkhulungwane tetinkhulungwane. Banjalo nabakaManase, batinkhulungwane.”

Dutheronomi 33:17 Referencias Cruzadas

Genesisi 48:19

Kodvwa uyise wala, watsi: “Ngiyati, ndvodzana yami, ngiyati. Naye utaba sive, naye futsi utaba mkhulu. Kodvwa nome kunjalo, lona lomncane utawuba mkhulu kunaye, netitukulwane takhe tiyawuba tive letinkhulu.”

1 Emakhosi 22:11

Sedekiya, umsa waKhenana, yena abesente timphondvo tensimbi, wamemeta atsi: “Naku lokushiwo nguSimakadze: ‘Ngaleti utawuhlaba emaSiriya aze afe, aphele.’ ”

1 Tikhronike 12:31

emadvodza encenye yesive sakaManase, labebitwe ngemabito awo kutsi ete atewubeka Davide kutsi abe yinkhosi, abeti-18 000;

1 Tikhronike 12:32

emadvodza aka-Isakhari, labeticondza kahle tikhatsi, ati nekutsi Israyeli kufanele enteni, bekutikhulu letatingema-200, akanye nato tonkhe tinini tawo letatitiphetse;

1 Tikhronike 5:1

Leti-ke titukulwane takaRubeni, litubulo la-Israyeli. Rubeni abelitubulo, kodvwa watsi kube alale nesingani seyise, walahlekelwa ngemalungelo ebutubulo bakhe, ase anikwa emadvodzana aJosefa, umsa wa-Israyeli. Ngako akabange asabalwa emlandvweni weluhlanga lwekutalana kwabo njengekwemalungelo ekutalwa kwakhe.

1 Tikhronike 5:2

Noko kwase kuba nguJuda lowaba sive lesasinemandla kakhulu, ngiso lesabe sesitala umbusi wato tonkhe tive tema-Israyeli, nome nje emalungelo ebutubulo abenikwe Josefa.

1 Tikhronike 5:23

Bantfu bencenye yesive sakaManase babebanyenti kakhulu; bona babehlala eveni kusukela eBhashani kuze kuyewufika eBhali Hemoni, lokusho kutsi, eSeniri, naseNtsabeni iHemoni.

2 Tikhronike 18:10

Sedekiya, umsa waKhenana, yena abesente timphondvo tensimbi, wamemeta atsi: “Naku lokushiwo nguSimakadze: ‘Ngaleti utawuhlaba emaSiriya aze afe aphele.’ ”

Tihlabelelo 22:21

Ngephule emlonyeni welibhubesi, ungisindzise etimphondvweni tetinyatsi.

Tihlabelelo 29:6

Wenta lemisedari yaseLebanoni itjakadvule njengelinkhonyane; ente iLebanoni neSiriyoni itjakadvule njengenkhabi lencane yesiganga.

Tihlabelelo 44:5

Labaphambene natsi sitawubehlula sibagicite ngawe, labasivukelako sitabapitjita ngelibito lakho.

Tihlabelelo 60:7

Live laGileyadi lami, nelive laManase lami, Efrayimu usivikelo senhloko yami, Juda uyindvuku yami yebukhosi.

Tihlabelelo 92:10

Kodvwa luphondvo lwami uluphakamisile njengeluphondvo lwenkhabi lengumlalandle, ungigcobe ngemafutsa lamasha.

Isaya 34:7

Tinkhabi tesiganga tiyakuwa nabo, tinkunzana kanye netinkunzi letinkhulu. Live labo liyawucwila engatini, nelutfuli luyawuba manti emanoni.

Hezekeli 34:21

Njengobe nitifuca ngemhlubulo nangelihlombe, nitigcubule ngetimphondvo tenu tonkhe timvu letibutsakatsaka, nize niticoshe tihambe,

Danyela 8:4

Ngasibuka lesihhanca sisahlasela sibheke ngasenshonalanga, nangasenyakatfo, nangaseningizimu. Kute ngisho nasinye silwane lesasingemelana naso, kute nalokwakungalanyulelwa emandleni aso, sasijangaza nje senta lesikutsandzako, saze saba sikhulu kakhulu.

Hoseya 5:3

Ngati konkhe nga-Efrayimu; Israyeli akafihlakali kimi. Efrayimu, wena sewugucukele ebugwadleni, Israyeli sewonakele.”

Hoseya 6:4

“Ngingentani ngawe, Efrayimu? Ngingentani ngawe, Juda? Lutsandvo lwenu lufanana nenkhungu yasekuseni, lunjengematolo asekuseni lanyamalalako.

Hoseya 7:1

nase ngifuna kuphilisa Israyeli, tono ta-Efrayimu tibekwa ebaleni, nemacala eSamariya ayembulwa. Benta emacebo, emasela agcekeze tindlu, tigebengu tibamba inkunzi etitaladini;

Numeri 23:22

Nkulunkulu lowabakhipha eGibhithe, ubalwela ngemandla lanjengewenyatsi.

Numeri 24:8

Nkulunkulu wabakhipha eveni laseGibhithe, unjengenyatsi lenemandla kubo. Bayakudla tive letititsa tabo, bephule ematsambo ato abe timvutfu, bagwaze leto tive ngetikhali.

Numeri 26:34

Leto-ke bekutinsendvo takaManase. Lababalwa babeti-52 700.

Numeri 26:37

Leto-ke bekutinsendvo taka-Efrayimu. Lababalwa babeti-32 500. Leti-ke ngito titukulwane takaJosefa lusendvo ngelusendvo.

Joshuwa 17:14

Sive sakaJosefa sakhuluma kuJoshuwa, satsi: “Tsine usisikeleleni sabelo sinye, lekuyindzawo yinye, kutsi kube lifa letfu? Tsine sisive lesinyenti kakhulu, naSimakadze usibusise kakhulu wasenta saba banyenti.”

Joshuwa 17:18

kodvwa ninikwa nalelive letintsaba lelinemahlatsi. Lihhehleni lonkhe lelihlatsi nitsatse yonkhe leyo ndzawo ibe yenu, kuze kuyewufika lapho ligcina khona; nome emaKhenani anetincola tetinsimbi kantsi acinile, kodvwa nine ningawadvungulula niwacitse.”

1 Samuweli 2:1

Hana wachubeka wathandaza watsi: “Inhlitiyo yami iyajabula kuSimakadze; Simakadze ungemandla ami. Umlomo wami uyaticoloshela titsa tami, ngobe ngiyajabula ekusindziseni kwakhe.