Dutheronomi 33:14 - Siswati 1996 Bible

¹⁴ Akalibusise ngalokuncono kakhulu lokuvetwa lilanga, nangetivuno letinhle tenyanga.

Dutheronomi 33:14 Referencias Cruzadas

2 Samuweli 23:4

ufanana nekukhanya kwekusa nakuphuma lilanga, lakute khona emafu; unjengekukhanya emvakwemvula lokumilisa tjani emhlabatsini.’

Tihlabelelo 104:19

Wenta inyanga kutsi yehlukanise tikhatsi, lilanga liyasati sikhatsi salo sekuya kunina.

Tihlabelelo 74:16

Imini yakho, nebusuku bakho, nguwe lowenta kukhanya nelilanga.

Tihlabelelo 8:3

Nangibuka etulu esibhakabhakeni sakho ngibona umsebenti wetandla takho, inyanga netinkhanyeti lotimisile, ngitsi:

Tihlabelelo 84:11

Ngobe Simakadze, Nkulunkulu ulilanga letfu nesihlangu sekusivikela. Simakadze usipha umusa asente sihlonipheke. Angeke abagodlele lutfo loluhle labo labahamba ngebucotfo embikwakhe.

Levithikusi 26:4

ngiyawunitfumelela imvula ngesikhatsi sayo, nemhlaba uninike sivuno lesihle, netihlahla tesiganga titsele titselo tato.

Malakhi 4:2

Kodvwa kini lenilesabako Libito lami, lilanga lekulunga liyawuphuma linekuphilisa etimphikweni talo. Niyawuphuma nitjakadvule njengemankhonyane lakhululwe etisingeni tawo.

Matewu 5:45

kuze nitewuba ngemadvodzana eYihlo losezulwini. Ngobe yena uphumisa lilanga lakhe kulababi nalabahle, anise imvula yakhe kulabalungile nalabangakalungi.

Imisebenti yebaPhostoli 14:17

Kodvwa akayekelanga kutifakazela ngekwenta imisebenti lemihle: Unehlisela imvula nekudla ngesikhatsi lesifanele; uninika kudla agcwalise tinhlitiyo tenu ngenjabulo.”

Dutheronomi 28:8

“Simakadze uyakwehlisela sibusiso etikwetincolobane tenu nasetikwako konkhe leniyawukwenta ngetandla tenu. Simakadze Nkulunkulu wenu uyawunibusisa kulelo live lanipha lona.

Dutheronomi 33:13

NgaJosefa wakhuluma watsi: “Simakadze akabusise live lakhe ngematolo laligugu asezulwini nangemanti lajulile langaphansi kwemhlaba.

Dutheronomi 33:15

Akalibusise ngetipho telikhetselo tetintsaba tasendvulo, nangenala yemagcuma aphakadze.

1 kuThimothi 6:17

Yala labacebile kulelive lamanje kutsi bangatikhukhumeti, bangabeki nematsemba abo kulomcebo lophelako, kodvwa bawabeke kuNkulunkulu losipha konkhe ngalokuphelele, kuze sitfokote ngako.

Sembulo 22:2

Ageleta ehla nemgwaco welikhaya. Ngale nangale kwalomfula bekunesihlahla sekuphila. Besitsela titselo emahlandla lali-12 ngemnyaka, lokusho kutsi kanye ngenyanga. Emacembe aso abephilisa tive.