Dutheronomi 32:5 - Siswati 1996 Bible

⁵ Bonile kuye, batindlisamahloni. Ngako-ke abasesibo bantfwana bakhe, kodvwa situkulwane lesesigwegwile, nalesintsamo yaso ishwilekile.

Dutheronomi 32:5 Referencias Cruzadas

Genesisi 6:12

Nkulunkulu wabuka umhlaba wabona kutsi wonakele, ngobe bonkhe bantfu babetiphetse ngemonakalo emhlabeni.

Tihlabelelo 78:8

bangenti njengobe kwenta bokhokho lekwakusitukulwane lesinenkhani nalesihlubukako, situkulwane lesite inhlitiyo lenebucotfo, nalesasinemoya longaketsembeki kuSomandla.

Eksodusi 32:7

Simakadze wakhuluma kuMosi watsi: “Ncandzeka wewuke, ngobe labantfu bakho lowabakhipha eveni laseGibhithe sebonakele.

Taga 8:8

Konkhe lengikukhulumako kwetsembekile; kute lokugwegwile, kute nalokungemanga.

Isaya 1:4

Awu, sive lesonako, bantfu labasindvwa kona, nine ntalelwane yalabenta lokubi, bantfwana labasimilo sabo sonakele. Simakadze sebamshiyile; bamhlubukile Longcwele waka-Israyeli, bagucuka bamfulatsela.

Isaya 63:8

Watsi: “Ngempela, basive sami, emadvodzana langeke angiyenge;” ngaloko-ke waba nguMsindzisi wabo.

Hoseya 9:9

Bonakele ngalokujulile njengasetikhatsini taseGibeya. Nkulunkulu uyawubukhumbula bubi babo, abajezisele tono tabo.

Zefaniya 3:7

Ngakhuluma kulelidolobha, ngatsi: ‘Impela, uyawungesaba uvume kucondziswa!’ Lendzawo yalo-ke ingeke icitfwe, kantsi netijeziso tami tonkhe tingeke tehliselwe etikwalo. Kodvwa babesolo banenshisekelo yekukwenta ngebubi konkhe labakwentako.”

Numeri 23:21

“Kute emashwa latakwehlela Jakobe, Israyeli angeke abe nelusizi. Simakadze Nkulunkulu wabo, unabo; kumenyetwa nekudvunyiswa kweNkhosi kusemkhatsini wabo.

Matewu 16:4

Situkulwane lesibi nalesiphingako ngekungetsembeki kuNkulunkulu sifuna sibonakaliso, kepha ngeke sisitfole ngisho nasinye ngaphandle kwesibonakaliso saJona.” Wesuka lapho, wahamba.

Matewu 17:17

Jesu waphendvula watsi: “Yehheni, situkulwane lesingakholwa nalesiphambene, kuyawudzimate kube ngunini nginani? Kuyawudzimate kube ngunini nginibeketelela? Yiletseni la kimi!”

Matewu 3:7

Kepha watsi nakabona labanyenti bebaFarisi nebaSadusi beta embhabhatisweni, wababuta watsi: “Ntalo yetinyoka, ngubani lonitjele watsi: ‘Balekelani lolulaka lolutako’?

Lukha 9:41

Jesu waphendvula watsi: “Yehheni, nine situkulwane lesonakele nalesingakholwa, ngiyawuhlala nani kuze kube ngunini nginibeketelela? Mletse lapha lomsa wakho.”

Johane 8:41

“Nine nenta imisebenti yeyihlo.” Batsi kuye: “Tsine asisibo bekuphingwa, sinaBabe munye, nguNkulunkulu lucobo.”

Imisebenti yebaPhostoli 2:40

Phetro wafakaza kubo abancenga ngemavi lamanyenti, atsi: “Tisindziseni kulesitukulwane lesiphambene!”

Imisebenti yebaPhostoli 7:51

“Maye, ninenkhani! Maye, anikholwa etinhlitiyweni tenu! Maye, nitihhulu ekuveni livi laNkulunkulu! Nifute bokhokho benu, nani niphikisana naMoya Longcwele.

2 kubaseKorinthe 11:3

Kodvwa ngineluvalo ngani, kutsi njengobe inyoka yakhohlisa Eva ngebucili bayo, nani tingcondvo tenu tingahle tedukiswe niyekele kutinikela kuKhristu ngeliciniso nangebumsulwa.

Dutheronomi 31:29

Ngobe ngiyati kutsi emvakwekufa kwami nakanjani niyawuba babi kakhulu, nize niphambuke nakulendlela lenginiyale kutsi nihambe ngayo. Kulamalanga letako, nitakwehlelwa tigemegeme letimbi, ngobe niyakwenta bubi embikwaSimakadze nimtfukutselise ngaloko tandla tenu letikwentile.”

Dutheronomi 32:20

Watsi: ‘Ngiyawubufihla buso bami kubo, ngibone kutsi siphetfo sabo kutawuba yini. Ngobe basitukulwane lesigwegwile, bantfwana labangaketsembeki.

Dutheronomi 4:16

Caphelani ningoni ngekutentela tithico letibatiwe, titfombe nome taluphi luhlobo lwendvodza nome lwemfati,

Dutheronomi 4:25

“Nase nitelene nandza naba nebantfwana kanye nebantfwana bebantfwabenu, senihleti sikhatsi lesidze kulelo live, ningacali nome ngekutentela tithico nome taluphi luhlobo. Loko kuyawuba kubi emehlweni aSimakadze Nkulunkulu wenu, kumente atfukutsele.

Dutheronomi 9:24

Nine anizange nimlalele Simakadze, seloku ngacala kunati.

KubaseFiliphi 2:15

kuze nibe ngulabangasoleki, nalabangenacala, bantfwana baNkulunkulu labangenasici emkhatsini wesitukulwane lesigwegwile nalesiphambene. Kufanele nikhanye kuso lesitukulwane njengetinkhanyeti letikhanyisa esibhakabhakeni,

Tikhulu 2:19

Kodvwa kwakutsi nje sikhulu singafa, bantfu babuyele etindleleni tabo letimbi kakhulu kunetaboyise, balandzele labanye bonkulunkulu, babakhonte, bakhotsame kubo. Bala kwehlukana netindlela tabo letimbi, nemikhuba yabo, nenkhani yabo.