Dutheronomi 32:29 - Siswati 1996 Bible

²⁹ Kube mane bebangahlakanipha, bakucondze loku, bakhanyelwe kutsi siphetfo sabo sitakuba yini!

Dutheronomi 32:29 Referencias Cruzadas

Tihlabelelo 107:15

Akabongwe Simakadze ngemusa wakhe, ngekwentela bantfu imisebenti lemangalisako:

Tihlabelelo 107:43

Lohlakaniphile akacaphele letintfo, bantfu abayicondzisise imisebenti yemusa waSimakadze.

Tihlabelelo 81:13

Maye, kube sive sami siyangilalela na-Israyeli ahambe etindleleni tami!

Tihlabelelo 90:12

Sifundzise kutsi sikwati kubala emalanga etfu, kuze sibe nenhlitiyo lehlakaniphile.

Isaya 10:3

Niyakwenta njani ngelilanga lekwehlulelwa, ngesikhatsi sehlakalo sichamuka khashane? Niyawubalekela kubani nicele lusito? Niyakuwushiya nabani lomcebo wenu?

Isaya 42:23

Ngubani emkhatsini wenu lotawulalela loku akunakisise kulesikhatsi lesitako?

Isaya 47:7

Watsi wena: ‘Ngiyawuchubeka ngibe yindlovukazi kokuphela,’ kodvwa awuzange uticaphele letintfo nome sewubone loko lokungahle kwenteke.

Jeremiya 17:11

Njengentsendzele lechobosele emacandza lengakawataleli, unjalo umuntfu lotfola bunjinga ngetindlela letingakalungi. Kuyawutsi nakasekhatsi nekhatsi nemphilo yakhe bumhlamuke, ekugcineni abonakale asasilima.

Jeremiya 5:31

Baphrofethi baphrofetha emanga, baphristi baphetse ngeligunya labo, nebantfu bami bakutsandza ngaleyo ndlela. Kodvwa nitakwenta njani ekupheleni?”

Sililo 1:9

Kungcola kwayo kunamatsele etidvwabeni tayo; ayizange ilinakekele likusasa layo. Kuwa kwayo kwakumangalisa, kwabate labengayidvudvuta. “Awu Simakadze, buka kushaywa kwami, ngobe sitsa siyangehlula.”

Hoseya 14:9

Ngubani lohlakaniphile? Uyawutibona letintfo. Ngubani lokwati kubona tintfo letifihlakele? Utaticondza kahle letintfo. Tindlela taSimakadze tilungile, labalungile bahamba ngato, kodvwa labahlubukako bayakhubeka kuto.

Hagayi 2:18

‘Kusukela lamuhla, ngisho kusukela ngelilanga lema-24 lenyanga yemfica, cabangisisani kahle. Kusukela ngelilanga lesabekwa ngalo sisekelo sendlu yaSimakadze, cabangisisani kahle:

Lukha 12:20

Kodvwa Nkulunkulu watsi kuso: ‘Silima! Kulobusuku balamuhla umphefumulo wakho uyabitwa kuwe; pho, letintfo lesewutilungisile titawuba tabani?’

Dutheronomi 31:29

Ngobe ngiyati kutsi emvakwekufa kwami nakanjani niyawuba babi kakhulu, nize niphambuke nakulendlela lenginiyale kutsi nihambe ngayo. Kulamalanga letako, nitakwehlelwa tigemegeme letimbi, ngobe niyakwenta bubi embikwaSimakadze nimtfukutselise ngaloko tandla tenu letikwentile.”

Dutheronomi 5:29

Yebo, shangatsi tinhlitiyo tabo tingatsambela ekungesabeni, bagcine imiyalo yami ngaso sonkhe sikhatsi, khona kutawubahambela kahle bona nebantfwababo kuze kube phakadze!