Dutheronomi 32:27 - Siswati 1996 Bible

²⁷ Kodvwa ngakwesaba kucolosha kwesitsa, funa sitsa singacondzisisi kahle, bese sitsi: “Sandla sami sincobile akukentiwa nguSimakadze konkhe loku.” ’

Dutheronomi 32:27 Referencias Cruzadas

1 Emakhosi 20:28

Lomuntfu waNkulunkulu wefika wakhuluma enkhosini yaka-Israyeli, watsi: “Naku-ke lokushiwo nguSimakadze, utsi: ‘Njengobe emaSiriya acabanga kutsi Simakadze ungunkulunkulu wemagcuma, akasiye nkulunkulu wematsafa, yonkhe lemphi yawo ngitayinikela etandleni tenu, kuze nati kutsi mine nginguSimakadze.’ ”

Tihlabelelo 140:8

Simakadze, tifiso talababi ungatiphumelelisi, ungawaphumelelisi emasu abo lamabi, funa batigabatise. Cabanga.

Tihlabelelo 140:9

Labo labangitungeletile labatigcabhako bubi labasongela kubenta kimi abehlele kubo.

Eksodusi 32:12

Pho, kudzingeke ngani kutsi emaGibhithe abe asatsi: ‘Wabakhipha ngebucili eGibhithe wabe sewubabulala ngekubacitsa ebusweni bemhlaba baphelela etintsabeni bonkhe’? Mane uluyekele lulaka lwakho loluvutsako, ucole, ungasehliseli imbhubhiso lesive sakho.

Isaya 37:10

“Tjelani Hezekiya, inkhosi yakaJuda, nitsi: ‘Ungayengwa ngulonkulunkulu wakho lometsembako nakatsi: “IJerusalema ngeke inikelwe etandleni tenkhosi yase-Asiriya.”

Isaya 37:35

“Ngitalivikela lelidolobha ngilisindzise, ngenca yami nangenca yenceku yami Davide.”

Isaya 47:7

Watsi wena: ‘Ngiyawuchubeka ngibe yindlovukazi kokuphela,’ kodvwa awuzange uticaphele letintfo nome sewubone loko lokungahle kwenteke.

Isaya 48:11

Ngenca yami, nangekwami ngiyakwenta loku. Ngingeke ngivume kutsi Libito lami lihlazeke. Ngingeke nginike lomunye inkhatimulo yami.”

Jeremiya 19:4

Ngobe bangishiyile mine, benta lendzawo yaba yabonkulunkulu betive, bashise imihlatjelo kuyo kubonkulunkulu labangabati, bona kanye naboyisemkhulu, ngisho nemakhosi akaJuda, bagcwalise lendzawo ngengati lengenacala.

Sililo 1:9

Kungcola kwayo kunamatsele etidvwabeni tayo; ayizange ilinakekele likusasa layo. Kuwa kwayo kwakumangalisa, kwabate labengayidvudvuta. “Awu Simakadze, buka kushaywa kwami, ngobe sitsa siyangehlula.”

Danyela 4:27

Ngako-ke, wena waphakathi, asemukeleke kuwe leseluleko sami: Yekela tono takho, wente lokulungile, uyekele nekukhohlakala kwakho, ngekutsi ube nemusa kulabo labacindzetelwe. Kungenteka kutsi kuchubeka kahle kwakho nekuphumelela kwakho kuchubekele embili.”

Numeri 15:30

“ ‘Kodvwa umuntfu lowona ngemabomu, nome angewemdzabu nome angewetive, uyawuba nelicala lekungahloniphi Simakadze, uyawuncunywa esiveni sakubo.

Dutheronomi 9:28

Nakungenjalo, lesive lowasikhipha kuso sitawutsi: “Kungobe Simakadze wehluleka kubangenisa kulelive labebatsembise lona, kantsi futsi kungobe abebatondza, ngako wabakhiphela kutawubabulalela ehlane.”

Joshuwa 7:9

EmaKhenani kanye naletinye tive takuletive titakuva ngaloku, bese tiyasivimbetela tilitsanyele liphele nya libito letfu emhlabeni. Utakwenta njani-ke ngeLibito lakho lelikhulu kangaka?”

1 Samuweli 12:22

Ngenca yelibito lakhe lelikhulu Simakadze angeke asilahle sive sakhe, ngobe kwaba kuhle kuye Simakadze kutsi anente nibe bakhe.