Dutheronomi 32:24 - Siswati 1996 Bible

²⁴ Ngiyawubahlasela ngendlala lephundlako, namashaya acotfule wetifo letibulalanako, kanye netijeziso letibulalako. Ngiyawubahlasela ngetidladla tetilwane tesiganga, nangesihlungu setindlondlo letintjuma elutfulini.

Dutheronomi 32:24 Referencias Cruzadas

Genesisi 3:14

Nkulunkulu Simakadze watsi enyokeni: “Njengobe sewente loku, sewucalekiswe ngetulu kwato tonkhe tilwane: tonkhe tifuyo, nato tonkhe tilwane tesiganga. Sewuyawuhamba ngesisu sakho, ngesikhatsi sonkhe sekuphila kwakho udle lutfuli lwemhlabatsi.

Genesisi 49:15

Watsi kube abone kutsi lendzawo yekuphumula yinhle, nekutsi lelive lihle, wase uyagobondzela entela kwetfwala ngelihlombe, waphoceleka kutsi asebente njengesigcili.

Jobe 20:16

Utawumunya lesihlungu setinyoka; abulawe ngematinyo elibululu.

Tihlabelelo 120:4

Niyawujeziswa ngemicibisholo lekhaliphako yemphi; nijeziswe nangemlilo wemalahle embondvo.

Tihlabelelo 91:6

nengoti lenkhulu levumbuka ebumnyameni, namashayacotfule wesifo lobhubhisako emini.

Isaya 65:25

Imphisi nelizinyane lemvu kuyawudla edlelweni linye, nelibhubesi liyawudla tjani njengenkhomo, kodvwa lutfuli luyawuba kudla kwenyoka. Kute lokuyawulimata nalokuyawuba yingoti kuyo yonkhe intsaba yami lengcwele,” kusho Simakadze.

Jeremiya 14:18

Nangingena eveni, ngibona labo lababulewe ngenkemba; nangingena edolobheni, ngibona umonakalo lobangwe yindlala. Umphrofethi nemphristi bahambe kanyekanye, baya eveni labangalati.’ ”

Jeremiya 15:3

Simakadze utsi: “Ngiyawutfumela tinhlobo letine tebabhubhisi labatakulwa nabo: inkemba yekubulala, netinja tekuhudvulela khashane, netinyoni tasemoyeni, netilwane tesiganga tekushwabudzela nekubhubhisa.

Jeremiya 16:4

“Bayawukufa babulawe sifo lesibulalanako. Abayiwulilelwa, futsi bangeke bangcwatjwe, kodvwa bayawuba njengemfucuta nje lelahlwe phansi. Bayawubhubha ngenkemba nangendlala, netidvumbu tabo tiyawuba kudla kwetinyoni tasemoyeni kanye nekwetilwane tesiganga.”

Jeremiya 8:17

“Buka-ke, ngitawutfumela tinyoka letinesihlungu lesibi emkhatsini wenu, tindlondlo letingeke titsetjulwe ngumuntfu titewuniluma,” kusho Simakadze.

Sililo 5:10

Sikhumba setfu sishisa njengelitiko, siyavevetela ngenca yekulamba.

Hezekeli 14:15

“Kube bengingatfumela tilwane tesiganga kulelo live, tilishiye lite bantfwana, libe lihlane kangangekutsi kubete namunye longendlula kulo alidzabule ekhatsi ngenca yaleto tilwane,

Hezekeli 14:21

“Ngobe naku lokushiwo yiNkhosi Simakadze, itsi: Kuyawuba kubi kangakanani-ke nangitfumela tehlulelo tami letine letiyawumelana neJerusalema: inkemba, nendlala, netilwane tesiganga kanye nesifo lesibulalanako, kutsi titewubulala bantfu bayo netilwane tayo!

Hezekeli 5:17

Ngiyawutfumela indlala netilwane tesiganga letiyawumelana nani, futsi tiyawunishiya nite bantfwana. Tifo letibulalanako nekucitseka kwengati kuyawunikhukhula, ngiyawunihlasela ngenkemba leyawumelana nani. Mine, Simakadze, sengikhulumile.”

Levithikusi 26:22

Ngiyawunitfumelela tilwane tesiganga, tidle bantfwabenu netinkhomo tenu, nize nibe mbalwa, kangangekutsi ngisho nemigwaco yenu iyawubate bantfu.

Amose 9:3

Nome bangatifihla esicongweni sentsaba iKhameli, nakhona lapho ngiyawubatingela ngize ngibabambe. Nome bangangibhacela ekujuleni kwelwandle, nakhona lapho ngiyawutfumela inyoka ibalume.

Mikha 7:17

Tiyawuhuma phansi elutfulini njengetinyoka; tiyawuphuma etinqabeni tato titfutfumela ngenca yekwesaba. Ngekwesaba tiyawugucukela kuSimakadze longuNkulunkulu wetfu.

Habakhuki 3:5

Sishayo sihamba embikwakhe, mashayacotfule wesifo ulandzela etinyatselweni takhe.

Dutheronomi 28:22

Simakadze uyawunishaya ngetifo letibulalanako naletingelapheki, nangemikhuhlane kanye nangekushisa lokucacabukisa sikhumba; uyakunitfumelela somiso semoya loshisako nesikhutsa. Letintfo tiyakunihlasela niphele nya.

Dutheronomi 28:48

ngako-ke ekulambeni nasekomeni, ekudzikiteni nasebuphuyeni benu niyawukhonta titsa tenu Simakadze latitfumele kini. Uyakunetfwesa lijoko lensimbi etintsanyeni tenu, aze anibhubhise.

Dutheronomi 28:53

“Ngenca yekuhlushwa leniyawuletselwa kona titsa tenu ngesikhatsi tinivimbetela niyakudla titselo tetisu tenu, inyama yemadvodzana nemadvodzakati enu Simakadze Nkulunkulu wenu lanipha wona.