Dutheronomi 32:22 - Siswati 1996 Bible

²² Ngobe umlilo uphembeke ngentfukutselo yami, umlilo lovutsa ufike phansi ekujuleni endzaweni yalabafile. Uyawudla umhlaba kanye netivuno tawo, ulumeke umlilo etisekelweni tetintsaba.

Dutheronomi 32:22 Referencias Cruzadas

Tihlabelelo 144:5

Khotsamisa emazulu akho, Simakadze, wehle; tsintsa tintsaba tibhunye.

Tihlabelelo 21:9

Mhla kubonakala wena, uyawubashisa babe ngumlilo lowesabekako nalohhumako. Simakadze uyawubacedza ngentfukutselo yakhe, abacotfule ngemlilo.

Tihlabelelo 46:2

Ngako-ke kute lesikwesabako: nome kugucuka umhlaba utanyatanyiswe, nome tintsaba tingacwila ekujuleni kwelwandle,

Tihlabelelo 83:14

Njengemlilo ushisa lihlatsi, nanjengemalangabi ababela tintsaba,

Tihlabelelo 86:13

Ngobe umusa wakho mkhulu kimi, uwephulile umphefumulo wami ekujuleni kwekufa.

Tihlabelelo 97:3

Embikwakhe kuvutsa umlilo udle titsa ngala nangala.

Isaya 24:6

Ngako-ke sicalekiso siyawushwabudzela umhlaba, bantfu bawo kufanele baletfwale licala labo. Ngako-ke labahlala emhlabeni bayashiswa, kusale babe mbalwa kakhulu.

Isaya 30:33

IThofethi seyalungiswa kadzeni, yentiwa yalungela inkhosi. Umgodzi wayo wemlilo sewagujwa waba banti wabuye washona, kwatfotwa netinkhuni letinyenti temlilo; kuphefumula kwaSimakadze lokugeleta njengemfula wesibabule lesivutsako kuyakuyilumeka ivutse.

Isaya 54:10

Nome tintsaba tingatanyatanyiswa nemagcuma esuswe, noko lutsandvo lwami lolungapheli lengikutsandza ngalo, lungeke lutanyatanyiswe, nesivumelwane sami sekuthula singeke sisuswe,” kusho Simakadze lonesihawu kuwe.

Jeremiya 15:14

Ngiyawukugcilata ngetitsa takho, eveni longalati, ngobe lulaka lwami luyawulumeka umlilo loyawuvutsa umelane nani.”

Jeremiya 17:4

Ngenca yemacala enu niyawulahlekelwa lifa lenganinika lona. Ngitanigcilata ngetitsa tenu eveni leningalati, ngobe niluchukulutile lulaka lwami, futsi lutanivutsela phakadze naphakadze.”

Jeremiya 4:4

Tisokeni nine kuSimakadze, sokani tinhlitiyo tenu, nitinikele kuye ngalokuphelele, nine madvodza akaJuda nesive saseJerusalema. Ngaphandle kwaloko lulaka lwami lutawucitseka luvutse njengemlilo ngenca yebubi lenibentile, luvutse, kubete nalongalucisha.”

Sililo 2:2

Simakadze ushwabudzele onkhe emakhaya akaJakobe, ngaphandle kwekuwahawukela. Ngelulaka lwakhe udladlabule tinqaba teNdvodzakati yakaJuda. Uwehlisele phansi emhlabatsini ngelihlazo umbuso wayo kanye netikhulu tayo.

Sililo 2:3

Ngentfukutselo leyesabekako uncamule tonkhe timphondvo taka-Israyeli. Usifinyetile sandla sakhe sekudla ngesikhatsi kuchamuka sitsa. Ushise Jakobe, kwaba shangatsi kulavutela emalangabi emlilo, yebo, umlilo lodla ucotfule konkhe lokusedvutane nawo.

Sililo 2:4

Ujijimete umcibisholo wakhe njengesitsa, sandla sakhe sangesekudla silungele kulwa. Njengesitsa ujube bonkhe labebajabulisa emehlweni; watfulula lulaka lwakhe njengemlilo etikwelithende leNdvodzakati yaseSiyoni.

Sililo 4:11

Simakadze ulufeze ngalokuphelele lulaka lwakhe, uyitfululile intfukutselo yakhe levutsako. ESiyoni uphembe umlilo lowadla tisekelo tayo.

Hezekeli 19:12

Kodvwa sazuphuneka ngenca yelulaka, salahlwa phansi emhlabatsini. Umoya wasemphumalanga wasomisa, saphundleka titselo taso, emagala aso lacinile abuna, umlilo wawadla.

Hezekeli 22:21

Ngiyawunigcogcela ndzawonye bese nginivutsela ngelulaka lwami lolushisako, niyawuncibilikela ekhatsi kulo.

Hezekeli 36:5

“ ‘Naku lokushiwo yiNkhosi Simakadze, itsi: Ngentfukutselo yami levutsako ngikhulume ngemelana nato tonkhe tive letisele, kanye nalo lonkhe laka-Edomu, ngobe batsatsa live lami balenta labo ngekujabula, nangenhlitiyo lembi, bentela kuphanga emadlelo alo.’

Hezekeli 38:19

Ngenshisekelo yami nangelulaka lwami loluvutsako, ngiyasho ngitsi: Ngalelo langa kuyawuba nalokukhulu kutamatama kwemhlaba eveni laka-Israyeli.

Levithikusi 26:20

Konkhe kusebenta kwenu kamatima kungeke kunibuyisele lutfo, ngobe emasimi enu angeke abe nesivuno, netihlahla tingeke titsele titselo.

Amose 5:6

Funanai Simakadze, nitewuphila, ngobe nakungenjalo, utawuhlasela lendlu yakaJosefa njengemlilo. Lomlilo utawukhotsisisa, iBetheli imeswele lotawucisha lowo mlilo.

Amose 7:4

Naku-ke iNkhosi Simakadze lengibonise kona: INkhosi Simakadze beyisabita kwehlulela kwemlilo, lomlilo womisa lwandle lolungaphansi kwemhlaba, waze lomlilo wacala kudla live.

Mikha 1:4

Letintsaba titawuncibilika ngaphansi kwetinyawo takhe; yebo, tincibilike njengemafutsa nakafakwa emlilweni. Tiyawugeletela etigodzini nasetihosheni; yebo, tigelete njengemanti ahhuhluleka aphuma eticongweni temagcuma.

Habakhuki 3:10

tintsaba takubona tatfutfumela. Kwendlula tikhukhula temanti, kujula kwabhodla, kwaphakamisela emagagasi ako etulu.

Zefaniya 1:18

Isiliva yabo negolide yabo kungeke kubasindzise ngelilanga lelulaka lwaSimakadze. Emlilweni wesikhwele sakhe umhlaba wonkhe uyawushiswa, ngobe uyakwenta siphetfo lesisheshisako sabo bonkhe labahlala emhlabeni.

Zefaniya 3:8

Simakadze utsi: “Ngako-ke ngimeleni, ngalelo langa ngiyawuma ngifakaze. Ngincume kuhlanganisa tive, ngibutsele ndzawonye imibuso, bese ngitfululela lulaka lwami etikwato, yonkhe intfukutselo yami leyesabekako. Umhlaba wonkhe uyawubhujiswa ngemlilo wekukhweleta kwentfukutselo yami.

Numeri 16:33

Bashobela phansi endzaweni yalabafile beva, nato tonkhe timphahla tabo, umhlaba wabasibekela, babhubha bangaphindzi baba khona emkhatsini wesive.

Numeri 16:35

Umlilo lowaphuma kuSimakadze wadla onkhe lamadvodza labengema-250 labekashisa imphepho.

Matewu 10:28

Ningabesabi lababulala umtimba kodvwa babe bangeke bawubulale umphefumulo; lokungenani, mesabeni Yena, lokwati kubulala umtimba nemphefumulo kokubili esihogweni.

Matewu 18:9

Futsi nangabe liso lakho likonisa, likupulute ulilahle khashane, kuncono kuwe kungena ekuphileni uneliso linye, kunekutsi ube nemehlo omabili, kantsi utawulahlwa esihogweni semlilo.”

Matewu 23:33

Tinyoka, ntalo yemabululu! Nitakubalekela njani kulahlwa esihogweni?

Dutheronomi 29:20

Simakadze akayiwuze avume kumcolela, intfukutselo yaSimakadze nelulaka lwakhe luyakumvutsela lowo muntfu. Tonkhe ticalekiso letibhalwe kulencwadzi tiyawukwehlela etikwakhe. Simakadze uyawulesula libito lakhe emhlabeni.

2 kubaseThesalonika 1:8

INkhosi iyawuvela emalangabini emlilo, ijezise labo labangamati Nkulunkulu, nalabo labangalilaleli liVangeli leNkhosi yetfu Jesu.

KumaHebheru 12:29

ngobe loNkulunkulu wetfu ungumlilo locotfulako.