Dutheronomi 32:16 - Siswati 1996 Bible

¹⁶ Bamenta waba nesikhwele ngabonkulunkulu babo betive; bamtfukutselisa ngaleto tithico tabo letinengekako.

Dutheronomi 32:16 Referencias Cruzadas

1 Emakhosi 14:22

Bantfu besive sakaJuda benta lokubi emehlweni aSimakadze, ngetento tabo labatenta, bavusa intfukutselo yaSimakadze; benta lokubi kakhulu, kwendlula loko lokwakwentiwe boyise.

1 Emakhosi 14:9

Wena wente lokubi kakhulu kwendlula bonkhe labake babusa embikwakho. Utentele bonkulunkulu netithico letibunjwe ngensimbi, wangicunula ngatfukutsela, wase ungilahla emvakwakho.

2 Emakhosi 17:11

Kuto tonkhe letindzawo letiphakeme, babetfuncisa imphepho njengaletive Simakadze latidvungulula ngesikhatsi ema-Israyeli efika. Benta tintfo letimbi letamcunula Simakadze waze watfukutsela.

2 Emakhosi 17:17

Benta imihlatjelo ngemadvodzana nangemadvodzakati abo bawashisa ngemlilo. Baphengula, babhula, batitsengisa ekwenteni bubi emehlweni aSimakadze, bamcunula.

2 Emakhosi 21:6

Wanikela ngendvodzana yakhe kutsi ishiswe ngemlilo, wangenela bungoma nemilingo, wabuye watihlanganisa nalabanemadloti kanye nalabaphengulako. Wenta lokubi kakhulu emehlweni aSimakadze, wamtfukutselisa.

2 Emakhosi 23:13

Inkhosi yaphindza yacitsa letindzawo letiphakeme letatakhiwe ngasemphumalanga neJerusalema eningizimu neliGcuma Lekonakala, tona leto Solomoni, inkhosi yaka-Israyeli, latakhela Ashtarothe, sithicokati lesenyanyekako semaSidoni, naKhemoshi, sithico lesenyanyekako sakaMowabi, kanye naMoloki, sithico lesisinengiso sema-Amoni.

Tihlabelelo 106:29

bacunula Simakadze ngetento tabo, kwabhoboka sifo emkhatsini wabo.

Tihlabelelo 78:58

Bamtfukutselisa ngetindzawo tabo temalati, lapho bakhonta khona tithico tabo letibatiwe, loko kwamenta waba nesikhwele.

Isaya 43:12

Ngembulile, ngasindzisa, ngamemetela, ngimi, akusiso sithico sebetive lesisemkhatsini wenu. Nine nibofakazi bami kutsi mine nginguNkulunkulu,” kusho Simakadze.

Jeremiya 2:11

Sive sake santjintjiselana yini ngabonkulunkulu baso? Yebo kona abasibo bonkulunkulu balutfo. Kodvwa sive sami sintjintjise ngenkhatimulo yaNkulunkulu waso, sakhonta tithico letingenamsebenti.

Jeremiya 2:25

Ungagijimi kuze kudzabuke ticatfulo takho nemphimbo wakho uze wome. Kodvwa wena watsi: ‘Akusiti lutfo! Ngiyatitsandza tithico tebetive, futsi tona ngitatilandzela.’ ”

Jeremiya 7:18

Bantfwana batfota tinkhuni, emadvodza alumekela imililo, bafati badovana nenhlama, babhaka emakhekhe eNdlovukazi yeliZulu. Batfulula iminikelo yetinatfo kulabanye bonkulunkulu bentela kuchukuluta lulaka lwami.

Jeremiya 8:19

Lalelani kukhala kwesive sami, sikhala eveni lelikhashane kakhulu, sitsi: “Simakadze akekho yini eSiyoni? Kungabe iNkhosi yayo ayikho yini lapho?” “Bangitfukutseliseleni ngaletitfombe tabo, ngaletithico tabo tebetive letingenamsebenti?”

Hezekeli 8:3

Welula loko lokwakungatsi kusandla, wangibamba ngesihlutfu. Moya wangiphakamisela emkhatsini wemhlaba nelizulu: Wangitsatsa embonweni waNkulunkulu, wangitsatsa saya eJerusalema, ekungeneni kwelisango langasenyakatfo lesibuya lesisekhatsi nekhatsi, lapho kwakume khona lesithico lesibanga intfukutselo lenkhulu.

Levithikusi 18:27

ngobe tonkhe letintfo tatentiwa bantfu lababehlala kulelive lenitawungena kulo, lase liyangcola.

1 kubaseKorinthe 10:22

Sifuna kutsi iNkhosi ibe nesikhwele yini? Sinemandla yini kunayo?

Dutheronomi 32:21

Bangenta ngaba nesikhwele ngalokungesiye nkulunkulu. Bangitfukutselisa ngetithico tabo letingenamsebenti. Ngiyawubenta babe nemona ngalabo labangesiso sive. Ngiyawubatfukutselisa ngesive lesingenakucondza.

Dutheronomi 5:9

Ungasikhotsameli nome usikhonte; ngobe mine, Simakadze Nkulunkulu wakho, nginguNkulunkulu lonesikhwele, ngijezisa bantfwana ngesono saboyise esitukulwaneni sesitsatfu nesesine kulabo labangitondzako,

Dutheronomi 7:25

Tithico tato niyakutishisa ngemlilo. Ningacali nihawukele isiliva negolide lekuto, ningatitsatseli loko, ngobe nitawubanjwa lugibe lwato, ngobe loko kusinengiso kuSimakadze Nkulunkulu wenu.