Dutheronomi 32:15 - Siswati 1996 Bible

¹⁵ “Jeshuruni wazimuka wakhahlela; wesutsa kudla, wesuleka, watamasa. Wamfulatsela Nkulunkulu lowamenta, walala Lidvwala lelinguMsindzisi wakhe.

Dutheronomi 32:15 Referencias Cruzadas

2 Samuweli 22:47

“Simakadze uyaphila! Alidvunyiswe lidvwala lami! Akaphakanyiswe Nkulunkulu, Lidvwala lami, neMsindzisi wami!

1 Tikhronike 5:25

Kodvwa abazange betsembele kuNkulunkulu waboyisemkhulu, baphinga ngekukhonta labanye bonkulunkulu baletive takulelo live, Nkulunkulu latibhubhisa nakungena tive tema-Israyeli.

2 Tikhronike 12:1

Watsi kube Rehobowamu atinte ebukhosini acine, yena nema-Israyeli onkhe bawulahla umtsetfo waSimakadze.

2 Tikhronike 26:16

Kodvwa kwatsi kube Uziya abe nemandla, kutiphakamisa kwakhe kwamdvonsela ekuweni. Akazange etsembeke kuSimakadze Nkulunkulu wakhe; wangena ethempelini laSimakadze washisa imphepho elatini lemphepho.

Nehemiya 9:25

Batfumba emadolobha labetinqaba, nemhlabatsi lovundzile, badla tindlu letatigcwele tonkhe tinhlobo tetintfo letinhle, nemitfombo leyase imbiwe, netivini, netihlahla temincumo kanye netihlahla tetitselo letinyenti. Badla besutsa, bondleka kahle, batitika ngekulunga kwakho lokukhulu.

Nehemiya 9:26

“Kodvwa abazange bakulalele, esikhundleni saloko bakuhlubuka, umtsetfo wakho bawufulatsela. Babulala baphrofethi bakho labebabayala kutsi babuyele kuwe; benta tinhlamba letesabeka kabi kakhulu.

Jobe 15:27

Ngobe uhuce buso bakhe ngemafutsa akhe, lukhalo lwakhe lubhubuka imitsebe.

Tihlabelelo 100:3

Yatini kutsi Simakadze nguNkulunkulu! Sadalwa nguye, asitidalanga, sisive sakhe, netimvu telidlelo lakhe.

Tihlabelelo 119:70

Inhlitiyo yabo ilukhunisa kwelitje, kepha mine ngitfokotiswa ngumtsetfo wakho.

Tihlabelelo 17:10

Tinhlitiyo tabo atinasihawu, imilomo yabo ikhuluma kutigabatisa kodvwa.

Tihlabelelo 18:46

Simakadze uyaphila! Alidvunyiswe lidvwala lami! Akaphakanyiswe Nkulunkulu loyinsindziso yami!

Tihlabelelo 73:7

Kukhuluphala kuwakhukhumukisile emehlo abo, imicabango yetinhlitiyo tabo iphuphuma bubi.

Tihlabelelo 81:11

“Kepha sive sami asililalelanga livi lami. Israyeli akazange anginake.

Tihlabelelo 89:26

Uyawukhala kimi atsi: ‘Wena unguBabe, unguNkulunkulu wami, nelidvwala lensindziso yami.’

Tihlabelelo 89:27

Ngiyawumenta abe litubulo, abe yinkhosi lephakeme kunemakhosi emhlaba.

Tihlabelelo 95:1

Wotani, sitewuhlabela kuSimakadze, sihlabele ngenjabulo kulo lidvwala lensindziso yetfu!

Isaya 1:4

Awu, sive lesonako, bantfu labasindvwa kona, nine ntalelwane yalabenta lokubi, bantfwana labasimilo sabo sonakele. Simakadze sebamshiyile; bamhlubukile Longcwele waka-Israyeli, bagucuka bamfulatsela.

Isaya 43:1

Kodvwa nyalo, naku lokushiwo nguSimakadze, lowo lowakudala, wena Jakobe, lowo lowakubumba, wena Israyeli, utsi: “Ungesabi, ngobe ngikuhlengile, Ngikubite ngelibito lakho, wena uwami.

Isaya 44:2

Naku lokushiwo nguSimakadze, lowo lowakwenta, wakubumba esiswini, nalonguyena atakukusita, utsi: Ungesabi, wena Jakobe, nceku yami, Jeshuruni, lengimkhetsile.

Isaya 6:10

Yenta inhlitiyo yalabantfu ibe ndzindzima, netindlebe tabo tibe butfuntfu ekuveni, uvale nemehlo abo, bangahle babone ngemehlo abo, beve ngetindlebe tabo, bacondzisise ngetinhlitiyo tabo, bagucuke, bese bayaphiliswa.”

Jeremiya 2:31

“Nine balesitukulwane, zindlani ngelivi laSimakadze lelitsi: Mine bengilihlane yini ku-Israyeli, nome-ke live lebumnyama lobukhulu? Sive sami sisholani kutsi: ‘Sikhululekile kutsi singajangaza, singeke siphindze site kuwe’?

Jeremiya 2:32

Intfombi iyabukhohlwa yini buhlalu bayo lobuligugu, nome makoti imihlobiso yakhe nakashada? Noko sive sami singikhohlwe emalanga lamanyenti langeke abalwe.

Jeremiya 2:5

Naku lokushiwo nguSimakadze, utsi: “Cala lini boyihlo labalitfola kimi, kutsi bangaze baphambuke kangaka kimi? Balandzela tithico letingenamsebenti, nabo sebagucuka baba lite.

Jeremiya 5:28

sebakhuluphele baze bamanyatela. Tento tabo letimbi atinamkhawulo, ababameleli labo labate boyise kutsi bangalahlwa licala, abawalweli nemalungelo alabamphofu.”

Jeremiya 5:7

“Kufanele ngani kutsi nginitsetselele? Bantfwabenu bangishiyile mine, bafunga ngemabito abonkulunkulu labangesibo bonkulunkulu. Ngabanika konkhe lababekweswele, noko bachubeka nekuphinga, babutsana etindlini tetingwadla.

Hezekeli 14:5

Loko ngiyawukwenta kuze ngitetibamba kabusha tinhlitiyo tebantfu baka-Israyeli, lase bangilahle bonkhe baya etithicweni tabo.’

Hoseya 13:6

Ngatsi nangibondla emadlelweni lamahle, besutsa; batsi kube besutse, base bayatigabatisa, base bayangikhohlwa.

Hoseya 4:7

Ngekwandza kwebaphristi kanjalo kwandza nekona kwabo kimi, ngitakwenanisa ngebukhosi babo batselwe lihlazo.

Imisebenti yebaPhostoli 28:27

ngobe inhlitiyo yalesive seyaba lukhuni, nangetindlebe tabo beva kamatima, emehlo abo bawavalile; funa mhlawumbe emehlo abo abone, nangetindlebe tabo beve, nangetinhlitiyo tabo bacondzisise, baphendvuke, bese ngiyabaphilisa.’ ”

Imisebenti yebaPhostoli 9:5

Waphendvula watsi: “Ungubani, wena Nkhosi?” Livi laphendvula latsi: “NginguJesu, lomhluphako!

Dutheronomi 31:16

Simakadze wakhuluma kuMosi, watsi: “Wena sewutawuhamba uyewuphumula nabokhokho bakho, emvakwekufa kwakho lesive siyawugwadla nabonkulunkulu betive takulelo live lesiyawungena kulo. Siyawungishiya, sephule nesivumelwane lengasenta naso.

Dutheronomi 31:20

Ngitawutsi ngingabangenisa kulelive leligcwele lubisi neluju lwetinyosi, live lengaletsembisa ngesifungo kubokhokho babo, futsi batsi bangadla besutse, banotse, bayawube sebaphambukela kulabanye bonkulunkulu babakhonte, bangilahle mine, bephule nesivumelwane sami.

Dutheronomi 32:4

“Yena uLidvwala, imisebenti yakhe iphelele; yebo, netindlela takhe tonkhe tilungile. Nkulunkulu lowetsembekile longakwenti lokubi, ucotfo akakhetsi muntfu.

Dutheronomi 32:6

Kungabe lena nguyona ndlela yini lenibonga ngayo kuSimakadze, nine sive lesilibele nalesingakahlakaniphi? Akusiyena yini longuyihlo, uMdali wenu, lowo lowanenta wanibumba?

Dutheronomi 33:26

“Kute lonjengaNkulunkulu, Jeshuruni, logibela emazulu kuze atewusita wena, agibele nemafu ngebukhosi bakhe.

Dutheronomi 33:5

Simakadze waba yinkhosi yakaJeshuruni ngesikhatsi baholi besive bahlangene netive taka-Israyeli.

Tikhulu 10:6

Baka-Israyeli baphindza benta lokubi emehlweni aSimakadze. Bakhonta boBhali, nabo-Ashtarothe, nabonkulunkulu base-Aramu, nabonkulunkulu baseSidoni, nabonkulunkulu baseMowabi, nabonkulunkulu bema-Amoni, nabonkulunkulu bemaFilisti. Baka-Israyeli bafulatsela Simakadze, bamyekela, bangabe basamkhonta,

1 Samuweli 2:29

Manje-ke niwubukelani ngeliso lelibukhali lomhlatjelo wami nalomnikelo wami lengawukhetsela indzawo yami yekuhlala? Wentiwa yini lokutsi uhloniphe kakhulu emadvodzana akho kunekutsi uhloniphe mine, nitikhuluphalise nine ngekutikhetsela lokunonile kwayo yonkhe iminikelo leyentiwa sive sami sema-Israyeli?’