Dutheronomi 31:6 - Siswati 1996 Bible

⁶ Cinani nime, nibe nesibindzi. Ningatesabi futsi ningatfutfumeli ngato, ngobe Simakadze Nkulunkulu wenu uhamba nani; angeke anishiye, futsi angeke aniyekele.”

Dutheronomi 31:6 Referencias Cruzadas

Genesisi 26:24

Simakadze wabonakala kuye ngabona lobo busuku, watsi: “NginguNkulunkulu weyihlo Abrahama; ungesabi, ngobe nginawe, ngiyakukubusisa ngandzise titukulwane takho ngenca yenceku yami Abrahama.”

Genesisi 28:15

Ukhumbule kutsi ngitawuba nawe ngikulondvolote nome uyaphi, ngikubuyise kulo lelive. Ngobe ngingeke ngikushiye ngingakakwenti loku lesengikwetsembise kona.”

2 Samuweli 10:12

Cina, ube nesibindzi! Asilwe ngesibindzi silwele sive sakitsi nemadolobha aNkulunkulu wetfu. Simakadze utakwenta loko lokuhle emehlweni akhe.”

1 Emakhosi 2:2

wakhuluma kuye watsi: “Sengitakufa njengebantfu bonkhe. Ngako cina, utibonakalise uyindvodza,

1 Emakhosi 6:13

Ngiyawuhlala emkhatsini wema-Israyeli ngingasishiyi sive sami ema-Israyeli.”

1 Emakhosi 8:57

Shangatsi Simakadze Nkulunkulu wetfu angaba natsi, njengobe abenabo nabobabemkhulu, amane angasishiyi, futsi angasikhohlwa.

1 Tikhronike 22:13

Ngaloko-ke uyawuphumelela, nawuticaphela wena unakekele tonkhe timiso nemitsetfo yaSimakadze layinike Mosi ngenca yema-Israyeli. Cina ube nesibindzi. Ungesabi, ungaphelelwa ngemandla.

1 Tikhronike 28:10

Cabangisisa-ke manje, ngobe Simakadze ukhetse wena kutsi umakhele lithempeli libe yindzawo lengcwele. Cina, uwente lowo msebenti.”

1 Tikhronike 28:20

Davide waphindze wakhuluma kuSolomoni, indvodzana yakhe, watsi: “Cina, ube nesibindzi, wente lomsebenti. Ungesabi, futsi ungapheli emandla, ngobe Simakadze Nkulunkulu, longuNkulunkulu wami, unawe. Angeke akujabhise, futsi angeke akulahle, kuze kuphele wonkhe umsebenti wekukhonta ethempelini laSimakadze.

2 Tikhronike 32:7

“Cinani, nime sibindzi, ningesabi, futsi ningapheli emandla ngenca yalenkhosi yase-Asiriya nalolucucaba lwemphi yayo leta nayo, ngobe kitsi kunemandla lamakhulu kunalawa lenawo yona.

Tihlabelelo 27:1

Simakadze usibane sami nensindziso yami. Ngiyakwesaba bani? Simakadze uyinqaba yami yekufihla kuphila kwami. Pho, ngubani lengingamesaba?

Tihlabelelo 27:14

Tsemba kuSimakadze, cina ungadzangali, ube nesibindzi. Yebo, tsemba kuSimakadze.

Tihlabelelo 94:14

Ngobe Simakadze angeke asilahle sive sakhe, angeke alishiye lifa lakhe.

Isaya 41:10

Ngako-ke ungesabi, ngobe mine nginawe; ungajabhi, ngobe mine nginguNkulunkulu wakho. Ngitakucinisa ngikusite, ngiyakukubamba ngesandla sami sekudla lesilungile.

Isaya 51:12

“Mine, mine ngekwami, nginguye lonidvudvutako. Benibobani-ke nine kutsi ningesaba bantfu lababhubhako, emadvodzana ebantfu, latjani nje,

Jeremiya 1:8

Ungabesabi, ngobe mine nginawe, futsi ngiyawukuphephisa,” kusho Simakadze.

Jeremiya 32:40

Ngiyakwenta nabo sivumelwane saphakadze: Ngingeke ngiyekele kwenta lokuhle kubo, nabo ngibafake umoya wekungesaba, khona bangeyiwuphindze bahlubuke kimi.

Hagayi 2:4

Kodvwa-ke nyalo cinani, wena Zerubhabheli, nawe Jeshuwa, msa waJehosadaki, umPhristi Lomkhulu. Cinani nonkhe nine bantfu balelive,’ kusho Simakadze, ‘sebentani, ngobe mine nginani,’ kusho Simakadze longuSomandla.

Zakhariya 8:13

Njengobe beniyintfo yesicalekiso emkhatsini wetive, awu nine bakaJuda nani ma-Israyeli, ngiyakunisindzisa kanjalo-ke, niyawuba sibusiso. Ningesabi, kodvwa cinani emadvolo.”

Numeri 13:20

Umhlaba walo unjani? Uvundzile yini nome awukavundzi? Tikhona yini tihlahla nome atikho? Nibetama ngawo onkhe emandla enu kutsi niphatse titselo talo lelive!” Bekusikhatsi sekuvutfwa kwemagelebisi ekucala emnyakeni.

Numeri 13:9

esiveni sakaBhenjamini kwakunguPhaliti, umsa waRafu;

Numeri 14:9

Musani kuhlubuka Simakadze, futsi ningabesabi nalabantfu balelive, ngobe sitabagwinya. Sivikelo sabo sesihambile, kodvwa Simakadze unatsi. Ningabesabi.”

Lukha 12:32

“Ningesabi, mhlambi lomncane, ngobe uYihlo utfokotela kona kutsi aninike umbuso.

1 kubaseKorinthe 16:13

Lindzani nisime ekukholweni, nibe ngemadvodza, nicine.

Kubase-Efesu 6:10

Kwekugcina, cinani eNkhosini nasemandleni ayo lamakhulu.

Dutheronomi 1:21

Libukeni-ke lelive leniliphiwe nguSimakadze Nkulunkulu wenu. Khuphukelani kulo niyekulidla lelo live, njengobe natjelwa nguSimakadze Nkulunkulu waboyihlomkhulu. Ningesabi, ningalahlekelwa nalitsemba.’

Dutheronomi 1:29

“Ngase ngitsi kini: ‘Ningesabi; nabo ningabesabi.

Dutheronomi 11:8

“Niboyigcina yonkhe imiyalo lengininika yona lamuhla, khona nitewucina nilidle lelive leningena kulo kutsi nitewulenta libe lenu,

Dutheronomi 20:1

“Naniya emphini niyawulwa netitsa tenu bese nibona emahhashi ato, netincola tato, nemphi yato iyinkhulu kakhulu kunalena yenu, ningatesabi, ngobe Simakadze Nkulunkulu wenu lowanikhipha eGibhithe uyawuba nani.

Dutheronomi 31:23

Simakadze wanika lowo myalo kuJoshuwa, umsa waNuni, watsi: “Cina ube nesibindzi, ngobe nguwe lotawungenisa ema-Israyeli eveni lengabetsembisa lona ngesifungo, mine matfupha ngiyawuba nawe.”

Dutheronomi 31:7

Mosi wabe sewubita Joshuwa, wakhuluma kuye embikwaso sonkhe sive sema-Israyeli, watsi: “Cina ume sibindzi, ngobe kufanele uhambe nalesive uye eveni Simakadze lafunga ngalo kubokhokho baso kutsi utasipha lona, kufanele usabele lelive libe lifa laso.

Dutheronomi 31:8

Simakadze, yena matfupha, uhamba embikwakho, futsi uyawuba nawe; angeke akushiye futsi angeke akuyekele. Ungesabi; ungalahlekelwa litsemba.”

Dutheronomi 4:31

Ngobe Simakadze, Nkulunkulu wenu, unguNkulunkulu lonemusa, angeke anishiye nome anibhubhise nome akhohlwe sivumelwane sakhe lasenta naboyihlomkhulu, lasicinisa kubo ngesifungo.

Dutheronomi 7:18

Cha, ningatesabi, khumbulani kahle kutsi Simakadze Nkulunkulu wenu wentani kuFaro naseveni lonkhe laseGibhithe.

2 kuThimothi 2:1

Wena-ke, mntfwanami, cina emseni lokuKhristu Jesu.

KumaHebheru 13:5

Balekelani kutsandza imali, neneliswe nguloko leninako, ngobe Nkulunkulu watsi: “Ngingeke ngikuyekele, ngingeke ngikushiye.”

Joshuwa 1:9

Angikakuyali yini? Cina ube nesibindzi. Ungetfuki, futsi ungaphelelwa ngemandla, ngobe Simakadze Nkulunkulu wakho uyakuba nawe nome ngukuphi lapho uya khona.”

Joshuwa 10:25

Joshuwa wakhuluma kuto, watsi: “Ningesabi, ningapheli emandla. Cinani, nibe nesibindzi. Ngiko kona loku Simakadze latakwenta kuto tonkhe titsa tenu leniyakulwa nato.”

Sembulo 21:8

Kodvwa sabelo semagwala, nalabangakholwa, nalabanengekako, nebabulali, netingwadla, netiphingi, nebatsakatsi, nalabakhonta tithico, nalabacala emanga, kuyawuba lichibi lelivutsa umlilo nesibabule; loku kufa kwesibili.”

1 Samuweli 12:22

Ngenca yelibito lakhe lelikhulu Simakadze angeke asilahle sive sakhe, ngobe kwaba kuhle kuye Simakadze kutsi anente nibe bakhe.