Dutheronomi 31:4 - Siswati 1996 Bible

⁴ Simakadze uyakwenta kuto loko lakwenta kuboSihoni na-Ogi, emakhosi ema-Amori, lawabhubhisa kanye nelive labo.

Dutheronomi 31:4 Referencias Cruzadas

Dutheronomi 2:33

Simakadze Nkulunkulu wetfu wamnikela kitsi, samncoba yena nemadvodzana akhe kanye nesive sakhe sonkhe.

Dutheronomi 3:21

“Ngaso leso sikhatsi ngayala Joshuwa, ngatsi: ‘Nawe utibonele ngewakho emehlo konkhe loko Simakadze Nkulunkulu wakho lakwentile kulamakhosi lamabili; utakwenta njalo-ke kuyo yonkhe lemibuso lenisetakwewelela kuyo.

Dutheronomi 31:3

Simakadze Nkulunkulu wenu, yena matfupha, uyawuhamba embikwenu ewele kucala kunani. Uyawubhubhisa letive embikwenu, nine niyawudla live lato. Joshuwa-ke naye uyawuhamba embikwenu, ewele kucala kunani, njengobe Simakadze ashito.

Dutheronomi 31:5

Simakadze uyawutinikela kini, nine niyawukwenta kuto konkhe lenginiyale ngako kutsi nikwente.

Dutheronomi 7:16

Kufanele nibhubhise tonkhe leto tive Simakadze Nkulunkulu wenu lataninika tona. Ningatihawukeli ningabakhonti ngisho nabonkulunkulu bato, ngobe loko kuyawuba lugibe kini.

Dutheronomi 7:2

Simakadze Nkulunkulu wenu letive utawutsi angatinikela etandleni tenu, nitehlule, niboticedza tiphele nya. Ningenti sivumelwane nato, ningabi namusa kuto.

Joshuwa 24:12

Ngatfumela bomanyovu ngembili kwenu, lababadvungulula, nine nisengakefiki, kanjalo futsi nemakhosi ema-Amori lamabili. Loko anizange nikwente ngenkemba nangebutjoki benu.