Dutheronomi 31:21 - Siswati 1996 Bible

²¹ Kuyawutsi tigemegeme letinyenti netinhlupho nakwehlela etikwabo, lengoma iyawubalahla ngebufakazi bayo, ngobe titukulwane tabo tingeke tiyikhohlwe. Ngiyakwati loko labacabanga kukwenta, ngisho nome basengakangeni kulelo live lengabetsembisa lona ngesifungo.”

Dutheronomi 31:21 Referencias Cruzadas

Genesisi 6:5

Simakadze wabona kutsi kukhulu kona kwemuntfu emhlabeni, nekutsi yonkhe imizindlo nemicabango yenhlitiyo yakhe mibi ngaso sonkhe sikhatsi.

Genesisi 8:21

Nkulunkulu waliva leliphunga lelinuka lusi lolumnandzi, watsi enhlitiyweni yakhe: “Ngingeke ngiphindze ngiwucalekise umhlabatsi ngenca yemuntfu, ngobe imizindlo yenhlitiyo yemuntfu mibi kwasebusheni bakhe. Ngingeke ngiphindze ngikubhubhise konkhe lokuphilako, njengobe ngentile.

1 Tikhronike 28:9

“Wena-ke, Solomoni, ndvodzana yami, yenta Nkulunkulu weyihlo abe ligugu kuwe, umkhonte ngayo yonkhe inhlitiyo yakho nangengcondvo levumako, ngobe Simakadze uhlolisisa tonkhe tinhlitiyo acondzisise tonkhe tinjongo temicabango. Nawumfuna, utamtfola; kodvwa nawumlahla, naye utakuyekela phakadze naphakadze.

Tihlabelelo 139:2

Uyakwati kuhlala kwami nekuvuka kwami, imicabango yami uyati ingakaveli.

Isaya 46:10

Ngimemetela siphetfo kusukela ekucaleni, kusukela etikhatsini takadzeni ngimemetela loko lokutakwenteka. Ngitsi mine: ‘Injongo yami iyakuma, ngiyawukwenta konkhe loko lese ngikuhlelile.’

Hoseya 5:3

Ngati konkhe nga-Efrayimu; Israyeli akafihlakali kimi. Efrayimu, wena sewugucukele ebugwadleni, Israyeli sewonakele.”

Levithikusi 26:41

lokungukona kwangenta ngaze ngabayisa eveni letitsa tabo, nangabe netinhlitiyo tabo letingakasoki titfobeka bayikhipha nenkhokhelo yesono sekuhlubuka kwabo,

Imisebenti yebaPhostoli 2:23

Nkulunkulu ngekwatinchanti kwakhe nangentsandvo yakhe abesakumisile kutsi Jesu uyawuniketwa kini; nine-ke nambulala ngekumbetsela esiphambanweni ngetandla tetoni.

Imisebenti yebaPhostoli 4:28

Bahlangana benta konkhe loko, wena ngemandla nentsandvo yakho, wawuvele ukumisenchanti kutsi kwenteke.

Dutheronomi 30:18

ngiyanitjela lamuhla ngitsi: Nakanjani niyawubhubha. Aniyikuphila sikhatsi lesidze kulelo live lenewela iJordane ningena kulo kutsi nilidle.

Dutheronomi 31:7

Mosi wabe sewubita Joshuwa, wakhuluma kuye embikwaso sonkhe sive sema-Israyeli, watsi: “Cina ume sibindzi, ngobe kufanele uhambe nalesive uye eveni Simakadze lafunga ngalo kubokhokho baso kutsi utasipha lona, kufanele usabele lelive libe lifa laso.

Dutheronomi 4:30

Naniselusizini senehlelwe ngito tonkhe letintfo, kuyawutsi emvakwaloko nibuyele kuSimakadze Nkulunkulu wenu, nimlalele.