Dutheronomi 31:16 - Siswati 1996 Bible

¹⁶ Simakadze wakhuluma kuMosi, watsi: “Wena sewutawuhamba uyewuphumula nabokhokho bakho, emvakwekufa kwakho lesive siyawugwadla nabonkulunkulu betive takulelo live lesiyawungena kulo. Siyawungishiya, sephule nesivumelwane lengasenta naso.

Dutheronomi 31:16 Referencias Cruzadas

Genesisi 15:15

Wena-ke utawukhula, ufe ngekuthula sewumdzala kakhulu, ungcwatjwe.

Genesisi 25:8

Abrahama wafa asamdzala kakhulu asenelisekile emphilweni; walandzela bokhokho bakhe.

Genesisi 47:29

Watsi nasatakufa, wabita indvodzana yakhe Josefa, watsi kuyo: “Nangemukeleka kuwe, beka sandla sakho ngaphansi kwelitsanga lami, wetsembise ngesifungo kimi kutsi ungeke ungingcwabe lapha eGibhithe.

Genesisi 47:30

Ngifuna kungcwatjwa lapho kwangcwatjwa khona bobabe. Ubongetfwala, ungikhiphe eGibhithe ngiyekungcwatjwa lapho kwangcwatjwa khona bobabe.” Josefa wamphendvula watsi: “Ngiyawukwenta loko njengobe ushito.”

2 Samuweli 7:12

Emalanga akho nase aphelile, sewulele kuboyihlomkhulu, ngiyawuvusa umliba wakho kutsi uhlale esihlalweni sakho sebukhosi, loyo loyawuphuma elukhalweni lwakho, ngiyakuwumisa umbuso wakhe.

1 Emakhosi 1:21

Ngaphandle kwaloko, inkhosi itawutsi ingahamba iye kubakubo, mine nendvodzana yami, Solomoni, sitawuphatfwa njengemavukelambuso.”

1 Emakhosi 18:18

Elija waphendvula watsi: “Kute lengimhluphe ngako Israyeli, kodvwa nguwe nemndeni weyihlo. Uyiyekele imiyalo yaSimakadze, wabe sewulandzela boBhali.

1 Emakhosi 19:10

Elija waphendvula watsi: “Benginenshisekelo lenkhulu yekukhonta wena Simakadze, Nkulunkulu Somandla. Kodvwa sive saka-Israyeli sisilahlile sivumelwane sakho, sabhidlita emalati akho, sabulala baphrofethi bakho ngenkemba. Ngimi ngedvwa losasele, kodvwa nami sebafuna kungibulala.”

2 Emakhosi 18:12

Loku kwenteka, ngobe babengakamlaleli Simakadze Nkulunkulu wabo, kodvwa basephula sivumelwane sakhe, konkhe loko Mosi, inceku yaSimakadze, labebayale ngako. Abazange balalele imiyalo yakhe, futsi abahambanga nangayo.

2 Emakhosi 20:1

Kulawo malanga Hezekiya wagula wabangwa netibi. Umphrofethi, Isaya, umsa wa-Amose, waya kuye, wafike watsi: “Naku lokushiwo nguSimakadze, utsi: Sale ulungisa kahle tonkhe tintfo tasemndenini wakakho, ngobe sewutakufa, ngeke usindze.”

2 Tikhronike 21:11

Abesakhe netindzawo letiphakeme etintsabeni takaJuda, wabangela bantfu baseJerusalema kutsi baphinge ngekukhonta tithico, wedukisa sive sakaJuda.

Jobe 20:11

Emandla ebusha lagcwele ematsanjeni akhe ayawulala kanye naye elutfulini.

Tihlabelelo 106:39

Batingcolisa ngetintfo lababetenta, bangete betsembeka kuNkulunkulu, bafana netiphingi.

Tihlabelelo 73:27

Ngobe labakhashane nawe bayawubhubha, ubacitsa ubacedze labahlubuka kuwe ngekona.

Eksodusi 32:6

Ngakusasa bavuka ekuseni ngeluvivi baletsa iminikelo yekushiswa kanye neminikelo yekuthula. Bantfu bahlala phansi, badla, banatsa, basukuma badlala.

Eksodusi 34:15

Ningenti ngisho nesivumelwane nalabantfu balelo live, ngobe nabagwadla ngekukhonta letithico tabo, banikele umhlatjelo kuto, batanimema bese nidla leminikelo yemihlatjelo yabo.

Isaya 48:8

Anikeva, futsi anikacondzi, kusukela endvulo tindlebe tenu tatisolomane tivalekile. Empeleni bengati kahle hle kutsi naniyengana kanjani, nanibitwa ngekutsi nibahlubuki kusukela ekutalweni.

Jeremiya 31:32

Lesivumelwane singeke sifanane naleso lengasenta naboyisemkhulu ngesikhatsi ngibabamba ngesandla ngibahola ngibakhipha eGibhithe, ngobe basephula sivumelwane sami, nome ngangiyindvodza kubo,” kusho Simakadze.

Jeremiya 36:7

Mhlawumbe bayawutincengela embikwaSimakadze, ngulowo nalowo aphendvuke endleleni yakhe lembi, ngobe lulaka nentfukutselo lasayibekile Simakadze kumelana nalabantfu yinkhulu kakhulu.”

Hezekeli 16:15

“ ‘Kodvwa wena wesuke wase wetsembela kulobuhle bakho, lelidvumela lakho lakwenta waba yingwababane. Watfululela konkhe kukhanuka kwakho kunome ngubani labendlula ngendlela, buhle bakho baba bake.

Hoseya 1:2

Watsi kube Simakadze acale kukhuluma naHoseya, Simakadze wakhuluma kuye, watsi: “Hamba utsatse umfati loyingwadla lonebantfwana labatelwe ngebugwadla, ngobe live linelicala lebugwadla lobesabekako, selisukile kuSimakadze.”

Hoseya 10:4

Benta tetsembiso letinyenti, bafungele emanga, bente netivumelwane. Ngako kwehlulela emacala kuyahluma njengencatsavane lenebutsi emiseleni yemasimi lalinyiwe.

Levithikusi 26:15

ningatilandzeli netimiso tami, ningayenti nemitsetfo yami, nehluleke nekuyifeza lemiyalo yami ngekuphambana nesivumelwane sami,

Numeri 27:13

Utawutsi ungalibona nawe bese uya kubakini, njengemnakenu Aroni,

Imisebenti yebaPhostoli 13:36

“Phela Davide wenta intsandvo yaNkulunkulu ngesikhatsi sekuphila kwakhe; wase uyafa, wembelwa eceleni kwabokhokho bakhe, wabola;

Dutheronomi 31:18

Nakanjani buso bami ngiyawubufihla ngalelo langa, ngenca yabo bonkhe bubi babo lababentile ngekugucukela kulabanye bonkulunkulu.

Dutheronomi 32:15

“Jeshuruni wazimuka wakhahlela; wesutsa kudla, wesuleka, watamasa. Wamfulatsela Nkulunkulu lowamenta, walala Lidvwala lelinguMsindzisi wakhe.

Dutheronomi 32:50

Lapho-ke kuleyo ntsaba lotayekhwela ngulapho uyawufela khona, uye kubakini, njengemnakenu Aroni lowafela eNtsabeni iHori, waya kubakubo.

Dutheronomi 34:5

Mosi, inceku yaSimakadze, wafela khona lapho kulakaMowabi, njengobe Simakadze abeshito.

Dutheronomi 4:25

“Nase nitelene nandza naba nebantfwana kanye nebantfwana bebantfwabenu, senihleti sikhatsi lesidze kulelo live, ningacali nome ngekutentela tithico nome taluphi luhlobo. Loko kuyawuba kubi emehlweni aSimakadze Nkulunkulu wenu, kumente atfukutsele.

Sembulo 19:2

ngobe tehlulelo takhe tiliciniso timsulwa. Sewuyehlulele lengwadla lenkhulu leyabhubhisa umhlaba wonkhe ngebugwadla bayo; wakhiphela kuyo sibhongo sengati yetinceku takhe.”

Tikhulu 10:13

Kodvwa nine nangifulatsela mine, nakhonta labanye bonkulunkulu; ngako-ke ngingeke ngiphindze nginisindzise.

Tikhulu 10:6

Baka-Israyeli baphindza benta lokubi emehlweni aSimakadze. Bakhonta boBhali, nabo-Ashtarothe, nabonkulunkulu base-Aramu, nabonkulunkulu baseSidoni, nabonkulunkulu baseMowabi, nabonkulunkulu bema-Amoni, nabonkulunkulu bemaFilisti. Baka-Israyeli bafulatsela Simakadze, bamyekela, bangabe basamkhonta,

Tikhulu 2:11

Ngako sive sema-Israyeli senta lokubi emehlweni aSimakadze; sakhonta boBhali.

Tikhulu 2:12

Bafulatsela Simakadze, Nkulunkulu waboyise, lowabakhipha eGibhithe. Balandzela bakhonta labanye bonkulunkulu labehlukene baleto tive labebahlala emkhatsini wato. Batfukutselisa Simakadze,