Dutheronomi 31:11 - Siswati 1996 Bible

¹¹ ngesikhatsi onkhe ema-Israyeli atewutibonakalisa kuSimakadze Nkulunkulu wenu endzaweni latayikhetsa, lomtsetfo niyakuwufundza embikwawo eva.

Dutheronomi 31:11 Referencias Cruzadas

2 Emakhosi 17:37

Nifanele nicaphele njalo kugcina imiyalo netimiso takhe, imitsetfo neteluleko takhe lanibhalela tona. Ningabakhonti labanye bonkulunkulu.

2 Emakhosi 23:2

Wenyuka nabo waya ethempelini laSimakadze akanye nalamadvodza akaJuda, nebantfu bonkhe baseJerusalema, nebaphristi nebaphrofethi, ngisho nabo bonkhe bantfu kusukela kulomncane kuze kuyewufika kulomkhulu. Wabafundzela, baweva onkhe emavi encwadzi yesivumelwane, leyayitfolakele ethempelini laSimakadze.

Nehemiya 8:13

Ngelilanga lesibili kuleyo nyanga baholi bayo yonkhe imindeni, nebaphristi kanye nemaLevi babutsanela ku-Ezra, labeyingcweti yetemtsetfo, kuze batewufundza kahle timiso talomtsetfo.

Nehemiya 8:18

Lilanga ngelilanga kusukela kulekucala kwaze kwaba kulekugcina, Ezra abebafundzela kulencwadzi yemtsetfo waNkulunkulu. Lomkhosi bawugubha emalanga lasikhombisa, kwatsi ngelilanga lesiphohlongo bahlangana ndzawonye, njengobe kwakusho lomtsetfo.

Nehemiya 9:3

Bema lapho babekhona khona, bafundza incwadzi yemtsetfo waSimakadze Nkulunkulu wabo sikhatsi lesaba yincenye yesine yelilanga, kwatsi ngalenye incenye yelilanga bavuma tono tabo, bakhonta Simakadze Nkulunkulu wabo.

Tihlabelelo 84:7

Bayatfutfuka emandleni baye emandleni; Nkulunkulu wabonkulunkulu uyawubonakala eSiyoni.

Eksodusi 34:24

Ngobe ngiyawucitsa tive embikwakho ngandzise neminyele yakho; kute loyawuhawukela live lakho, ngetikhatsi tekwenyuka kwakho katsatfu ngemnyaka nawuyekutibonakalisa kuSimakadze, longuNkulunkulu wakho.

Imisebenti yebaPhostoli 13:15

Sekufundvwe umtsetfo nemiBhalo yebaphrofethi, baphatsi belisinagoge batfumela livi batsi: “Bazalwane, sicela nikhulume kubantfu nangabe ninawo emavi ekubakhutsata.”

Imisebenti yebaPhostoli 15:21

Ngobe nemtsetfo waMosi sewushunyayelwe kuwo onkhe emadolobha wafundziswa sikhatsi lesidze emasinagogeni ngemalanga onkhe emaSabatha.”

Dutheronomi 12:11

Kuleyo ndzawo-ke Simakadze Nkulunkulu wenu layakuyikhetsa ibe yakhe, niyawuletsa khona konkhe lenginiyale ngako: iminikelo yenu yekushiswa, nemihlatjelo yenu, nekwelishumi kwenu, netipho tenu letimcoka kanye nayo yonkhe iminikelo yenu yelikhetselo lenanetsembisa ngayo kuSimakadze.

Dutheronomi 12:14

Niyakuyinikela kuphela kuleyo ndzawo Simakadze latayikhetsa emkhatsini walesinye setive tenu, ngulapho niyawutigcinela khona tonkhe letintfo lenginiyala ngato.

Dutheronomi 12:5

Kodvwa nine niyawufunisisa indzawo leyawukhetfwa nguSimakadze Nkulunkulu wenu leyawubasemkhatsini wato tonkhe tive tenu, lapho ayawubeka khona Libito lakhe, ahlale khona. Ngukuleyo ndzawo-ke lapho niyakuya khona,