Dutheronomi 30:3 - Siswati 1996 Bible

³ Simakadze Nkulunkulu wenu uyawunibuyisela tonkhe tibusiso tenu, anihawukele aphindze anibutse kuto tonkhe leto tive, lapho abenisakatele khona.

Dutheronomi 30:3 Referencias Cruzadas

Genesisi 28:15

Ukhumbule kutsi ngitawuba nawe ngikulondvolote nome uyaphi, ngikubuyise kulo lelive. Ngobe ngingeke ngikushiye ngingakakwenti loku lesengikwetsembise kona.”

Genesisi 48:21

Israyeli wakhuluma kuJosefa watsi: “Manje sengitawufa, kodvwa Nkulunkulu utawuba nani, aphindze anibuyisele eveni labokhokho benu.

1 Tikhronike 16:35

Khalani kuye nitsi: ‘Sisindzise, Nkulunkulu longuMsindzisi wetfu, sibutse usikhulule etiveni, kuze sibonge Libito lakho lelingcwele, kuze sigungubale ngeludvumo lwakho.’

Nehemiya 1:9

kodvwa naniphendvuka nibuyela kimi, nigcine imiyalo yami niyente, nome ngabe labo labatfunjiwe benu bakhashane kangakanani, ngiyawubabutsa khona lapho ngibabuyisele kuyona lendzawo lengayikhetsela kutsi kuhlale khona Libito lami.’

Jobe 42:10

Watsi kube Jobe athandazele labangani bakhe, Simakadze wamenta wanjinga futsi; wanjinga ngalokuphindvwe kabili kunakucala.

Tihlabelelo 107:3

Wababutsa emaveni onkhe emphumalanga nasenshonalanga, enyakatfo naseningizimu.

Tihlabelelo 147:2

Simakadze wakha iJerusalema kabusha, ubutsa labasakatekile baka-Israyeli.

Isaya 27:12

Ngalelo langa Simakadze uyawubabhula kusukela emfuleni iYufrathe kuze kuyewufika emfuleni waseGibhithe, nine-ke ma-Israyeli, niyawubutfwa ngamunye ngamunye.

Isaya 43:5

Ungesabi, ngobe nginawe; bantfwabakho ngitabaletsa kusuka emphumalanga, ngikubutse wena kusukela enshonalanga.

Isaya 54:7

“Kwesikhashana nje ngakushiya, kodvwa ngesihawu lesikhulu ngiyawukubuyisa.

Isaya 56:8

INkhosi Simakadze, lena lebutsa labatfunjiwe baka-Israyeli, itsi: “Ngiyawubutsela kubo labanye ngaphandle kwalabo lasebabutsiwe.”

Jeremiya 12:14

Naku-ke lokushiwo nguSimakadze, utsi: “Bonkhe labomakhelwane bami labakhohlakele labatsatsa ngendlovuyangena lifa lami lengalipha sive sami, ema-Israyeli, ngitabazuphuna kulamave abo, ngiphindze ngizuphune nendlu yakaJuda emkhatsini wabo.

Jeremiya 23:3

“Mine matfupha ngiyawutibutsela lensali yemhlambi wami emaveni onkhe, lapho ngiwusakatele khona, ngiwubuyisele edlelweni lawo, lapho uyawukwandza khona, ukhule wandze ngesibalo.

Jeremiya 29:14

Ngiyawutfolwa ngini nginibuyise ekutfunjweni kwenu,’ kusho Simakadze. ‘Ngiyawunibutsa kuto tonkhe tive netindzawo, lapho benginicoshele khona,’ kusho Simakadze. ‘Ngiyawunilandza nginibuyisele kuyo lendzawo lapho nganitsatsa khona naya ekudzingisweni.’

Jeremiya 31:10

“Vanini livi laSimakadze, nine tive; limemeteleni etichingini letikhashane, nitsi: ‘Lowo lowasakata Israyeli uyawumbutsa futsi, uyakwelusa umhlambi wakhe njengemelusi.’

Sililo 3:22

Ngenca yelutsandvo lolukhulu lwaSimakadze asikadliwa sacedvwa, ngobe sihawu sakhe singeke siphele.

Sililo 3:32

Nome akuletsa kudzabuka, kodvwa uyawubuye ahawukele, lukhulu kangako-ke lutsandvo lwakhe.

Hezekeli 11:17

“Ngako-ke tsani: ‘Naku lokushiwo yiNkhosi Simakadze, itsi: Ngitanibutsa kuto tonkhe tive nginibuyise, nisuke kuwo onkhe lawo mave lebenginisakatele kuwo, ngiyawuphindze futsi ngininike lelive laka-Israyeli.’

Hezekeli 36:24

“ ‘Ngobe ngiyawunikhipha emkhatsini wetive, ngiyawunibutsa kuwo onkhe emave, nginibuyisele eveni lelingelenu.

Hezekeli 39:28

Lapho-ke bayawube sebayati kutsi mine nginguSimakadze longuNkulunkulu wabo, ngobe nome ngabayisa ekutfunjweni emkhatsini wetive, ngiyawuphindze ngibabutsisele eveni lelingelabo, ngingashiyi namunye ngemuva.

Mikha 7:19

Uyawuphindze ube nemusa futsi kitsi. Tono tetfu utatigcobagcoba ngetinyawo utigcumukisele tishone ekujuleni kwelwandle!

Zakhariya 10:9

Noko ngibasakatela kuletinye tive, kodvwa kuwo lawo mave lakhashane bayakungikhumbula. Bona kanye nebantfwababo bayawuphila, baphindze babuye.

KubaseRoma 11:23

Nalabo labanye futsi nabakuyekela kungakholwa kwabo bayawuhlunyeleliswa, ngobe Nkulunkulu unawo emandla ekuphindza abahlumelelise.

KubaseRoma 11:26

Onkhe ema-Israyeli ayawusindziswa kanjalo-ke, njengobe kubhaliwe kutsi: “UMkhululi uyawuvela eSiyoni loyawususa konkhe konakala kuJakobe.

KubaseRoma 11:31

Ngalokufananako nabo abakalaleli, kuze kutsi sihawu leniphetfwe ngaso nabo basemukeliswe.

Dutheronomi 13:17

Kute nome yinye yaleto tintfo letilahliwe lekufanele titfolakale etandleni tenu, kuze Simakadze atewugucuka ekutfukutseleni kwakhe lokwesabekako. Uyakunentela umusa abe nesihawu kini, anandzise, njengobe afunga kuboyihlomkhulu,

Dutheronomi 4:27

Simakadze uyawunisakatela etiveni letinye, bayawuba yingcosana benu labayawusala kuleto tive Simakadze layakube anisakatele kuto.