Dutheronomi 3:6 - Siswati 1996 Bible

⁶ Sawabhubhisa sawacedza onkhe, njengobe senta kuSihoni, inkhosi yaseHeshboni; sabhubhisa onkhe emadolobha, nemadvodza, nebafati nebantfwana.

Dutheronomi 3:6 Referencias Cruzadas

Numeri 21:2

Israyeli wenta sifungo kuSimakadze, watsi: “Nawungahle usinikele lesive etandleni tetfu, sitasincoba sibhubhise nemadolobha aso.”

Dutheronomi 1:4

Loko wakwenta emvakwekuba asehlule Sihoni, inkhosi yema-Amori, leyayibusa eHeshboni. Emphini yase-Edreyi abehlule Ogi, inkhosi yaseBhashani, leyayibusa e-Ashtarothe.

Dutheronomi 2:24

“Sukumani, nihambe nidzabule Sihosha sase-Anoni. Bukani la, indzawo yaSihoni, um-Amori, inkhosi yaseHeshboni, nelive lakhe, ngikwetfule etandleni tenu. Mhlaseleni nidle lelive lakhe.

Dutheronomi 2:34

Ngaleso sikhatsi sawatsatsa onkhe emadolobha akhe, sawabhubhisa onkhe, nemadvodza, nebafati, nebantfwana. Akuzange kusale ngisho namunye.

Dutheronomi 29:6

Anizange senidle sinkhwa, aninatsanga naliwayini, nome lesinye sinatfo lesivutjelwa. Ngakwenta kuze ningati kutsi nginguSimakadze Nkulunkulu wenu.

Dutheronomi 3:2

Kodvwa Simakadze wakhuluma kimi, watsi: ‘Ungamesabi, ngobe yena kanye nemabutfo akhe onkhe, nelive lakhe, sengimnikele etandleni takho. Yenta kuye kona loko lowakwenta kuSihoni, inkhosi yema-Amori, labebusa eHeshboni.’

Dutheronomi 3:5

Onkhe lamadolobha abetinqaba ngekwawo, anetibondza letiphakeme nemasango laveletelwa ngemishudvo yensimbi, kanye nalamanye emadolobha lamanyenti kakhulu labete tibondza.

Joshuwa 11:14

Ema-Israyeli atitsatsela yonkhe imphango kanye netifuyo talamadolobha; kodvwa bonkhe bantfu babacedza ngelusiko lwenkemba, baze baphela bonkhe, kwabate ngisho namunye lowasala aphila.