Dutheronomi 3:4 - Siswati 1996 Bible

⁴ Ngaleso sikhatsi sawatfumba onkhe emadolobha akhe; kute ngisho nalinye kulamadolobha labengema-60 lelasala sangete salitfumba kuso sonkhe leso sifundza sase-Agobhu, embusweni wa-Ogi, inkhosi yaseBhashani.

Dutheronomi 3:4 Referencias Cruzadas

1 Emakhosi 4:13

Bheni Geberi abesikhulu saseRamothi Gileyadi: Imithi yakaJayire, umsa waManase, eGileyadi, beyiyakhe kanye nesifundza sase-Agobu, eBhashani, kanye nemadolobha aso labengema-60 labiyelwe ngetibondza letinemasango lavalwa ngemishudvo yelitfusi.

Numeri 21:35

Ngako ema-Israyeli abulala Ogi kanye nemadvodzana akhe, naso sonkhe sive sakhe, kwabate ngisho namunye lowasindza. Ase ayalidla lelo live lakhe.

Dutheronomi 3:13

Lenye incenye yelive lakaGileyadi neBhashani yonkhe, umbuso wa-Ogi, ngisho sonkhe sifundza sase-Agobhu ngayabela incenye yesive sakaManase. “IBhashani yayatiwa ngekutsi live lakaRefa.

Dutheronomi 3:14

Jayire, umsa waManase, watsatsa sonkhe sifundza sase-Agobhu, kuze kuyewufika emnyeleni wemaGeshuri nemaMakhathi. Leyo ndzawo wayetsa ngaye; kuze kube ngulamuhla iBhashani yatiwa ngekutsi yiHavothi Jayire.

Dutheronomi 3:3

“Ngako Simakadze Nkulunkulu wetfu, wanikela Ogi, inkhosi yaseBhashani, kanye nabo bonkhe bantfu bakhe etandleni tetfu. Sabagwaza bonkhe, kwangete kwasala ngisho namunye lowasindza.

Dutheronomi 3:5

Onkhe lamadolobha abetinqaba ngekwawo, anetibondza letiphakeme nemasango laveletelwa ngemishudvo yensimbi, kanye nalamanye emadolobha lamanyenti kakhulu labete tibondza.

Dutheronomi 4:47

Balidla live lakhe nelive la-Ogi, inkhosi yaseBhashani, lamakhosi lamabili esive sema-Amori ngasemphumalanga kwemfula iJordane.

Joshuwa 12:4

Ema-Israyeli aphindza ancoba Ogi, inkhosi yaseBhashani, lomunye wemaRefa ekugcina labebusa i-Ashtarothe ne-Edreyi.