Dutheronomi 29:6 - Siswati 1996 Bible

⁶ Anizange senidle sinkhwa, aninatsanga naliwayini, nome lesinye sinatfo lesivutjelwa. Ngakwenta kuze ningati kutsi nginguSimakadze Nkulunkulu wenu.

Dutheronomi 29:6 Referencias Cruzadas

Nehemiya 9:15

Ekulambeni kwabo wabapha sinkhwa lesasichamuka ezulwini, kwatsi ekomeni kwabo wabanatsisa emanti labephuma edvwaleni. Wabatjela kutsi abangene badle lelive, lewawufunge ngalo ngekuphakamisa sandla sakho kutsi uyakubapha lona.

Eksodusi 16:12

“Ngikuvile kukhonona kwebantfu baka-Israyeli. Batjele utsi: ‘Kusihlwa nitawudla inyama, ekuseni nibe nenala yesinkhwa. Nitawukwati-ke kutsi mine nginguSimakadze longuNkulunkulu wenu.’ ”

Eksodusi 16:35

Ema-Israyeli aphila ngekudla imana iminyaka lengema-40, adzimate efika eveni lelalakhelwe bantfu; adla imana adzimate efika emnyeleni welive laseKhenani.

Numeri 16:14

Ngetulu kwaloko awukasimikisi eveni leligcwele lubisi neluju lwetinyosi, nelifa lemasimi netivini. Ucabanga kutsi lamadvodza langaka ungawenta timphumphutse? Singeke site.”

Numeri 20:8

“Tsatsa lendvuku, bese-ke wena na-Aroni, umnakenu, nibutsela sonkhe sive ndzawonye. Khuluma kulelidvwala, embikwaso sibuka, litawube selikhipha emanti. Uyawukhipha emanti kulelidvwala, kuze sonkhe sive kanye netifuyo taso sinatse kulo.”

1 kubaseKorinthe 10:4

Bonkhe banatsa sinatfo sinye saMoya, ngobe banatsa edvwaleni laMoya lelabalandzela. Yebo, lelo dvwala lalinguKhristu.

1 kubaseKorinthe 9:25

Bantfu labancintisanako batitsiba kuko konkhe, bukani-ke ngobe labo basuke bentela kutfola umklomelo lophelako, kangakanani-ke tsine lesiyakwemukela umklomelo longeyiwuphela.

Kubase-Efesu 5:18

Ningadzakwa, ngobe kuvela kuko inkhanuko, kodvwa gcwaliswani ngaMoya.

Dutheronomi 2:33

Simakadze Nkulunkulu wetfu wamnikela kitsi, samncoba yena nemadvodzana akhe kanye nesive sakhe sonkhe.

Dutheronomi 29:7

“Natsi nanifika kulendzawo, Sihoni, inkhosi yaseHeshboni, na-Ogi, inkhosi yaseBhashani, baphuma kutekulwa natsi, kodvwa sabehlula.

Dutheronomi 3:3

“Ngako Simakadze Nkulunkulu wetfu, wanikela Ogi, inkhosi yaseBhashani, kanye nabo bonkhe bantfu bakhe etandleni tetfu. Sabagwaza bonkhe, kwangete kwasala ngisho namunye lowasindza.

Dutheronomi 3:6

Sawabhubhisa sawacedza onkhe, njengobe senta kuSihoni, inkhosi yaseHeshboni; sabhubhisa onkhe emadolobha, nemadvodza, nebafati nebantfwana.

Dutheronomi 8:3

Wanitfobisa, wanenta nalamba, wabe sewunondla ngemana, lenaningayati nekuyati nine naboyihlo benu, wentela kunifundzisa kutsi umuntfu akaphili ngesinkhwa sodvwa kodvwa nangawo onkhe emavi laphuma emlonyeni waSimakadze.