Dutheronomi 29:5 - Siswati 1996 Bible

⁵ Kuyo yonkhe leminyaka lengema-40 lenganginihola ngayo ehlane, timphahla tenu atizange tiguge, netincabule tenu atizange tiguge etinyaweni tenu.

Dutheronomi 29:5 Referencias Cruzadas

Nehemiya 9:21

Wabagcina ngekubasekela iminyaka lengema-40 ngesikhatsi basesehlane; abazange beswele lutfo, timphahla tabo atizange tiguge, kantsi netinyawo tabo atizange tivuvuke.

Tihlabelelo 78:24

wanisa imana kutsi bantfu badle, wabapha emabele asezulwini.

Eksodusi 6:7

Ngitanenta nibe sive sami, mine ngibe nguNkulunkulu wenu. Nine-ke niyawungati kutsi nginguSimakadze longuNkulunkulu wenu lowanikhipha ngaphansi kwelijoko laseGibhithe.

Eksodusi 7:7

Mosi abesaneminyaka lengema-80, kantsi Aroni abesaneminyaka lengema-83, nabakhulumisana naFaro.

Numeri 14:33

Bantfwabenu batawuba belusi khona lapha, kuze kuphele iminyaka lengema-40, bahlupheka ngenca yekungetsembeki kwenu, kuze kufe newekugcina wenu.

Matewu 10:10

Ningaphatsi ngisho nemgodla wendlela wekucela, nemabhantji lamabili, neticatfulo, nentfonga, ngobe sisebenti sifanelwe kudla kwaso.

Dutheronomi 1:3

Ngemnyaka wema-40, ngelilanga lekucala enyangeni yeli-11, kusukela baphuma eGibhithe, Mosi wakhuluma kuma-Israyeli konkhe loko Simakadze labemyale ngako kutsi awatjele kona, lokumacondzana nawo.

Dutheronomi 8:2

Khumbulani kutsi Simakadze Nkulunkulu wenu wanihola njani kuyo yonkhe indlela yenu ehlane kuleminyaka lengema-40, wanitfobisa wanivivinya, khona atewukwati lenanikucondzile enhlitiyweni yenu nekutsi nitayigcina yini imiyalo yakhe, nome cha.

Dutheronomi 8:3

Wanitfobisa, wanenta nalamba, wabe sewunondla ngemana, lenaningayati nekuyati nine naboyihlo benu, wentela kunifundzisa kutsi umuntfu akaphili ngesinkhwa sodvwa kodvwa nangawo onkhe emavi laphuma emlonyeni waSimakadze.

Dutheronomi 8:4

Timphahla tenu atizange tiguge, netinyawo tenu atizange tivuvuke kuleminyaka lengema-40.

Joshuwa 9:13

Lamadlelantfongeni etfu eliwayini abemasha, kodvwa ase niwabuke nyalo kutsi asadzabuke kanjani. Naletingubo tetfu netincabule tetfu setigugile ngenca yebudze balendlela.’ ”

Joshuwa 9:5

Lamadvodza etinyaweni tawo abefake tincabule letindzala letase tichitjelwe, abembetse netimphahla letase tigugile. Tonkhe tinkhwa letatingimiphako yawo tase tomile, tikhuntsile.