Dutheronomi 29:25 - Siswati 1996 Bible

²⁵ “Imphendvulo iyawutsi: ‘Kungobe lesive salahla sivumelwane saSimakadze, Nkulunkulu waboyisemkhulu, sivumelwane lasenta nabo ngesikhatsi abakhipha eGibhithe.

Dutheronomi 29:25 Referencias Cruzadas

1 Emakhosi 9:8

Noko nome kwanyalo lelithempeli lisenesitfunti lesimatima kangaka, bonkhe labendlula ngakulo bayawumangala bahhalatise, batsi: ‘Simakadze uyenteleni lentfo lenjena kulelive nakulelithempeli?’

1 Emakhosi 9:9

Bantfu bayawuphendvula batsi: ‘Kungobe bamfulatsela Simakadze Nkulunkulu wabo, lowakhipha bokhokho babo eGibhithe, besuka bagugumatsa labanye bonkulunkulu basebentele bona, babakhonta bakhuleka kubo. Nguko nje Simakadze asabehlisele lenhlekelele lengaka.’ ”

2 Emakhosi 17:15

Batala timiso takhe nesivumelwane sakhe labesente naboyisemkhulu, kanye neteluleko labebeluleke ngato. Balandzela tithico letingenamsebenti walutfo, nabo bagcina sebangenamsebenti walutfo. Basuke balingisa letive letatakhelene nabo, kantsi Simakadze abebayalile watsi: “Ningabalingisi.” Benta kona kanye loko Simakadze labetsite bangabokwenta.

2 Emakhosi 17:9

Baka-Israyeli benta tintfo ngasense letatiphambene naSimakadze Nkulunkulu wabo, letatingakalungi. Kusukela etimbonisweni kuye emadolobheni labiyelwe, batakhela tindzawo letiphakeme tekukhontela tithico kuwo onkhe emadolobha abo.

2 Emakhosi 22:17

Njengobe bangikhohliwe mine, batfuncisa imphepho kulabanye bonkulunkulu, bangitfukutselisa ngato tonkhe letithico labatente ngetandla tabo, intfukutselo yami itawuvutsela lendzawo, futsi ingeke icisheke.’

2 Tikhronike 36:13

Sedekiya-ke wayivukela inkhosi Nebukhadnezari lowamfungisa ngelibito laNkulunkulu. Wacinisa inhloko nenhlitiyo yakhe, wala kuphendvukela kuSimakadze, Nkulunkulu wema-Israyeli.

Tihlabelelo 106:36

Bakhonta tithico tato, letagucuka taba lugibe kubo.

Isaya 47:6

Ngangisitfukutselele sive sami, ngalilahla lifa lami, ngabanikela esandleni sakho, nawe awuzange ubahawukele ngemusa; ngisho nalasebagugile, wabagaca ngelijoko lelimatima.

Isaya 65:11

“Kodvwa nine lenilahla Simakadze, nikhohlwe intsaba yami lengcwele, nine lenendlala litafula nendlalele sithico lesinguNhlanhla, nigcwalise tindziwo ngeliwayini lelididiyelwe, nitigcwalisele sithico lesinguSimiselo,

Jeremiya 16:11

Ubobe sewuyabatjela utsi: ‘Kungobe boyihlo bangilahla balandzela labanye bonkulunkulu, babasebentela, babakhonta. Bangifulatsela mine, bangete bawugcina umtsetfo wami, kusho Simakadze.

Jeremiya 22:8

“Bantfu labaphuma etiveni letinyenti bayawukwendlula eceleni kwalelidolobha babutane batsi: ‘Simakadze uyenteleni intfo lenjena kulelidolobha lelikhulu kangaka?’

Jeremiya 22:9

Imphendvulo yabo iyawutsi: ‘Kungobe basilahla sivumelwane saSimakadze Nkulunkulu wabo, bakhonta labanye bonkulunkulu, basebentela bonkulunkulu labanye.’ ”

Jeremiya 31:32

Lesivumelwane singeke sifanane naleso lengasenta naboyisemkhulu ngesikhatsi ngibabamba ngesandla ngibahola ngibakhipha eGibhithe, ngobe basephula sivumelwane sami, nome ngangiyindvodza kubo,” kusho Simakadze.

Jeremiya 44:3

ngenca yebubi lobentiwe ngulabo bantfu. Bangicunula, ngabatfukutselela ngekutfuncisa kwabo imphepho nangekukhonta labanye bonkulunkulu labangazange babati bona kanye nani naboyihlo.

Jeremiya 50:7

Bonkhe lababatfola babadla, titsa tabo tatsi: ‘Site tsine licala, ngobe bona kuSimakadze labelidlelo labo sibili, Simakadze, litsemba laboyisemkhulu.’

Dutheronomi 29:26

Lesive saphambuka sakhonta labanye bonkulunkulu, sakhotsama bona, bonkulunkulu lesingazange sesibati, Simakadze langazange asilayele bona.

KumaHebheru 8:9

Lesivumelwane asiyiwufanana naleso lengasenta naboyise, ngesikhatsi ngibabamba ngesandla ngibakhipha eveni laseGibhithe. Abasigcinanga leso sivumelwane sami, ngako-ke nami angibange ngisabanaka,” isho iNkhosi.