Dutheronomi 29:1 - Siswati 1996 Bible

¹ Lawa-ke ngemavi esivumelwane Simakadze layala ngawo Mosi kutsi asente nesive saka-Israyeli eveni lakaMowabi, kwengetela kuleso sivumelwane lasenta nabo baseseNtsabeni iHorebe.

Dutheronomi 29:1 Referencias Cruzadas

2 Emakhosi 23:3

Inkhosi yema eceleni kwensika yavusetela sivumelwane embikwaSimakadze, yavuma kulandzela Simakadze nekugcina imiyalo yakhe, nemitsetfo yakhe kanye netimiso takhe ngayo yonkhe inhlitiyo yayo nangawo wonkhe umphefumulo wayo, ngaloko yacinisa kwemukela emavi esivumelwane labhalwe kulencwadzi. Bonkhe bantfu batifaka kuleso sivumelwane.

Tihlabelelo 105:27

Benta tibonakaliso taSimakadze emkhatsini wabo, netimangaliso eveni lakaHhamu.

Jeremiya 11:2

“Lalela timiso talesivumelwane utikhulume esiveni sakaJuda nakulabo labahlala eJerusalema.

Jeremiya 11:6

Simakadze wakhuluma kimi, watsi: “Wamemetele onkhe lamavi emadolobheni akaJuda nasetitaladini taseJerusalema, utsi: ‘Lalelani timiso talesivumelwane, nitilandzele.

Jeremiya 31:32

Lesivumelwane singeke sifanane naleso lengasenta naboyisemkhulu ngesikhatsi ngibabamba ngesandla ngibahola ngibakhipha eGibhithe, ngobe basephula sivumelwane sami, nome ngangiyindvodza kubo,” kusho Simakadze.

Jeremiya 34:18

Lamadvodza lephule sivumelwane sami angete atigcwalisa timiso tesivumelwane lasente embikwami, ngiyakuwaphatsa njengalelinkhonyane lalihlahlela ekhatsi laba tincetu letimbili ase ahamba emkhatsini waletincetu acinisa lesivumelwane.

Levithikusi 26:46

Leti-ke timiso, nemiyalo, nemitsetfo Simakadze layenta entsabeni yaseSinayi emkhatsini wakhe nesive sema-Israyeli ngesandla saMosi.

Levithikusi 27:34

Ngiyo lena-ke imiyalo yesive sema-Israyeli Simakadze layinika Mosi entsabeni yaseSinayi.

Imisebenti yebaPhostoli 3:25

Tetsembiso taNkulunkulu ngebaphrofethi bakhe ngetenu, ninesabelo nani kulesivumelwane lesentiwa nguNkulunkulu kubokhokho benu. Washo naku-Abrahama watsi: ‘Ngesitukulwane sakho ngiyawubusisa bonkhe bantfu emhlabeni.’

Dutheronomi 1:1

Lawa-ke ngemavi aMosi lawakhuluma kuso sonkhe sive sema-Israyeli basesehlane ngasemphumalanga nemfula iJordane, e-Arabha, macondzana neSufi, emkhatsini wePharani neThofeli, neLabani, neHaserothi, neDizahabi.

Dutheronomi 28:68

Simakadze uyawunincandzekisa ngemikhumbi nibuyele eGibhithe, ngendlela lengangetsembise kutsi ningeke niphindze nibuyele ngayo. Lapho-ke niyawutinikela nine matfupha kutsi nibe yindali etitseni tenu kutsi tinitsenge nibe tigcili netigcilikati tato, kodvwa kute loyawunitsenga.”

Dutheronomi 29:12

nime lapha, nimele kungena esivumelwaneni naSimakadze Nkulunkulu wenu lasenta nani lamuhla ngesifungo,

Dutheronomi 29:2

Mosi wawabita onkhe ema-Israyeli, wakhuluma kuwo watsi: “Nani matfupha natibonela loko Simakadze lakwenta kuFaro eGibhithe, nakuto tonkhe tiphatsimandla takhe kanye naseveni lakhe lonkhe.

Dutheronomi 29:21

Simakadze uyawumkhipha umkhuphulwane kuto tonkhe tive tema-Israyeli, amehlukanisele tehlakalo macondzana nato tonkhe ticalekiso tesivumelwane letibhalwe kulencwadzi yemtsetfo.

Dutheronomi 29:25

“Imphendvulo iyawutsi: ‘Kungobe lesive salahla sivumelwane saSimakadze, Nkulunkulu waboyisemkhulu, sivumelwane lasenta nabo ngesikhatsi abakhipha eGibhithe.

Dutheronomi 4:10

Khumbulani lilanga lenema ngalo embikwaSimakadze Nkulunkulu wenu ngesikhatsi akhuluma kimi eHorebe atsi: ‘Hlanganisa sonkhe sive sibutsane la embikwami. Ngifuna kutsi sive kahle emavi ami, khona sitewufundza kungihlonipha, yingci nasisaphila kulomhlaba sibuye sifundzise nebantfwabaso.’

Dutheronomi 4:13

Wetfula kini sivumelwane sakhe semiyalo lelishumi laniyala kutsi nihambe ngayo, wase uyibhala phansi etibhelekeceni letimbili tematje.

Dutheronomi 4:23

Caphelani ningasikhohlwa sivumelwane saSimakadze Nkulunkulu wenu lasenta nani. Ningatenteli sithico nome saluphi luhlobo Simakadze Nkulunkulu lanalele kutsi nisente.

KumaHebheru 8:9

Lesivumelwane asiyiwufanana naleso lengasenta naboyise, ngesikhatsi ngibabamba ngesandla ngibakhipha eveni laseGibhithe. Abasigcinanga leso sivumelwane sami, ngako-ke nami angibange ngisabanaka,” isho iNkhosi.

1 Samuweli 12:24

Kodvwa nine cinisekani kutsi nesaba Simakadze, nikhonte yena ngekwetsembeka, ngayo yonkhe inhlitiyo yenu. Nikhumbule kutsi tinkhulu kanganani tintfo lanentela tona.