Dutheronomi 28:36 - Siswati 1996 Bible

³⁶ “Simakadze uyawunicosha kanye nenkhosi yenu lenitibekele yona, niye esiveni leningasati nine kanye naboyihlomkhulu. Ngulapho niyawufike nikhonte labanye bonkulunkulu khona, bonkulunkulu labentiwe ngetigodvo nangematje.

Dutheronomi 28:36 Referencias Cruzadas

2 Emakhosi 25:11

Nebuzaradani, indvuna yabomahlalesangweni, wabatfumba bonkhe labantfu lababesele kulelidolobha neluntfu lonkhe lolwalusele, wabatfumba kanye nalaba lababehlubuke baya enkhosini yaseBhabhulona.

2 Emakhosi 25:21

Lapha eRibla, eveni laseHamathi, inkhosi yafike yababulalela khona. Ngako-ke sive sakaJuda satfunjelwa khashane nelive laso.

2 Tikhronike 33:11

Ngako Simakadze wehlisela etikwabo libutfo letindvuna temphi tenkhosi yase-Asiriya, tefika tatfumba Manase, tamfaka lihhuka lapha ekhaleni, tambopha ngetinketane telitfusi, tahamba naye tammikisa eBhabhulona.

2 Tikhronike 36:1

Sive sakaJuda satsatsa Jehoyahazi, umsa waJosaya, sambeka waba yinkhosi yaseJerusalema esikhundleni seyise.

2 Tikhronike 36:17

Simakadze wabavusela inkhosi yaseBhabhulona leyafike yabulala onkhe emajaha abo ngenkemba, iwabulalela endzaweni lengcwele, ingashiyi lutfo loluselusha labadvuna nalabasikati nome talukati nemakhehla. Nkulunkulu wabaniketela bonkhe kuNebukhadnezari.

2 Tikhronike 36:20

Watsatsa lemisalela wayakuyidzingisela eBhabhulona, labo lababesindze enkembeni, base baba tigcili takhe kanye netebantfwabakhe, waze umbuso wasePheresiya waba ngulonemandla kakhulu.

2 Tikhronike 36:6

Nebukhadnezari, inkhosi yaseBhabhulona, wamhlasela, wambopha ngetinketane telitfusi entela kumtfumba amuse eBhabhulona.

Isaya 39:7

Labanye betitukulwane takho, labayinyama nengati yakho, lewuyawutalelwa bona, bayawutfunjwa bayekwentiwa tigcili, baphakulwe esigodlweni senkhosi yaseBhabhulona.”

Jeremiya 15:14

Ngiyawukugcilata ngetitsa takho, eveni longalati, ngobe lulaka lwami luyawulumeka umlilo loyawuvutsa umelane nani.”

Jeremiya 16:13

Ngako-ke ngitanikhipha kulelive, nginiyise eveni leningazange senilati, nine kanye naboyihlo; lapho-ke niyawufike nikhonte labanye bonkulunkulu busuku nemini, ngobe angisayikuniphatsa ngesihe.’ ”

Jeremiya 39:1

IJerusalema yatfunjwa kanjena-ke: Ngemnyaka wemfica wekubusa kwaSedekiya, inkhosi yakaJuda, ngenyanga yelishumi, Nebukhadnezari, inkhosi yaseBhabhulona, washuca wayawuhlasela iJerusalema, washuca nayo yonkhe imphi yakhe wayivimbetela.

Jeremiya 9:15

Ngako-ke, naku lokushiwo nguSimakadze longuSomandla, Nkulunkulu wema-Israyeli, utsi: “Buka la, labantfu ngitabadlisa kudla lokubabako, ngibanatsise emanti lanashevu.

Sililo 2:9

Emasango ayo ashone emhlabatsini; imicabo yayo wayifohlota wayibhubhisa. Inkhosi yayo netikhulu tayo tahlakatwa tayiswa etiveni, umtsetfo sekwabate, Nebaphrofethi bayo abasayitfoli imibono levela kuSimakadze.

Sililo 4:20

Logcotjiwe waSimakadze, lokunguyena angimitsambo yekuphila kwetfu, wabhajwa etingibeni tabo. Besicabanga kutsi siyawukhosela ngaphansi kwematfunti akhe, siphile emkhatsini wetive ngetive.

Hezekeli 11:9

Ngitanikhipha kulelidolobha, ngininiketele etandleni tebetive nginijezise.

Hezekeli 20:39

“ ‘Macondzana nani, ninendlu yaka-Israyeli, naku lokushiwo yiNkhosi Simakadze, itsi: Hambani niyewukhonta tithico tenu, nonkhe! Kodvwa ngicinisile ngitsi, emvakwaloko niyawulalela mine, ningasaphindzi nilihlambalate Libito lami lelingcwele ngetipho tenu nangetithico tenu.

Dutheronomi 28:64

“Simakadze uyakunisakatela emkhatsini wato tonkhe tive, kusuka ngala kwemhlaba kuye ngale kwawo. Lapho-ke niyawukhonta labanye bonkulunkulu labentiwe ngelugodvo, nangelitje, leningazange senibati nine ngisho nabokhokho benu imbala.

Dutheronomi 29:17

Natibonela nine titfombe tabo letinengekako, kanye netithico tabo telugodvo, netematje, netesiliva, netegolide.

Dutheronomi 4:27

Simakadze uyawunisakatela etiveni letinye, bayawuba yingcosana benu labayawusala kuleto tive Simakadze layakube anisakatele kuto.

Dutheronomi 4:28

Kuleto tive niyawukhonta tithico letentiwe bantfu ngetingodvo nangematje, letingaboni naletingeva, naletingadli, naletingakwati kunuka.

1 Samuweli 12:25

Kodvwa nanichubeka ekwenteni lokubi, nine kanye nenkhosi yenu, niyawubhubha nonkhe.”