Dutheronomi 28:32 - Siswati 1996 Bible

³² Emadvodzana nemadvodzakati enu ayawutsatfwa aniketelwe kuletinye tive, nine niyawugugelwa ngemehlo solomane niwagolotele imihla ngemihla, ningasenamandla ngisho newekuphakamisa sandla.

Dutheronomi 28:32 Referencias Cruzadas

2 Tikhronike 29:9

Nguko nje bobabe betfu, sebabulawe ngenkemba, nekutsi nemadvodzana etfu, nemadvodzakati etfu, nebafati betfu sebatfunjiwe.

Jobe 11:20

Kodvwa emehlo alababi ayawukwehluleka kubona, ingabikho ngisho nendlela yekubaleka. Litsemba labo seliyawuba kufa.”

Jobe 17:5

Umuntfu ujabulisa bangani bakhe ngekudla, babe bantfwabakhe bagolela timphungane emlonyeni.

Jobe 31:8

nakunjalo-ke, lomunye umuntfu akadle konkhe loko bengikuhlanyele, netilimo tami atizushunwe.

Tihlabelelo 119:123

Emehlo ami asacundzekile, ngifunana nensindziso yakho, nekugcwaliseka kwesetsembiso sakho.

Tihlabelelo 119:82

Sengigolotele sekuze kubuhlungu emehlo, solomane ngilindzele setsembiso sakho; solomane ngiyatibuta namanje, ngitsi: “Uyawungidvudvuta nini?”

Tihlabelelo 69:3

Ngidvubuteke kabi ngenca yekukhala kwami, umphimbo wami womile, uyahoshota. Emehlo ami asacundzekile ngenca yekulindzela wena, Nkulunkulu wami.

Isaya 38:14

Ngantjilota ngikhalisa kwenkhonjane, ngabubula ngakhalisa kwelituba, emehlo ami aba luvitsi, nangitsi ngibuka etulu emazulwini, ngihluphekile. Awu Simakadze, wota ungelekelele.”

Sililo 1:18

“Simakadze ulungile, noko ngayihlubuka imitsetfo yakhe. Lalelani, nonkhe nine tive, bukani kuhlupheka kwami. Emajaha akami netintfombi takami sebatfunjiwe.

Sililo 2:11

Emehlo ami aluvitsi ngenca yekukhala. Ngiyasha ngiyabhadla emphefumulweni wami, inhlitiyo yami itfululeleke phansi emhlabatsini, ngobe bantfu bakitsi babhujisiwe, bantfwana netinswane kuyacaleka etitaladini telidolobha.

Sililo 4:17

Ngetulu kwaloko, emehlo etfu adzimate akhatsala solomane agolotele lusito lungaveli, sabukisisa emibhoshongweni yetfu, silindzele sive lesasingeke sisisindzise.

Sililo 5:17

Ngenca yako konkhe loku tinhlitiyo tetfu tidzabukile, nangenca yato tonkhe letintfo emehlo etfu ayadvumba,

Hezekeli 24:25

“Wena-ke, ndvodzana yemuntfu, ngalelilanga lengiyawutsatsa ngalo inqaba yabo, kujabula kwabo neludvumo lwabo, injabulo yemehlo abo, nesifiso senhlitiyo yabo, kanye nemadvodzana nemadvodzakati abo,

Joweli 3:6

Natsengisa bantfu bakaJuda nebaseJerusalema kumaGriki, nentela kutsi batewuba khashane nemikhawulo yelive labo.

Amose 5:27

ngitanenta nitfunjelwe ngesheya kweDamaseko,” usho njalo-ke Simakadze, lolibito lakhe linguNkulunkulu longuSomandla.

Mikha 2:1

Maye kulabo labacabanga imicabango lemibi, labo labatsi balele babe bangakalali bacabanga emasu ekwenta bubi! Kutsi kungasa bakwente loko bebakuhlosile, ngobe banemandla ekukwenta loko.

Mikha 4:10

Shumpani nibubule, bantfu baseJerusalema, nilingise umfati aphetfwe ngumhelo nasatawubeleka, ngobe nyalo senitawuphuma ekhaya niyewuhlala etigangeni. Nitakuya eBhabhulona; noko lapho niyawusindziswa, Simakadze uyakunephula etitseni tenu.

Numeri 21:29

Nako kini, sive sakaMowabi! Nibhujisiwe nine sive sakaKhemoshi! Uyekelele emadvodzana akhe, aba bakhoseli; kwatsi emadvodzakati akhe aba titfunjwa taSihoni, inkhosi yema-Amori.

Dutheronomi 28:18

“Intalo yesisu sakho iyawucalekiswa, nesivuno selive lakho, nemankhonyane emihlambi yetinkhomo takho, nemazinyane emihlambini yetinkhomo takho, nemazinyane emihlambini yetimvu takho.

Dutheronomi 28:31

Inkhabi yakho iyawugwazwa emehlweni akho, kodvwa wena awuyikudla lutfo lwayo. Imbongolo yakho iyawutsatfwa kuwe ngendluzula ingaphindzi ibuyiselwe kuwe. Imvu yakho iyawuphiwa sitsa sakho, kute naloyakukusindzisa.

Dutheronomi 28:41

Niyawuba nemadvodzana nemadvodzakati, kodvwa akayiwuhlala nani, ngobe ayawutfunjwa.

Dutheronomi 28:65

Emkhatsini waleto tive aniyikuba nako kuthula nendzawo yekuphumuta tinyawo tenu. Lapho Simakadze uyakuninika khona ingcondvo leshisekelako nemehlo lakhatsele ngekulangatelela, nenhlitiyo ledzangele.