Dutheronomi 28:31 - Siswati 1996 Bible

³¹ Inkhabi yakho iyawugwazwa emehlweni akho, kodvwa wena awuyikudla lutfo lwayo. Imbongolo yakho iyawutsatfwa kuwe ngendluzula ingaphindzi ibuyiselwe kuwe. Imvu yakho iyawuphiwa sitsa sakho, kute naloyakukusindzisa.

Dutheronomi 28:31 Referencias Cruzadas

Jobe 20:28

Sikhukhula siyakwemukisa likhaya lakhe, emagagasi alitfumbe ngelilanga lelulaka lwaNkulunkulu.

Isaya 62:8

Simakadze ufunge ngesandla sakhe sekudla nangemkhono wakhe lonemandla, watsi: “Angisayiwuphindza ngephane ngekudla kwakho kutsi kube kudla kwetitsa takho, nebetive abasayiwuphindze balinatse liwayini lelisha lolishikashikanele kangaka.

Jeremiya 5:17

Bayawushwabudzela sivuno senu nekudla kwenu, bashwabudzele emadvodzana nemadvodzakati enu, bashwabudzele imihlambi yenu yetimvu neyetinkhomo, bashwabudzele emavini enu nemikhiwa yenu. Lamadolobha enu labiyelwe lenetsembele kuwo batawabhubhisa ngenkemba.”

Dutheronomi 28:30

“Uyakushaywa ngekutsi wetsembise intfombi kusuke lenye indvodza iyidlwengule. Uyawukwakha indlu, kodvwa ungahlali kuyo. Uyawulima sivini, kodvwa ungafinyeleli ekudleni emagelebisi aso.

Dutheronomi 28:32

Emadvodzana nemadvodzakati enu ayawutsatfwa aniketelwe kuletinye tive, nine niyawugugelwa ngemehlo solomane niwagolotele imihla ngemihla, ningasenamandla ngisho newekuphakamisa sandla.

Tikhulu 6:1

Sive sema-Israyeli saphindza futsi senta lokubi emehlweni aSimakadze, ngako Simakadze wabayekelela esandleni semaMidiyani iminyaka lesikhombisa.

Tikhulu 6:4

Tatitsi tingefika letive, timise kulelive lawo tibhubhise konkhe tingashiyi lutfo lolulinyiwe, kuze kuyewuma ngeGaza, tingawashiyeli lutfo loluphilako ema-Israyeli, tibhubhise timvu, netinkhomo, netimbongolo.